डहाणू रेल्वे स्थानकावर गाडी आल्यानंतर अंतराला गाडीतून खाली उतरवण्यात आले आणि रेल्वे पोलिसांच्या ताब्यात देण्यात आले. दुसऱ्या दिवशी सकाळी बोरिवली रेल्वे पोलिसांनी तिला ताब्यात घेतले. इतरांचा जीव धोक्यात घालणे, हल्ला करणे तसेच या घटनेदरम्यान स्वतःला दुखापत करुन घेणे या आरोपांखाली तिच्यावर गुन्हा दाखल करण्यात आला आहे.
रिझर्व्ह केलेल्या सीटवरुन वाद
एका प्रवाशाने आरक्षित सीटवर बसलेल्या अंतराला जागा रिकामी करण्यास सांगितल्यावर या वादाला सुरुवात झाली. तिने नकार दिल्याने त्या प्रवाशाने आरपीएफ आणि तिकीट तपासनीसाला बोलावले. यावेळी अंतराने आक्रमक पवित्रा घेत मध्यस्थी करणाऱ्यांना शिवीगाळ केल्याचा आरोप आहे. ३१ वर्षीय मॉडेल-अभिनेत्री अंतरा बॅनर्जी हिने कसौटी जिंदगी की सारख्या मालिकांमधून काम केलं आहे.
बोरिवली जीआरपी निरीक्षक कुंदा गावडे म्हणाल्या, “साक्षीदारांनी सांगितले की अंतरा काहीशी निराश असल्याचे दिसत होते. तिला एसी कोचचे तिकीट मिळाले नव्हते आणि ती स्लीपर क्लासचे तिकीट घेऊन त्या डब्यात आली होती.”
स्वतःला अटक करण्याचा धोशा
जेव्हा अधिकाऱ्यांनी अंतराला नातेवाईकांशी किंवा कायदेशीर सल्लागाराशी संपर्क साधण्यास सांगितले, तेव्हा तिने सहकार्य करण्यास नकार दिला आणि स्वतःला अटक करुन घेण्याचा आग्रह धरला. हा प्रकार एका तासापेक्षा जास्त काळ चालला आणि त्यामुळे प्रवासीही घाबरले होते.
“एफआयआर दाखल झाल्यानंतर ती शांत झाली” असे कुंदा गावडे यांनी सांगितले. जीआरपीचे वरिष्ठ निरीक्षक पंढरीनाथ कांदे यांनी सांगितले की, सुरक्षितता धोक्यात आणणे, सरकारी कर्मचाऱ्यांना गंभीर दुखापत करणे, हल्ला करणे आणि जाणीवपूर्वक अपमान करणे या आरोपांखाली अंतरा बॅनर्जीला अटक करण्यात आली होती, परंतु नंतर तिला जामिनावर सोडण्यात आले.
ही घटना १२ ऑगस्टच्या रात्री ९.३० ते १०.५० च्या दरम्यान घडली. तर १३ ऑगस्ट रोजी एफआयआर दाखल करण्यात आला. तक्रारीनुसार आरपीएफ एएसआय यामिनी कांत मिश्रा यांनी आरोप केला की, तिकीट तपासनीस हरिकेश त्रिपाठी आणि एका सहप्रवाशाने त्यांना आणि कॉन्स्टेबल राजेश कुमार यांना अंतरा बॅनर्जीने रिझर्व्ह सीट सोडण्यास दिलेल्या नकाराबाबत माहिती दिली होती.
कपडे उतरवून ब्लेड फिरवली
आरपीएफ एएसआय यामिनी कांत मिश्रा यांनी सांगितले की, अंतराला शांत करण्याचा प्रयत्न करुनही ती आक्रमक झाली; तिने स्वतःचे कपडे उतरवले, ब्लेड फिरवले आणि मिश्रा व स्वतःला दुखापत करून घेतली.
Mumbai Crime : मुंबईत नौदलाच्या जवानाने कुटुंबासह आयुष्य संपवलं, पत्नी आणि चिमुरड्यांचा जेवणातून जीव घेतला, स्वातंत्र्यदिनी खळबळमिश्रा यांच्या तक्रारीनुसार, झटापटीदरम्यान अंतराने त्यांचा गणवेश आणि मोबाईल खराब केला तसेच त्यांचा चष्माही तोडला. आरपीएफ कर्मचाऱ्यांनी वातानुकूलित डब्याचे दरवाजे बंद केले होते. बाहेर पडण्यासाठी अंतराने काच फोडल्याचा आरोप आहे. गाडी डहाणू येथे पोहोचल्यावर तिला जीआरपीच्या ताब्यात देण्यात आले. “नोटीस बजावल्यानंतर अंतरा बॅनर्जी निघून गेली” असे एका पोलीस अधिकाऱ्याने सांगितले.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
