पावसाळ्यात बाजारात मिळणारी कोथिंबीर ताजी दिसत असली तरी तिच्या पानांमध्ये लहान किडे, अळ्या किंवा माती लपलेली असू शकते. नुकत्याच @swadhisht_aahar यांनी शेअर केलेल्या व्हिडिओमध्ये कोथिंबीर स्वच्छ करताना त्यांना पानांमध्ये एक छोटासा किडा आढळल्याचा अनुभव सांगितला. त्यामुळे पावसाळ्यात कोथिंबीर वापरण्यापूर्वी ती नीट तपासून, स्वच्छ धुवून आणि योग्य पद्धतीने साठवणे अत्यंत महत्त्वाचे आहे.
पावसाळ्यात कोथिंबिरीत किडे का आढळतात?
पावसाळ्यात वातावरणातील आर्द्रता जास्त असल्यामुळे विविध प्रकारचे कीटक आणि अळ्यांची वाढ जलद होते. कोथिंबिरीची पाने दाट असल्याने त्यामध्ये लहान किडे सहज लपून बसतात. शिवाय पावसामुळे मातीचे कण, अंडी किंवा सूक्ष्म कीटकही पानांमध्ये राहू शकतात. त्यामुळे घरी आणल्यानंतर कोथिंबीर नीट साफ करणे अत्यंत आवश्यक आहे.
कोथिंबीर कशी स्वच्छ धुवावी?
- कोथिंबीर स्वच्छ करण्यासाठी खालील पद्धत वापरू शकता.
- सर्वप्रथम खराब, पिवळी किंवा कुजलेली पाने वेगळी काढा.
- कोथिंबीर पाण्याने भरलेल्या भांड्यात 10 ते 15 मिनिटे भिजत ठेवा.
त्यानंतर वाहत्या पाण्याखाली दोन ते तीन वेळा धुवा. - शेवटी स्वच्छ कापड किंवा किचन टॉवेलवर पसरवून पूर्ण कोरडी होऊ द्या.
- कोथिंबीर ओली असतानाच फ्रिजमध्ये ठेवल्यास ती लवकर खराब होऊ शकते.
पावसाळ्यात कोथिंबीर स्वच्छ करण्याची योग्य पद्धत
4. काचेच्या बरणीत ठेवा
कोरडी केलेली कोथिंबीर काचेच्या बरणीत किंवा एअरटाइट कंटेनरमध्ये ठेवली तर ती अधिक काळ फ्रेश राहते.
5. पाण्याच्या ग्लासमध्ये ठेवण्याची पद्धत
फुलांसारखी कोथिंबिरीची देठे थोड्या पाण्यात ठेवून वरून सैल प्लास्टिक पिशवी घालून फ्रिजमध्ये ठेवू शकता. ही पद्धतही अनेकांना उपयुक्त ठरते. मात्र पाणी दोन दिवसांनी बदलणे आवश्यक आहे.
6. फ्रीजरमध्ये साठवण्याचा पर्याय
जर कोथिंबीर बराच काळ वापरायची नसेल तर पाने बारीक चिरून आईस ट्रेमध्ये ठेवावीत. त्यामध्ये थोडे पाणी किंवा ऑलिव्ह ऑईल घालून गोठवा. गरजेनुसार हे क्यूब्स थेट पदार्थात वापरता येतात.
कोथिंबीर खरेदी करताना या गोष्टी लक्षात ठेवा
- पाने ताजी, हिरवी आणि टवटवीत असावीत.
- पिवळी, काळी किंवा चिकट झालेली पाने टाळा.
- खूप ओलसर किंवा कुजल्यासारखा वास येणारी कोथिंबीर घेऊ नका.
- देठ मजबूत आणि ताजे दिसणारे असावेत.
- शक्य असल्यास कमी प्रमाणात पण वारंवार ताजी कोथिंबीर खरेदी करा.
पावसाळ्यात स्वच्छता का महत्त्वाची?
पावसाळ्यात भाज्यांवर माती, सूक्ष्मजीव, कीटक किंवा त्यांच्या अंड्यांचा संपर्क होण्याची शक्यता वाढते. त्यामुळे कोणतीही हिरवी भाजी किंवा पालेभाजी थेट चिरून वापरण्याऐवजी ती नीट तपासून, स्वच्छ धुवून आणि कोरडी करूनच वापरणे आवश्यक आहे.@swadhisht_aahar यांनी शेअर केलेल्या या अनुभवामुळे अनेकांनी अशाच प्रकारचे अनुभव कमेंट्समध्ये सांगितले. अनेकांनी हिरव्या भाज्या आणि कोथिंबीर वापरण्यापूर्वी नीट धुण्याचे महत्त्व अधोरेखित केले. सोशल मीडियावरील अशा अनुभवांमुळे दैनंदिन जीवनात छोट्या पण महत्त्वाच्या सवयी अंगीकारण्याची प्रेरणा मिळते.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
