India vs Sri Lanka Practice Match Result : श्रीलंका इलेव्हनविरुद्धच्या सराव सामन्यात भारताने सहा विकेट्सने विजय मिळवला. देवदत्त पडिक्कलने शतक झळकावलं, शुभमन गिलने दुखापतीनंतर पुनरागमन केलं, तर मोहम्मद सिराजनेही आक्रमक फलंदाजी केली.
पडिक्कलची शतकी खेळी ठरली आकर्षण
नाणेफेक जिंकून प्रथम फलंदाजी करणाऱ्या श्रीलंका क्रिकेट इलेव्हनने ९० षटकांत ८ बाद ३६३ धावा केल्या. निशान मदुष्काने ६६, रविंदू रसांथाने ७१, तर कर्णधार सोनल दिनुशाने ५२ धावा केल्या. भारताकडून कुलदीप यादव, रवींद्र जडेजा आणि मानव सुथार यांनी प्रत्येकी दोन विकेट घेतल्या.
भारताच्या पहिल्या डावाची सुरुवात मात्र खराब झाली. यशस्वी जैस्वाल खाते न उघडताच बाद झाला. त्यानंतर देवदत्त पडिक्कलने डावाची सूत्रं हातात घेतली. तिसऱ्या क्रमांकावर फलंदाजी करताना त्याने तब्बल १८ चौकारांच्या मदतीने नाबाद १४२ धावा केल्या. रवींद्र जडेजाने ६३, मानव सुथारने ४१, तर गुरनूर ब्रारने अवघ्या १८ चेंडूंत ३६ धावा केल्या. भारताने ६ बाद ३५७ धावांवर डाव घोषित केला.
गिल मैदानात परतला, जैस्वालची फटकेबाजी
दुसऱ्या डावात श्रीलंका इलेव्हनने ६ बाद २०० धावा करत डाव घोषित केला. निशान मदुष्काने ६३, तर निपुण धनंजयने ४६ धावा केल्या. जडेजा आणि गुरनूर ब्रार यांनी प्रत्येकी दोन विकेट घेतल्या.
भारतासमोर २०७ धावांचं लक्ष्य होतं. यावेळी यशस्वी जैस्वालने पहिल्या डावातील अपयश भरून काढलं. त्याने ४६ चेंडूंत ९ चौकार आणि २ षटकारांसह ६१ धावांची आक्रमक खेळी केली.
शुभमन गिलची फिटनेस टेस्ट यशस्वी
या डावातील सर्वात महत्त्वाची बातमी म्हणजे शुभमन गिलचं मैदानात पुनरागमन. दुखापतीमुळे दोन दिवस बाहेर राहिल्यानंतर गिलने फलंदाजी करत ४४ धावा केल्या. त्यामुळे १५ ऑगस्टपासून सुरू होणाऱ्या कसोटी मालिकेपूर्वी भारतीय संघाला मोठा दिलासा मिळाला आहे.
अखेरीस मोहम्मद सिराजने फलंदाजीतही आपली ताकद दाखवली. त्याने अवघ्या १५ चेंडूंत चार षटकार आणि एका चौकाराच्या मदतीने नाबाद ३२ धावा केल्या. भारताने ४५ षटकांत ४ बाद २१४ धावा करत सामना सहा विकेट्सने जिंकला. आता या विजयाच्या आत्मविश्वासासह भारतीय संघ श्रीलंकेविरुद्धच्या कसोटी मालिकेसाठी सज्ज झाला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
