Parth Pawar And Kaynaat Dhar Engagement: २९ जुलै रोजी पार्थ पवार आणि कायनात धार यांचा साखरपुडा सोहळा होणार आहे. पुण्यात एका फार्महाऊसवर हा समारंभ होणार असल्याची माहिती आहे.
रेवती सुळेंच्या लग्नात एन्ट्री
नुकतंच राष्ट्रवादी काँग्रेस : शरदचंद्र पवार पक्षाच्या खासदार आणि पार्थ पवार यांच्या आत्या सुप्रिया सुळे यांची लेक रेवती सुळे यांचा विवाह सोहळा पार पडला. त्यावेळी पार्थ आणि सुनेत्रा पवार यांच्यासोबत पारंपरिक पोशाखात दिसलेली एक तरुणी सर्वांचं लक्ष वेधून घेत होती. ती तरुणी म्हणजेच कायनात धार. काही दिवसात कायनात ही पवार कुटुंबाची सूनबाई होणार आहे.
पुण्यातील फार्महाऊसवर साखरपुडा
महाराष्ट्राच्या उपमुख्यमंत्रिपदावर असताना अजित पवार यांचे बारामती येथे झालेल्या विमान अपघातात दुर्दैवी निधन झाले. या घटनेला सहा महिने होत असतानाच २९ जुलै रोजी पार्थ पवार यांचा साखरपुडा सोहळा होणार आहे. पुण्यात एका फार्महाऊसवर पार्थ आणि कायनात यांचा वाड्निश्चय होणार असल्याची माहिती आहे.
पवार कुटुंबात एकी
राष्ट्रवादी काँग्रेस पक्षात फूट पडलेली असली, तरीही अजित पवार यांचं निधन असो किंवा रेवती सुळे यांचा साखरपुडा, सुख दुःखाच्या प्रसंगांच्या निमित्ताने पवार कुटुंबीय एकत्र येताना नेहमीच दिसतात. अजित पवार यांच्या निधनापूर्वी झालेला धाकटे सुपुत्र जय पवार यांचं लग्न असो, युगेंद्र पवार यांचा विवाह सोहळा असो किंवा नुकताच सुप्रियांची कन्या रेवती सुळे यांचा झालेला विवाह असो, पवार कुटुंब प्रत्येक वेळी एकत्र दिसले. त्यामुळे पार्थ पवारांच्या साखरपुड्यालाही कुटुंब एकत्र पाहायला मिळण्याची चिन्हं आहेत.
पार्थ पवार यांची राजकीय कारकीर्द
शरद पवार यांचे चुलत नातू असलेले पार्थ पवार हे राष्ट्रवादी काँग्रेस पक्षाचे युवा नेते आहेत. सध्या ते राज्यसभेची खासदारकी भूषवत आहेत. सुनेत्रा पवार यांना उपमुख्यमंत्रिपद मिळाल्यावर त्यांनी राज्यसभेच्या सदस्यत्वाचा राजीनामा दिला होता. त्यावेळी रिक्त झालेल्या जागेवर एप्रिल महिन्यात पार्थ पवारांची वर्णी लागली. २०१९ च्या लोकसभा निवडणुकीत मावळ मतदारसंघातून त्यांनी पहिल्यांदा नशीब आजमावले होते, परंतु त्यांना यश आले नव्हते.
कायनात धार कोण आहे?
कायनात धार ही मॉडेल आणि व्यावसायिक असून पार्थ पवार यांच्याशी असलेल्या जवळच्या संबंधांमुळे ती काही काळापूर्वी प्रसिद्धीच्या झोतात आली होती. कायनात मूळ काश्मीरची रहिवासी असून तिचे संपूर्ण शिक्षण दिल्लीत झाले. सध्या ती दिल्ली आणि मुंबई या दोन्ही शहरांमध्ये वास्तव्य करते. अजित पवार यांच्या निधनानंतर पार्थ यांचे सांत्वन करण्यासाठी कायनात बारामती आणि मुंबईत झालेल्या शोकसभेलाही उपस्थित होती.
काही महिन्यांपूर्वी पार्थ आणि कायनात हे मध्य प्रदेशातील प्रसिद्ध महाकाल मंदिरात एकत्र दर्शन घेताना दिसले होते. तेव्हापासूनच दोघांचे प्रेमसंबंध असल्याच्या चर्चांना उधाण आले होते
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
