कदम यांनी १९८८मध्ये पोलिस शिपाई म्हणून सेवेला सुरुवात केली. २००४मध्ये पोलिस उपनिरीक्षकपदी निवड झाल्यानंतर त्यांनी नागपूर शहर, मुंबई शहर, महामार्ग सुरक्षा विभाग; तसेच पुणे शहरातील गुन्हे शाखा, वानवडी आणि कोंढवा पोलिस ठाण्यात विविध जबाबदाऱ्या सांभाळल्या.
स्वतंत्र भारतात पहिल्यांदाच जातनिहाय जनगणना; कोविड लसीकरणासह 40 प्रश्न, पाहा संपूर्ण यादीचोरीच्या वाहनांच्या मागील दहा वर्षांच्या नोंदींचे विश्लेषण करून त्यांनी २३८ चोरीच्या वाहनांचा शोध लावला. साखळी चोरीच्या गुन्ह्यांची उकल करून सहा लाख ३३ हजार ५०० रुपयांची मालमत्ताही हस्तगत केली. आयसीजेएस आणि सीसीटीएनएसच्या प्रभावी अंमलबजावणीत कदम यांनी महत्त्वाचे योगदान दिले. त्यांच्या कामगिरीमुळे महाराष्ट्राला एनसीआरबी परिषदेत २०२०मध्ये प्रथम, तर २०२१मध्ये द्वितीय पारितोषिक मिळाले. सेवाकाळात त्यांना २५५ बक्षिसे मिळाली असून, २०२५मध्ये पोलिस महासंचालक पदकाने त्यांचा गौरव झाला आहे.
स्वामी हे मूळचे कुस्तीपटू असून, स्पोर्ट्स कोट्यातून १९९२मध्ये ते पोलिस दलात दाखल झाले. ३४ वर्षांच्या सेवेत त्यांनी गुणवत्तापूर्ण कामगिरी बजावली आहे.
PM मोदींचं मताधिक्क्य 3.26 लाखांनी घटवणाऱ्या नेत्याचं WhatsApp अकाऊंट बंद; रिव्ह्यूही करता येईना२५ जणांना सेवा पदके
स्वातंत्र्यदिनाच्या पार्श्वभूमीवर जाहीर करण्यात आलेल्या केंद्रीय गृहमंत्र्यांच्या अतिउत्कृष्ट आणि उत्कृष्ट सेवा पदकांमध्ये पुणे शहर पोलिस दलातील २५ अधिकारी-अंमलदारांचा समावेश आहे. दीर्घकालीन, निष्कलंक आणि उल्लेखनीय सेवा बजावल्याबद्दल पोलिस आयुक्त अमितेशकुमार, अतिरिक्त आयुक्त मनोज पाटील आणि राजेश बनसोडे यांच्यासह नऊ जणांना अतिउत्कृष्ट सेवा पदक जाहीर झाले आहे. पोलिस सहआयुक्त संजय दराडे यांच्यासह १६ अधिकारी, अंमलदारांना उत्कृष्ट सेवा पदक जाहीर केले आहे.
अतिउत्कृष्ट सेवा पदक मिळालेल्यांमध्ये सहायक पोलिस फौजदार दिलीप झानपुरे, नितीन जगताप, राजस शेख, राजेंद्र पालांडे, सत्यवान साबळे आणि संतोष कुचेकर यांचा समावेश आहे.
नऊ जवानांना कीर्तिचक्र
नवी दिल्ली : स्वातंत्र्यदिनाच्या पूर्वसंध्येला राष्ट्रपती द्रौपदी मुर्मू यांनी संरक्षण दल आणि केंद्रीय सशस्त्र पोलिस दलातील जवानांसाठी ७८ शौर्य पुरस्कारांना शुक्रवारी मंजुरी दिली. यामध्ये १३ मरणोत्तर पुरस्कारांचा समावेश आहे. या पुरस्कारांमध्ये नऊ कीर्तिचक्र, १९ शौर्यचक्र, सेना पदकासाठी पाच बार आणि ३६ सेना पदकांचा समावेश आहे.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
