Vanita Kharat Scam : मराठी अभिनेत्री वनिता खरातसोबत स्कॅम घडला असून त्याबद्दल तिनं सोशल मीडियावर पोस्ट करत सांगितलं आहे. तसेच चाहत्यांना सतर्क राहण्याचं आवाहन केलं आहे.
वनिता खरातनं सांगितला प्रसंग
वनिता खरात म्हणाली की, ‘काल माझ्यासोबत एक गोष्ट घडली. एक स्कॅम झाला. ते तुमच्यासोबत होऊ नये, म्हणून मी हा व्हिडिओ बनवतेय. माझं एक पार्सल येणार होतं, मला तसाच फोन आलेला. त्यांनी सांगितलं की, ‘तुमचं पार्सल येणार आहे, पण डिलिव्हरी बॉयला तुमचा पत्ता सापडत नाहीये. तर तुमचा पत्ता दिलेल्या नंबरवर पाठवा.’ तर मी त्याला म्हटलं, मी जिथून पार्सल मागवलंय, तिथे माझा पत्ता आधीच दिलेला आहे, त्यामुळे असं कधी होऊ शकत नाही.’
Kshama Deshpande : सावित्रीबाई फुलेंची भूमिका मॅनिफेस्ट केलेली, अमोल कोल्हेंचा फोन, क्षमाची निवड
वनिता पुढे म्हणाली की, ‘पण त्याने दोन-तीन वेळा फोन केला. मग मी त्याने जो नंबर सांगितलेला तो लावला आणि काही सेकंदमध्येच माझं WhatsApp हॅक झालं, माझ्या फोनमधून लॉगआउट झालं. त्याने माझे कॉल त्याच्या नंबरवर फॉरवर्ड केले. मला फोन येणं बंद झालं आणि माझ्या WhatsApp वरून माझ्या संपर्कातल्या सगळ्यांना असा मेसेज गेला की, ‘मी खूप अडचणीत आहे, तुम्ही मला मदत कराल का? मला एवढे-एवढे पैसे पाठवा. ६२,००० पाठवा.’ काहींनी पैसे पाठवले, त्यामुळे खूप वाईट गोष्ट घडली.”मुळात ‘ब्लूडार्ट’ ही मोठी कुरिअर कंपनी आहे, त्यावर विश्वास ठेवतो. पण, त्यांच्या कंपनीच्या नावाने स्कॅम होतोय, तर त्यांनी यावर लक्ष दिलं पाहिजे. तुम्हाला असे काही फोन आले आणि तुम्हाला संशय आला तर लगेच तक्रार करा. मदतीसाठी मेसेज आले, तर आधी तपासून घ्या. खूप काळजी घ्या, कधीही स्कॅम होऊ शकतो. आता माझं WhatsApp रिकव्हर झालंय, अशा फोन आणि मेसेजेसना फसू नका.’ असं वनितानं शेवटी म्हटलं आहे. वनितानं ही पोस्ट शेअर करत ‘Scam Alert’ असं लिहिलं असून ‘Bluedart’ या कुरिअर कंपनीला टॅग केलं आहे.
लेखकाबद्दलतेजश्री कुलयेतेजश्री कुलये महाराष्ट्र टाइम्स ऑनलाईनमध्ये गेल्या एक वर्षापासून ‘कन्सल्टन्ट’ या पदावर कार्यरत आहेत. डिजिटल पत्रकारितेची सुरुवात त्यांनी ‘महाराष्ट्र टाइम्स ऑनलाईन’ मधूनच केली. पत्रकारितेचा डिप्लोमा करत असताना त्यांना महाराष्ट्र टाइम्स ऑनलाईनमध्ये इंटर्नशिप करण्याची संधी मिळाली. इंटर्नशिप करताना बऱ्याच नव्या गोष्टी शिकायला मिळाल्या. वेब स्टोरी, फोटो गॅलरी करण्यात त्यांचा हातखंडा आहे. चार महिने इंटर्नशिप केल्यानंतर त्यांना महाराष्ट्र टाइम्स ऑनलाईनमध्येच ‘कन्सल्टन्ट’ म्हणून नेमण्यात आलं.
तेजश्री यांना मनोरंजन क्षेत्रातील घडामोडींसोबतच, चालू घडामोडी, क्राईम, राजकीय, फॅशन, या विषयांवर बातम्या लिहिण्याचा अनुभव आहे. वाचकांची दिशाभूल न करता, घडलेली घटना साध्या आणि सोप्या शब्दांत वाचकांपर्यंत कशी पोहोचेल, हाच कायम त्यांचा प्रयत्न असतो. मनोरंजन क्षेत्रातील नवनवीन बदल, गोष्टी जाणून घेण्यासाठी कायम त्यांची धडपड असते. अनेक कलाकारांच्या मुलाखती ऐकून त्याचा ‘सार’ वाचकांपर्यंत पोहोचवण्याचा त्यांचा कायम प्रयत्न असतो. मालिकांची आवड असल्यामुळे त्यातील काही रंजक गोष्टी त्या सोप्या भाषेत वाचकांपर्यंत पोहोचवतात. एखादा सिनेमा किंवा वेब सीरिजवर वाद सुरू असेल तर तेजश्री स्वतः ती कलाकृती पाहून त्यानंतरच त्या विषयावर लेखन करतात.
तेजश्री यांना शाळा शिकत असतानाच मराठी भाषेची गोडी निर्माण झाली, त्यामुळे मराठी भाषेत काहीतरी करायचं, असं त्यांनी शालेय जीवनातच ठरवलं. म्हणूनच त्यांनी ‘मराठी साहित्य’ मध्ये पदवी (BA In Marathi Literature) घेण्याचा निर्णय घेतला. मराठी भाषेचा इतिहास, साहित्यशास्त्र, भाषाविज्ञान या विषयाचा गाढा अभ्यास त्यांनी केला. महाविद्यालयाच्या मासिकासाठी त्यांनी लेखन केलं आहे. ‘मराठी साहित्यात’ पदवी घेत असतानाच नाटक, कविता, कथा, कादंबरी, या कलाकृतींची गोडी अधिकच वाढली. तेजश्री यांनी वझे केळकर महाविद्यालयातून पदवी घेतली आहे. BA In Marathi Literature मध्ये त्यांनी दुसरा क्रमांक मिळवला आहे. पदवीनंतर तेजश्री यांनी CHM महाविद्यालयातून मराठी साहित्यातच पदव्युत्तर (MA In Marathi Literature) शिक्षण घेतलं. त्यावेळीही त्यांनी नाट्यशास्त्र, साहित्यशास्त्र या विषयांचा सखोल अभ्यास केला. महाविद्यालयीन शिक्षण घेत असताना पहिली ते पाचवीच्या विद्यार्थ्यांचे क्लासेसही त्यांनी घेतले आहेत.
पदव्युत्तर शिक्षणानंतर तेजश्री यांनी मुंबई विद्यापीठाच्या गरवारे शिक्षण संस्थेतून मराठीमध्ये पत्रकारितेचा डिप्लोमा केला. पत्रकारितेच्या डिप्लोमामध्ये त्यांनी दुसरा क्रमांक पटकवला. पत्रकारितेच्या डिप्लोमानंतर तेजश्री यांचा ‘महाराष्ट्र टाइम्स ऑनलाईन’ मध्ये प्रवास सुरू झाला असून त्या रंजक आणि विश्वासार्ह माहिती वाचकांपर्यंत पोहोचवण्याचं काम करत आहेत.… आणखी वाचा
