विकृतांचा तरुणींना चुकीचा स्पर्श
रविवारी रात्री उशिरापर्यंत या प्रकरणी हवेली पोलिसांकडे कोणाचीही तक्रार आली नव्हती. स्वातंत्र्यदिनानिमित्त १५ ऑगस्टला सिंहगडावर पर्यटकांची मोठी गर्दी झाली होती. या गर्दीच्या तुलनेत सुरक्षा व्यवस्था अपुरी असल्याचे चित्र होते. सुरक्षारक्षक किंवा पोलिसांची पुरेशी उपस्थिती नसल्याने गर्दीवर नियंत्रण ठेवण्यात अडचणी निर्माण झाल्या.
काही विकृत प्रवृत्तीच्या तरुणांकडून गर्दीचा गैरफायदा घेऊन तरुणींना जाणूनबुजून चुकीचा स्पर्श केल्याचे आरोप करण्यात आले आहेत. सिंहगडावर यापूर्वीही पर्यटकांमध्ये वाद, हाणामारी आणि अन्य अनुचित प्रकार घडले आहेत. गर्दीच्या काळात अशा घटनांना आळा घालण्यासाठी प्रभावी नियोजनाची आवश्यकता असताना त्याकडे पुरेसे लक्ष दिले जात नसल्याची नाराजी पर्यटकांकडून व्यक्त होत आहे.
गर्दीचे व्यवस्थापन गरजेचे
गडावर एखादा अनुचित प्रकार घडल्यानंतर संबंधित व्यक्तीवर कारवाई करण्याबरोबरच अशा घटना घडू नयेत यासाठी प्रतिबंधात्मक उपाययोजना करण्याची आवश्यकता आहे.
विशेषतः स्वातंत्र्यदिन, रविवार आणि सुटीच्या दिवशी सिंहगडावर मोठ्या प्रमाणात पर्यटक येतात. या काळात प्रवेशाचे नियोजन, वाहतूक व्यवस्था, गर्दीचे नियंत्रण आणि पर्यटकांच्या सुरक्षेसाठी स्वतंत्र यंत्रणा उभारण्याची गरज आहे.
कायमस्वरूपी उपाय हवेत
सिंहगड हा पुणे जिल्ह्याचा ऐतिहासिक वारसा असून, दर वर्षी हजारो पर्यटक येथे भेट देतात. त्यामुळे गडाचे पावित्र्य आणि ऐतिहासिक महत्त्व जपण्याबरोबरच पर्यटकांना सुरक्षित वातावरण उपलब्ध करून देण्यासाठी प्रशासनाने कायमस्वरूपी उपाययोजना कराव्यात, अशी मागणी होत आहे.
गडावर दोन गटांमध्ये हाणामारी झाल्याचे प्रकारही घडले. काही ठिकाणी दगडफेक झाल्याने पर्यटकांच्या सुरक्षिततेबाबत चिंता निर्माण झाली. मोठ्या संख्येने नागरिक उपस्थित असताना अशा घटनांमुळे एखादी मोठी दुर्घटना घडण्याची शक्यता नाकारता येत नाही.
नागपुरात कराटे प्रशिक्षकाचा मुलीवर अत्याचार
आत्मरक्षणाचे प्रशिक्षण देणाऱ्या मार्शल आर्ट प्रशिक्षकाने प्रशिक्षणासाठी येणाऱ्या आठ वर्षीय मुलीवर अत्याचार केला. ही धक्कादायक घटना नागपुरातील हुडकेश्वर पोलिस ठाण्याच्या हद्दीत उघडकीस आली. या प्रकरणी पोलिसांनी अत्याचारासह विविध कलमान्वये गुन्हा दाखल करून सागर प्रभाकर दुधे (वय ३२, रा. रमना मारोतीनगर, नंदनवन) याला अटक केली आहे.
पोलिसांनी दिलेल्या माहितीनुसार, सागरचे बहादुरा फाटा परिसरातील क्लब हाउस टेक गार्डन येथे तायक्वांडो प्रशिक्षण केंद्र आहे. मुलगी गेल्या आठ महिन्यांपासून त्याच्याकडे प्रशिक्षणासाठी जात होती. १४ ऑगस्टला नेहमीप्रमाणे प्रशिक्षणासाठी गेल्यानंतर रात्रीच्या सुमारास आरोपीने तिच्यावर अत्याचार केला. याबाबत कोणाला सांगितल्यास ठार मारण्याची धमकीही दिल्याचा आरोप आहे.
घरी परतल्यानंतर मुलगी रडत असल्याने आईने विचारणा केली. तिने घडलेला प्रकार सांगितल्यानंतर आईने पोलिस नियंत्रण कक्षाला माहिती दिली. नियंत्रण कक्षाकडून कळताच हुडकेश्वर पोलिसांनी मुलीच्या घरी जाऊन माहिती घेतली आणि गुन्हा दाखल करून आरोपीला अटक केली. न्यायालयाने त्याला १८ ऑगस्टपर्यंत पोलिस कोठडी सुनावली आहे.
मित्राच्या मुलीवर अत्याचार
दुसरीकडे, युवकाने चार वर्षीय चिमुकलीवर अत्याचार केल्याची खळबळजनक घटना नागपुरातील कळमना पोलिस ठाण्याच्या हद्दीत उघडकीस आली. पोलिसांनी गुन्हा दाखल करून युवकाला अटक केली आहे. अभय ठाकूर (वय २२) असे अटकेतील युवकाचे नाव आहे. तो पीडित मुलीच्या वडिलांचा मित्र आहे. १४ ऑगस्टला रात्री अभय हा मुलीच्या घरी आला. तिला घराच्या बाजूला नेले. तिथे तिच्यावर अत्याचार केला. मुलगी रडायला लागली. अभय पसार झाला. नातेवाइक घराबाहेर आले. मुलीने अभय याचे नाव सांगितले. त्यानंतर मुलीच्या वडिलाने कळमना पोलिसांत तक्रार दिली. पोलिसांनी गुन्हा दाखल करून अभय याला अटक केली
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
