Nora Fatehi Boyfriend : अभिनेत्री नोरा फतेही प्रेमात पडल्याच्या चर्चांना उधाण आले आहे.
“दिलबर,” “साकी साकी,” आणि “कुसू कुसू” यांसारख्या सुपरहिट गाण्यांवर थिरकून लोकप्रियता मिळवलेली नोरा फतेही सध्या चर्चेत आहे. नोराने बॉलिवूडमध्ये स्वतःचे स्थान पक्के करून घेतले आहे. तिने आंतरराष्ट्रीय स्तरावरही आपला ठसा उमटवला आहे. सध्या, नोरा आंतरराष्ट्रीय म्युझिक इंडस्ट्री आणि बॉलिवूडमध्ये तिच्या वाढत्या लोकप्रियतेचा समतोल साधण्याचा प्रयत्न करत आहे.
मात्र या दरम्यान, तिचे वैयक्तिक जीवन चर्चेत आले आहे. असे म्हटले जातेय की नोराला तिच्या आयुष्याचा जोडीदार सापडला आहे आणि म्हणूनच ती वारंवार प्रवास करताना दिसते. नोराचा होणारा नवरा कोण ते जाणून घेऊ. नोराने 2022 च्या फिफा वर्ल्डकपमध्ये परफॉर्मन्स केला होता त्याचाच याच्याशी संबंध आहे.
2022 मध्ये फिफा वर्ल्डकपमध्ये नोराने “लाइट द स्काय” हे गाणे गायले. फुटबॉलशी तिचे नाते जुने असले तरी, तिचे मन आता एका फुटबॉलपटूवर जडले आहे. पिंकव्हिलाच्या वृत्तानुसार, नोरा एका कोट्यवधीश फुटबॉलपटूला डेट करत आहे, त्याच्यासाठी ती आफ्रिकन कप ऑफ नेशन्स 2025 फुटबॉल सामना पाहण्यासाठी मोरोक्कोला गेली होती.
रिपोर्ट्सनुसार, नोराच्या अफेअरच्या बातम्या दुबई आणि मोरोक्कोमध्ये ती एकाच व्यक्तीसोबत दिसून आल्याने समोर आल्या. रिपोर्ट्सनुसार दोघेही गुप्तता आणि वैयक्तिक आयुष्याला खूप महत्त्व देतात, नोराला सध्या तिच्या कामावर लक्ष केंद्रीत करायचे असल्याने तिने आपले वैयक्तिक आयुष्य गुप्त ठेवण्याचा निर्णय घेतला आहे.
नोरा एका प्रसिद्ध फुटबॉलपटूला डेट करत असल्याचा दावा अहवालांमध्ये करण्यात आला आहे, परंतु त्या व्यक्तीची ओळख अद्याप पूर्णपणे समोर आलेली नाही. नोराचे कोणाशी नाव जोडण्याची ही पहिलीच वेळ नाही. यापूर्वी तिचे नाव प्रिन्स नरुला, अंगद बेदी आणि टेरेन्स लुईस यांच्याशी जोडले गेले आहे. शिवाय, नोराचे अमेरिकन गीतकार बेन्सन बूनसोबतच्या अफेअरच्या बातम्या आल्या होत्या. पण नोराने त्यातल्या कोणत्याच नात्याची कबुली दिली नव्हती. त्यामुळे येत्या नव्या वर्षात नोरा बोहल्यावर चढणार का हे पाहणे उत्सुकतेचे ठरणार आहे.
