London Indian Origin Marathi Family Aditi Paralkar Rakesh Pai Sid fall from Elephant and Castle Building Tower to Death; लंडनमध्ये मराठी कुटुंबाचा गूढ अंत, 36 व्या मजल्यावरुन पडल्याने दाम्पत्यासह मुलाचा मृत्यू, यूकेमध्ये नाव कमवलेली अदिती परळकर कोण होती?

उंच इमारतीतून पडल्याने तिघांचा मृत्यू

दक्षिण लंडनमधील ‘एलिफंट अँड कॅसल’ येथील एका आलिशान निवासी इमारतीतील आपल्या अपार्टमेंटमधून जवळपास ४०० फूट खाली पडल्यामुळे ४६ वर्षीय अदिती, तिचे ४७ वर्षीय पती राकेश पै आणि त्यांचा नऊ वर्षांचा मुलगा सिड यांचा २७ मे रोजी मृत्यू झाल्याचे आढळून आले. हे तिहेरी कुटुंब ४५ मजली इमारतीमधील ३६ व्या मजल्यावर राहत होते.

अदिती परळकर कोण होत्या?

अदिती परळकर या बांधकाम क्षेत्रातील ‘सीनियर कन्सल्टंट’ होत्या. त्यांनी युनायटेड किंगडममधील अनेक मोठ्या पायाभूत सुविधा व विकास प्रकल्पांवर काम केले होते. एक निष्ठावान व्यावसायिक म्हणून त्यांची ओळख होती. कामाप्रती असलेली त्यांची नितांत निष्ठा आणि गुंतागुंतीचे प्रकल्प यशस्वीपणे पूर्ण करण्याची त्यांची हातोटी यासाठी त्या ओळखल्या जात होत्या.

आपल्या कारकिर्दीत त्यांनी अनेक वरिष्ठ पदे भूषवली. लंडनमधील गजबजलेल्या हिथ्रो विमानतळाशी संबंधित प्रकल्पांसह बांधकाम व अभियांत्रिकी क्षेत्रातील महत्त्वपूर्ण घडामोडींमध्ये त्यांनी योगदान दिले.
Plaza BEST Bus Accident : ब्रेक फेल झाले, टिळक ब्रिजच्या उतारावर वेग कमी करता आला नाही, म्हणून मी… प्लाझा बेस्ट बस अपघातातील चालकाचा जबाब
अदिती आणि त्यांचे पती राकेश पै हे मूळचे भारतातील असून नंतर लंडनमध्ये स्थायिक झाले. तिथे त्यांनी सल्लागार म्हणून यशस्वी कारकीर्द घडवली. मित्र परिवाराच्या मते, या दाम्पत्याला व्यावसायिक आणि वैयक्तिक अशा दोन्ही स्तरांवर अत्यंत आदराची वागणूक मिळत असे.

लहान मुलाला वैद्यकीय समस्या

त्यांचा मुलगा ‘सिड’ याला लहानपणापासूनच आरोग्याच्या अनेक समस्यांचा सामना करावा लागला. त्याला लर्निंग डिसअॅबिलिटी, अंशतः शारीरिक व्यंग आणि मूत्रपिंडाचा आजार होता. त्याच्या या स्थितीमुळे त्याला विशेष देखभालीची गरज होती. त्यामुळेच त्याच्या बालपणातील बराचसा काळ त्याचे शिक्षण घरीच झाले.

मित्रांनी सांगितल्यानुसार, आपल्या कामाचा व्याप आणि आव्हानात्मक कारकीर्द सांभाळूनही अदितीनेच त्याच्या दैनंदिन देखभालीची आणि शिक्षणाची बहुतांश जबाबदारी पेलली.

भारतात आले, अल्पावधीत परतले

काही वर्षांपूर्वी, सिडसाठी विशेष वैद्यकीय उपचार, तसेच नातेवाईक व मित्रपरिवाराकडून अधिक आधार मिळवण्याच्या उद्देशाने हे कुटुंब भारतात स्थायिक झाले होते.

मित्रांच्या म्हणण्यानुसार, सिडच्या जीवनमानाचा दर्जा सुधारण्यास मदत करणे आणि अदितीला भक्कम आधार उपलब्ध करुन देणे हा या स्थलांतरामागचा उद्देश होता. मात्र, अनेक वर्षांच्या उपचारानंतर हे कुटुंब २०२५ मध्ये पुन्हा यूकेला परतल्याचे समजते. त्यांच्या निकटवर्तीयांच्या मते, सिडच्या गुंतागुंतीच्या वैद्यकीय गरजांची काळजी घेणे हे त्या कुटुंबासाठी एक मोठे आव्हान ठरले होते.

त्या दोघांसाठीही हा तणाव खूप मोठा होता, पण विशेषतः अदितीला या परिस्थितीचा सामना करणे कठीण जात होते. युकेमध्ये तिचे कोणीही नातेवाईक नव्हते आणि तिची नोकरीही खूप धावपळीची होती, त्यामुळे सर्व गोष्टी सांभाळणे तिच्यासाठी अत्यंत कठीण झाले होते, असे काही मित्रांनी सांगितले.

पती राकेश मित्रांच्या मदतीला धावणारे

मित्रांमध्ये ‘रॉबिन’ म्हणून ओळखले जाणारे राकेश पै यांनी आर्थिक सल्लागार आणि प्रकल्प व्यवस्थापक म्हणून काम केले. आपल्या कारकिर्दीत त्यांनी बार्कलेज, सँटांडर आणि डॉइश बँक यांसारख्या अनेक प्रमुख बँकिंग संस्थांसोबत काम केले होते. मित्रांच्या मदतीला धावून जाणारा दोस्त अशा शब्दात त्याचं वर्णन केलं जात आहे.
Jalgaon Accident : दैवदुर्विलास! कारची बाईकला धडक, गाडीतील वरमाय-वरपित्याचा करुण अंत, तर लग्न ठरलेल्या दुचाकीस्वार युगुलाचाही एकत्रच शेवट
२७ मे रोजी सकाळी ‘एलिफंट अँड कॅसल’ येथील एका निवासी इमारतीतून तिघे जण उंचावरुन पडल्याचे वृत्त मिळताच आपत्कालीन सेवांनी घटनास्थळी धाव घेतली. पोलीस अधिकारी, अग्निशमन दलाचे जवान आणि रुग्णवाहिका पथके घटनास्थळी पोहोचली व त्यांनी जीव वाचवण्याचे प्रयत्न केले; मात्र, अदिती, राकेश आणि सिड यांना मृत घोषित करण्यात आले.