Prashant Damle On Ashok Saraf : ‘अशोक सराफ यांच्याकडून कौतुक ऐकण्यासाठी १८ सिनेमे करावे लागले’, प्रशांत दामलेंनी सांगितला किस्सा

प्रशांत दामले यांनी सांगितला किस्सा

प्रशांत दामले म्हणाले की, ‘अशोक सराफ यांनी मला आयुष्यात कधी काही शिकवलं नाही. पण, माझ्या १८व्या सिनेमाला त्यांनी मला सांगितलं की, हा सिनेमा तू चांगला केलास. त्याआधी प्रत्येक चित्रपटाच्यावेळी शॉट झाल्यानंतर ते मला सांगायचे की, ‘प्रशांत तू असं-असं केलं असतंच तर मस्त झालं असतं, पुढच्या वेळी लक्षात ठेव’ मी म्हटलं, दरवेळी तुम्ही शॉट झाल्यानंतर का सांगता? थोडं आधी सांगा ना. तर ते म्हणायचे, ‘मी असं कसं सांगणार.’
Arbaj Shaikh : ‘मला फक्त दुकानाचं काम करायला लावता, पण सिनेमात घेत नाहीत’, नागराज मंजुळे यांना असं का म्हणालेला अरबाज शेख?
‘माझ्या ‘सवत माझी लाडकी’ या १८व्या चित्रपटाच्या प्रिव्हयुवेळी अशोक सराफ यांनी मला सांगितलं की, ‘या सिनेमाला बक्षीस मिळण्याची संधी आहे’ आणि त्या सिनेमाला बक्षीस मिळालं. पण, त्यासाठी १८ चित्रपट खर्ची घालावे लागले. त्यावेळी अशोक सराफ यांनी सांगितलं, ‘आता तुला सांगावं लागणार नाही, आता तुला समज आली आहे’ असे सह-कलाकार मला भेटले, हे माझं नशीब’ असं प्रशांत यांनी पुढे सांगितलं.

सतीश तारे यांची आठवण

प्रशांत दामले आणि दिवंगत अभिनेते सतीश तारे यांनी ‘जादू तेरी नजर’ या नाटकात एकत्र काम केलेलं. याच मुलाखतीदरम्यान सतीश तारे यांच्याबद्दल बोलताना प्रशांत दामले म्हणाले की, ‘सतीश तारेसारखा जिभेनं आणि शरीरानं लवचिक असा माणूस मी कधी बघितला नाही. त्याची बुद्धी इतकी तल्लख होती की, तो कधीच अडखळला नाही. तो एक दिवस एका विंग मधून दुसऱ्या विंगमध्ये सापासारखा सरपटत गेला. माझ्या आयुष्यातले दोन कलाकार जे चॅलेंजिंग आहेत, ते म्हणजे वंदना गुप्ते आणि सतीश तारे. त्यांच्यासमोर तुम्हाला अलर्ट राहावंच लागतं. आता सत्या नाहीये. त्याच्यासोबत मी ‘जादू तेरी नजर’चे ३५० प्रयोग केले आहेत. त्यामुळे एक कलाकार म्हणून मला सतीश तारेबद्दल खूप आदर आहे.’