Hardik Pandya Trade News : हार्दिक पांड्याला संघात घेण्यासाठी चेन्नई सुपर किंग्सने मुंबईला मोठी ऑफर दिली आहे. दोन खेळाडू आणि १० कोटी रुपयांच्या या प्रस्तावामागे नक्की काय घडत आहे?
चेन्नईची मुंबईला काय आहे ऑफर?
मिळालेल्या माहितीनुसार, हार्दिक पांड्याला संघात घेण्यासाठी चेन्नईची टीम खूप उत्सुक आहे. त्यासाठी चेन्नईने मुंबईला दोन खेळाडू आणि मोठी रक्कम देण्याची तयारी दाखवली आहे. चेन्नई भारताचा ऑलराउंडर शिवम दुबे आणि दक्षिण आफ्रिकेचा तरुण फलंदाज डेवॉल्ड ब्रेविस या दोन खेळाडूंना मुंबईला देण्यास तयार आहे. यासोबतच १० कोटी रुपये रोख देण्याची ऑफरही त्यांनी दिली आहे. ही डील झाली तर मुंबईला दोन चांगले फलंदाज मिळतील आणि लिलावासाठी पैसेही शिल्लक राहतील.
मुंबईने मागितला आयुष म्हात्रे?
या संपूर्ण चर्चेत आता एक नवा ट्विस्ट आला आहे. मुंबई इंडियन्सने हार्दिकच्या बदल्यात चेन्नईकडून शिवम दुबेसोबत १९ वर्षांचा तरुण फलंदाज आयुष म्हात्रे याला मागितले होते. पण चेन्नई आपल्या या नव्या खेळाडूला सोडायला अजिबात तयार नाही. त्यामुळेच त्यांनी आयुषच्या ऐवजी डेवॉल्ड ब्रेविस आणि १० कोटी रुपये रोख देण्याचा नवा पर्याय मुंबईसमोर ठेवल्याचे समजते.
चेन्नईला हवाय नवा कर्णधार
एमएस धोनीनंतर चेन्नईच्या संघाला एका चांगल्या भारतीय कर्णधाराची आणि ऑलराउंडर खेळाडूची गरज आहे. हार्दिक पांड्याकडे असलेला अनुभव पाहाता चेन्नई त्याला भविष्यातील कर्णधार म्हणून पाहत आहे. दुसरीकडे, कोलकाता नाइट रायडर्स ( KKR ) ची टीमही या घडामोडींवर बारीक लक्ष ठेवून आहे. मुंबई आणि चेन्नईमध्ये ही डील झाली नाही, तर कोलकाता हार्दिक किंवा सूर्यकुमार यादवला आपल्या ताफ्यात घेण्यासाठी प्रयत्न करू शकते.
दरम्यान, या खेळाडूंच्या अदलाबदलीबाबत मुंबई इंडियन्स किंवा चेन्नई सुपर किंग्सने अजून कोणतीही अधिकृत माहिती दिलेली नाही. त्यामुळे याबाबतची खरी माहिती दोन्ही टीम्सच्या अधिकृत घोषणेनंतरच समोर येईल.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
