Ship attacked; 1 Indian missing, 10 rescued, Iran fires drones at 5 Gulf countries

इराण होर्मुझनंतर लाल समुद्रात स्थित बाब अल-मंदेबला बंद करू शकतात. सुएझ कालव्याच्या या २९ किमी रुंद गेटवेवर येमेन व जिबुतीमध्ये हुथी बंडखोरांचे वर्चस्व आहे. या प्रॉक्सींशी इराणच्या इस्लामिक फ्रंटची चर्चा सुरू आहे. ट्रम्प यांच्यासोबतच्या डीलमध्ये १७ ऑगस्टची डेडलाइन आहे. तोपर्यंत इराण होर्मुझमध्ये टोल वसुलीसाठी हल्ले करत राहील. इराणच्या अटी मान्य केल्या तर ठीक, अन्यथा इराण बाब अल-मंदेबला बंद करेल. येथून जगातील १०% तेलाचा व्यापार होतो. सौदी इथून आशियाला तेल निर्यात करतो. त्यामुळे इराणने सौदीला निशाण्यावर घेतलेले नाही.

अमेरिकेचा पलटवार… इराणमधील १४० ठिकाणांवर क्षेपणास्त्रे, ड्रोन हल्ले

अमेरिकन सेंट्रल कमांड (सेंटकॉम) च्या मते रविवारी इराणमध्ये १४० ठिकाणांवर क्षेपणास्त्रे व ड्रोन डागले. सेंटकॉमचा दावा आहे की हल्ल्यांच्या या तिसऱ्या मालिकेत इराणचे मोठे नुकसान झाले. हे हल्ले अरबी समुद्रातून केले. इराणचा अणुप्रकल्प असलेल्या बुशहेहरमध्ये सेंटकॉमने रविवारी क्षेपणास्त्रांनी मोठे हल्ले केले. इराण या प्लँटमध्ये अणुबॉम्ब बनवत असल्याचा अमेरिकेचा आरोप आहे. इराणचे आर्क ऑफ डिफेन्स मानल्या जाणाऱ्या क्रेशम बेटावरही अमेरिकेने क्षेपणास्त्रांनी मोठा हल्ला केला. अमेरिकेने इराणच्या बंदरअब्बास आणि जास्क बंदरावर हल्ला केला. जास्कमध्ये इराणच्या लेफ्टनंटचा मृत्यू झाला.

इराणच्या निशाण्यावर लाल समुद्राचा मार्ग

अमेरिका व इराण युद्ध थांबण्याचे नाव घेत नाहीये. इराणने रविवारी पहाटे होर्मुझची सामुद्रधुनी पुन्हा बंद करून लागोपाठ हल्ले केले. इराणने होर्मुझजवळ ओमानी किनाऱ्यावर कार्गो जहाज ‘गॅलेक्सी’वर ड्रोन डागले. सायप्रसचा झेंडा असलेल्या या जहाजावरील १० भारतीय क्रू मेंबर्सना वाचवण्यात आले आहे, तर एक भारतीय खलाशी बेपत्ता आहे. भारताने या हल्ल्याचा तीव्र निषेध केला आहे. परराष्ट्र मंत्रालयाने म्हटले आहे की, होर्मुझ क्षेत्रात जहाजे आणि टँकर्सना लक्ष्य करणे पूर्णपणे चुकीचे आहे, ते त्वरित थांबवावे. ओमानने क्रूच्या इतर २३ सदस्यांना वाचवले आहे. अमेरिकेने ओमानमधील आपल्या नागरिकांना घराबाहेर न पडण्याचा सल्ला दिला आहे.

अमेरिकेचे राष्ट्राध्यक्ष डोनाल्ड ट्रम्प यांनी दावा केला आहे की होर्मुझमध्ये जहाजांची ये-जा सुरू आहे. दरम्यान, इराणने ५ आखाती देश ओमान, जॉर्डन, बहरीन, कतार आणि यूएईवर ड्रोन डागले आहेत. या देशांमधील अमेरिकन लष्करी तळांना प्रामुख्याने लक्ष्य करण्यात आले आहे. दुसरीकडे, इराणचे सर्वोच्च नेते यांचे सल्लागार मोहसिन रेझाई यांनी म्हटले आहे की, होर्मुझमधून जहाजांची ये-जा इराणच्या अटींवरच होईल.

इस्रायलचा इशारा

इस्रायली लष्कराने म्हटले की, इराण मर्यादा ओलांडत आहे. होर्मुझ पुन्हा बंद करणे आणि हिजबुल्लाहला भडकवून इराण स्वतःवर संकट ओढवून घेत आहे. इस्रायल कधीही हल्ला करेल.

ट्रम्प यांच्या जवळचे सिनेट सदस्य ग्रॅहम यांचा मृत्यू… इराणच्या हिट लिस्टवर होते

वॉशिंग्टन | ट्रम्प यांचे निकटवर्तीय सिनेटचे सदस्य लिंडसे ग्रॅहम (७१) यांचा शनिवारी रात्री वॉशिंग्टनमध्ये अचानक मृत्यू झाला. ग्रॅहम इराणच्या हिट लिस्टवर होते. ग्रॅहम १० जुलै रोजी युक्रेनहून परतले होते. त्यांनी रशियन तेल खरेदी करणाऱ्या देशांवर ५००% टेरिफचा प्रस्तावही संसदेत मांडला होता.