‘डोपिंग’ची डोकेदुखी, राष्ट्रकुल क्रीडा स्पर्धेपूर्वीच भारतीय खेळाडू संघाबाहेर, पाहा कोण?

केवळ पदक जिंकण्याची संधी असलेल्या स्पर्धकांनाच स्पर्धेस पाठवण्याचा निर्णय झाल्यामुळे भारतीय वेटलिफ्टिंग महासंघाने १६ कोटा मिळूनही १२ खेळाडूंचा संघ जाहीर केला होता. आता तोही एकने कमी करण्याची वेळ आली आहे. ‘भारतीय वेटलिफ्टरचा कोटा एकने कमी केल्याचे कळण्यात आले. दिलबागसिंग हा काही दिवसांपासून पाठदुखीने बेजार होता. त्याने बर्मिंगहॅम येथील सरावात प्रामुख्याने विश्रांतीच घेतली होती. त्यामुळे त्याची प्रवेशिका माघारी घेण्याचे ठरले,’ असे सूत्रांनी सांगितले.
World Test Championship : विराट-रोहित नाही, 9 जूनपासून द ओव्हलवर WTCची फायनल; पाचव्या स्थानावरील भारताला अंतिम फेरी गाठता येणार?
स्पर्धापूर्व चाचणीत दोषी ठरलेल्या ज्यूदोका अरुणकुमार दासला माघार घेण्यास भाग पडले आहे. तो गेल्या महिन्यात क्विंगदाओ ग्रां. प्रि. स्पर्धेत ७३ किलोपेक्षा कमी गटाच्या स्पर्धेत खेळला होता. त्याच्या नमुन्यात अॅनाबॉलिक स्टेरक़ईड आढळल्यामुळे त्याच्यावर तात्पुरती बंदी घालण्यात आली आहे. ज्यूदो संघ २७ जुलैला रवाना होणार आहे. राष्ट्रकुल क्रीडामधील ज्यूदो स्पर्धा ३१ जुलैपासून आहे. भारताने या स्पर्धेसाठी १४ ज्यूदोकांची निवड केली होती. अरुणने गतवर्षी आशियाई ओपन स्पर्धेत सुवर्णपदक जिंकल्यामुळे त्याच्याकडून पदकाची आशा होती. गत राष्ट्रकुल क्रीडा स्पर्धेत भारतीय ज्यूदोकांनी तीन पदके जिंकली होती.

Sachin Tendulkar : शॉर्टकटची संस्कृती देशाच्या भविष्याला कमकुवत करते, विद्यार्थांच्या भावना समजून घेण्यासारख्या- सचिन तेंडुलकर
राष्ट्रकुल क्रीडा वेटलिफ्टिंग स्पर्धेचा पात्रता कालावधी सुरू झाल्यापासून एन. अजित (७१ किलो), साईराज परदेशी (८८ किलो), हरचरणसिंग (११० किलो) यांच्यावर उत्तेजक चाचणीत दोषी ठरल्यामुळे बंदी आली. त्याचबरोबर वंशिका वर्माच्याविरुद्धही (८६ किलो) कारवाई झाली होती.

तेजस नंदकुमारला वगळले

पॅरा जलतरणपटू तेजस नंदकुमार हा ५० मीटर फ्री स्टाइलमधील ‘एस-७’मधील निकष पूर्ण करीत नसल्याचे सांगत त्याला वगळण्यात आले. जागतिक पॅरा संघटनेने अपंगत्वाचे निकष बदलल्यामुळे तेजस अपात्र ठरल्याचे कळवण्यात आले आहे. हात आणि कमरेवरील भागाचा उपयोग करू शकणारे; पण पायात व्यंग असणारे स्पर्धक या ‘एस-७’ गटात असतात. नव्या निकषानुसार तेजस पॅरा जलतरणपटूमधील ‘एस-७’चे निकष पूर्ण करत नसल्याचे कळवण्यात आले आहे.
IND vs ZIM 1st T20 : मन मोठं लागतं! कॅप्टन झाल्यावर मिळालेल्या पहिल्या विजयाचे दोघेच शिलेदार, श्रेयस अय्यरने जाहीरपणे घेतली नावे, पाहा कोण?

भारताची पदकनिश्चिती

राष्ट्रकुल क्रीडा स्पर्धेचे उद्घाटन होण्यापूर्वीच भारताचे पदक निश्चित झाले आहे. बॉक्सर लवलिना बोरगोहाईनला महिलांच्या ७५ किलो गटाच्या स्पर्धेत थेट उपांत्य फेरीत प्रवेश मिळाला आहे. बॉक्सिंगमध्ये ब्राँझपदकाची लढत नसते. त्यात उपांत्य फेरीतील प्रवेश पदक निश्चित करीत असते. राष्ट्रकुल क्रीडा बॉक्सिंगमधील लवलिनाच्या गटात पाचच बॉक्सरचा सहभाग आहे. त्यामुळे या गटात एकच उपांत्यपूर्व फेरीची लढत होईल. लवलिनाची उपांत्य फेरीतील प्रतिस्पर्धी टी. के. बी. पी. ताकाफी हीला थेट अखेरच्या चार बॉक्सरमध्ये स्थान देण्यात आले आहे. ही लढत ३१ जुलैला होणार आहे. भारताने यंदाच्या स्पर्धेत ३० पदकांचे लक्ष्य बाळगले आहे.
IND vs ZIM 1st T20 : वर्ल्ड कपनंतर भारताचा पहिलाच विजय, झिम्बाब्वे 7 विकेटने पराभूत; श्रेयसने खातं उघडलं, मॅन ऑफ द मॅच कोण?
चार वर्षांपूर्वीच्या बर्मिंगहॅम स्पर्धेत भारताने ६१ पदके जिंकली होती. मात्र, त्या स्पर्धेतील अनेक खेळांच्या स्पर्धा या वेळी होणार नाहीत. या वेळी केवळ दहा खेळांच्या स्पर्धा होणार आहेत. गतस्पर्धेतील कुस्ती, बॅडमिंटन, टेबल टेनिस, हॉकी, क्रिकेट या खेळांचा यंदा समावेश नाही. अर्थात, राष्ट्रकुल स्पर्धेनंतर सप्टेंबर-ऑक्टोबरमध्ये आशियाई क्रीडा स्पर्धा आहे. त्याच्या तयारीसाठी राष्ट्रकुल स्पर्धा महत्त्वाची आहे.