SBI Funds Management IPO Details: आदल्या दिवशी, बुधवारच्या मोठ्या घसरणीतून सावरत भारतीय शेअर बाजारावर 9 जुलै रोजी सुधारणेचा रंग चढला आहे. गेल्या काही महिन्यांपासून देश-विदेशातील बाजारात अस्थिरता पसरलेली, ज्यामुळे अनेक कंपन्यांनी आपला आयपीओ लाँच पुढे ढकलला. आता बाजार हळूहळू सावरू लागला असताना आयपीओंची रांग लागली असताना पुढील आठवड्यात SBI फंडचा आयपीओ लाँच होणार आहे.
शेअर बाजारात येणार नवीन आयपीओ
देशांतर्गत बाजारात आयपीओंचा वेग कायम राहिला असून देशातील सर्वात मोठ्या म्युच्युअल फंड कंपन्यांपैकी SBI म्युच्युअल फंडाचे गुंतवणूक व्यवस्थापक, एसबीआय फंड्स मॅनेजमेंटचा आयपीओ पुढील आठवड्यात गुंतवणुकीसाठी खुला होईल.
Gold Silver Rate 9 July 2026: सराफा बाजाराला युद्धाचा आघात; सोन्या-चांदीच्या किमतीवर तणावाचा परिणाम, आज किती बदलले दर?
कंपनीने आपला RHP दाखल केला असून हा आयपीओ पूर्णपणे OFS म्हणजे ऑफर फॉर सेल असेल. 14 जुलै रोजी सब्स्क्रिप्शनसाठी खुला होईल आणि 16 जुलै रोजी बंद होईल, तर अँकर गुंतवणूकदार 13 जुलैपर्यंत बोली लावू शकतील. या इश्यूमुळे सामान्य गुंतवणूकदारांना SBI फंड्स मॅनेजमेंटच्या व्यवसायात पहिल्यांदाच हिस्सा मिळवण्याची संधी मिळेल.
एसबीआय फंड्स मॅनेजमेंटचा IPO पूर्णपणे असेल, म्हणजे कंपनी कोणतेही नवीन शेअर्स जारी करणार नाही आणि केवळ विद्यमान शेअरधारक आपला हिस्सा विकतील. या आयपीओअंतर्गत एकूण 203.7 कोटी इक्विटी शेअर्स विकले जातील, जे कंपनीच्या एकूण पेड-अप कॅपिटलच्या अंदाजे 10.0013% आहे. या आयपीओनंतर ही कंपनी HDFC एएमसी आणि ICICI प्रुडेन्शियल एएमसी सारख्या मोठ्या कंपन्यांमधील स्पर्धा वाढेल, असा बाजार तज्ज्ञांचा अंदाज आहे.
Loan Recovery: कुटुंबप्रमुखाने घेतलेलं कर्ज पत्नी-मुलाला फेडावं लागतं? मृत व्यक्तीच्या कर्जाची जबाबदारी कोणाची? वसुलीवर कोर्टाचा स्पष्ट निकाल
आयपीओचा किंमत बँड आणि एकूण गुंतवणूक
त्याचप्रमाणे, SBI फंड्स मॅनेजमेंट लिमिटेडने या इश्यूसाठी 545-574 रुपये किंमत बँडही निश्चित केला आहे. त्यानंतर, 18 जुलै रोजी अलॉटमेंट निश्चित केले जाईल आणि वाटप न झाल्यास परतावा व अलॉट केलेले शेअर्स 20 जुलै रोजी डिमॅट अकाउंटमध्ये जमा होतील. मग मंगळवार, 21 जुलै रोजी, कंपनीचे शेअर्स देशांतर्गत बाजारात सूचीबद्ध होतील. अशाप्रक्रारे, अप्पर किंमत बँडनुसार एसबीआय फंड्स मॅनेजमेंटचे लिस्टिंगनंतर बाजार भांडवल सुमारे 1.17 लाख कोटींपर्यंत वाढेल.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
