Fake Ration Card Case: मुंबईमध्ये सर्वच पोलिस ठाणी आणि विशेष शाखांच्या वतीने शहरात बेकायदा वास्तव्य करणाऱ्या बांगलादेशी नागरिकांना शोधण्याची जोरदार मोहीम सुरू आहे.
दिंडोशी पोलिसांना काही नागरिकांकडे बनावट भारतीय ओळखपत्र, रेशनकार्ड तसेच इतर कागदपत्रे सापडली. ही रेशनकार्ड त्यांनी कुठून आणली याचा कसून तपास केला असता, त्याचे धागेदोरे विरारपर्यंत पोहोचले.
Good News! महाराष्ट्रात लवकरच महाभरती; 70 हजार पदांसाठी प्रक्रिया सुरु होणार, मुख्यमंत्र्यांची मोठी घोषणा
सुजल दयाळ (२१) हा तरुण खऱ्या रेशनकार्डप्रमाणे हुबेहूब बनावट रेशनकार्ड बनवून देत असल्याची माहिती पोलिस तपासात पुढे आली. त्यानुसार दिंडोशी पोलिसांनी सुजलच्या विरार येथील घरी छापा टाकत त्याला ताब्यात घेतले. या छाप्यामध्ये ३५० बनावट रेशनकार्ड, प्रिंटर, लॅपटॉप आणि इतर साहित्य हस्तगत करण्यात आले. पोलिसांनी सुजलला अटक केली असून, न्यायालयाने त्याला १२ फेब्रुवारीपर्यंत पोलिस कोठडी सुनावली आहे.
मोठी टोळी असल्याचा संशय
मोठ्या प्रमाणात बनावट रेशनकार्ड सापडल्याने यामध्ये वेगवेगळ्या एजंटांची मोठे टोळी सक्रिय असावी, असा पोलिसांना संशय आहे. सुजलने शेकडो जणांना बनावट रेशनकार्ड उपलब्ध करून दिली आहेत. पोलिसांनी हस्तगत केलेली रेशनकार्ड मालाड, कांदिवली, बोरिवली, दहिसर, मिरा-भाईंदर, वसई, नालासोपारा आणि विरार येथील पत्त्यांची आहेत.
उपमुख्यमंत्री सुनेत्रा पवार सिद्धिविनायकाच्या दर्शनाला; पार्थ पवार, प्रफुल्ल पटेल सोबतीला
वडिलांपासूनचा ‘उद्योग’
सुजलच्या वडिलांपासूनच बनावट रेशन कार्ड बनवण्याचा हा धंदा सुरू असल्याचे तपासात समोर आले आहे. वडिलांच्या मृत्यूनंतर सुजलने हे काम पुढे सुरू ठेवले. वडिलांच्या वेळी मर्यादित स्वरूपात असलेल्या धंद्याची व्याप्ती त्याने वाढवल्याचे पोलिसांनी सांगितले.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा