Samruddhi Mahamarg Washim Accident : समृद्धी महामार्गावर वाशिमजवळ भीषण अपघात झाला असून एकाच कुटुंबातील चार सदस्यांचा दुर्दैवी मृत्यू झाला. पुण्याहून नागपूरला जात असताना चालकाचे नियंत्रण सुटल्याने कार दुभाजकाला धडकली. या अपघातात दोन जण जागीच ठार झाले, तर दोघांचा उपचारादरम्यान मृत्यू झाला.
मिळालेल्या माहितीनुसार, पुण्याहून नागपूर जिल्ह्यातील उमरेडला जात असलेल्या कारचा गुरुवारी रात्री भीषण अपघात झाला. वाहनचालकाचं नियंत्रण सुटल्यामुळे कार डिव्हायडरला धडकली आणि ही दुर्घटना घडली. या भीषण अपघातात दोन जणांचा जागीच मृत्यू झाला, तर उपचारादरम्यान आणखी दोन प्रवाशांनी प्राण गमावले. तर एक प्रवासी गंभीर जखमी असून त्याच्यावर वाशिम येथे उपचार सुरू आहेत.
Dhule News : पार्टीच्या नावाने बोलावून तरुणाला संपवलं, चार दिवसांनी बॉडी भयंकर अवस्थेत; टॅटूने पटली ओळख
पुण्याहून नागपूरला येताना काळाचा घाला
या अपघातात वैदेही जयस्वाल, माधुरी जयस्वाल, संगीता जयस्वाल आणि राधेश्याम जयस्वाल यांचा मृत्यू झाला आहे. हे सर्वजण पुण्याहून एक कौटुंबिक कार्यक्रम आटपून नागपूरकडे जात होते. एकाच कुटुंबातील चार जणांचा अपघातात मृत्यू झाल्याने परिसरात हळहळ व्यक्त केली जात आहे. अपघातातील एका जखमीची प्रकृती गंभीर असल्याची माहिती असून त्याच्यावर उपचार सुरू आहेत.हृदयद्रावक! शाळेच्या गेटवरच ७वीतल्या अखिलने प्राण सोडले, हार्ट अटॅकने आई-वडिलांनी हिरावला एकुलता एक लेक
नागपूरच्या कुटुंबाचा दुर्दैवी अंत
नागपूर जिल्ह्यातील उमरेड इथ राहणारे जयस्वाल कुटुंबीय नामकरणाच्या कार्यक्रमासाठी पुण्याला गेले होते. कार्यक्रम आटोपून परतीच्या मार्गावर असताना त्यांच्यावर काळाने घाला घातला आहे. अपघातापूर्वी जयस्वाल कुटुंबीय मेहकर येथे नातेवाईकांकडे काही वेळ थांबले होते. त्यांच्या कुटुंबीयांनी त्यांना मुक्काम करण्याचा आग्रह केला होता, मात्र ते थांबले नाहीत. त्यानंतर त्यांनी नागपूरच्या दिशेने पुढचा प्रवास सुरू केला. तेथून थोड्याच अंतरावर वाहन चालकाला डुलकी लागल्याने वाहनावरील नियंत्रण सुटून गाडी रस्त्याच्या दुभाजकाला जाऊन धडकली. हा अपघात एवढा भीषण होता, की यामध्ये दोघांचा जागीच मृत्यू झाला.
जेजुरी-मोर्गाव मार्गावर भीषण अपघात; कार आणि पिकअपमध्ये धडक, ८ जणांचा जागीच मृत्यू!
अपघाताची माहिती मिळताच अमानी येथील महामार्ग पोलिसांनी घटनास्थळी धाव घेऊन जखमींना उपचारासाठी रुग्णवाहिकेतून वाशिम इथे रवाना केलं. मात्र दोघेजण अधिक गंभीर जखमी झाल्याने त्यांचा मृत्यू झाला. तर एक जण गंभीर जखमी असून त्याच्यावर वाशिम येथे उपचार सुरू असून त्याला वाचवण्यासाठी डॉक्टर कसोशीने प्रयत्न करत आहेत.
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा
