Lohagad Murder Case : सात मे रोजी आयोजित एका कौटुंबिक कार्यक्रमात सादरीकरण करणाऱ्या गायिकेने ऑनलाईन शेअर केलेला व्हिडिओ पुन्हा एकदा सोशल मीडियावर चर्चेत आला आहे
कौटुंबिक सोहळ्यातील डान्स
सात मे रोजी आयोजित एका कौटुंबिक कार्यक्रमात सादरीकरण करणाऱ्या गायिकेने ऑनलाईन शेअर केलेला एक व्हिडिओ पुन्हा एकदा सोशल मीडियावर चर्चेत आला आहे. या क्लिपमध्ये केतन आणि त्याचे कुटुंबीय एकत्र आनंद साजरा करताना, हसताना आणि नाचताना दिसत आहेत. नेमका प्रसंग कुठला होता, याविषयी माहिती नसली तरी अग्रवाल कुटुंबासाठी अत्यंत आनंदाचा सोहळा असल्याचे दिसून येते. या कार्यक्रमाला सिया गोयलच्या कुटुंबातील सदस्यही उपस्थित होते.
नेटिझन्स हळहळले
आज या क्षणांकडे पाहताना केतनसोबत घडलेली शोकांतिका अधिकच हृदयद्रावक वाटते, अशा भावना नेटिझन्सनी व्यक्त केल्या आहे. त्यावेळी उपस्थित असलेल्या कोणालाही कल्पना नसेल की, या आठवणी पुढे ‘अकाली संपलेल्या एका आयुष्या’ची वेदनादायी आठवण ठरतील, असंही काही जण म्हणत आहेत. या व्हिडिओमुळे सोशल मीडियावर अनेकांनी हळहळ मांडली असून कायदेशीर प्रक्रियेद्वारे त्याला न्याय मिळेल, अशी आशा व्यक्त केली जात आहे.
Pabe Ghat Accident : जेवणाचं दुपारी कॉल करुन सांगतो, विश्वासचा आईला फोन ठरला अखेरचा, कुटुंबाने शेंडेफळ गमावलं, पहाटे साडेतीनला काळीज चिरणारी बातमी
दहा कोटींच्या नुकसान भरपाईची नोटीस
दरम्यान, केतन अग्रवाल खून प्रकरणातील आरोपी सिया गोयल हिचा भाऊ साहिल याला वकील आशुतोष श्रीवास्तव यांनी दहा कोटी रुपयांची मानहानीची कायदेशीर नोटीस बजावली आहे. माध्यमांसमोर केलेल्या कथित बदनामीकारक वक्तव्यांमुळे व्यावसायिक प्रतिमेला धक्का बसल्याचा दावा ॲड. श्रीवास्तव यांनी केला असून, ४८ तासांत बिनशर्त जाहीर माफी आणि सात दिवसांत १० कोटी रुपयांची नुकसानभरपाई देण्याची मागणी नोटिशीत करण्यात आली आहे.
हत्येच्या प्रकरणाचा तपास करणाऱ्या पोलिसांचा दावा आहे की, प्रत्यक्ष हत्या करण्यापूर्वी सिया आणि चेतन चौधरी यांनी तीन वेळा प्रयत्न केले होते. पुण्यातील त्यांच्या घराच्या जवळ एका अज्ञात ठिकाणी केतनला दरीत ढकलून देण्याचा सरावही या दोघांनी केला होता. पोलीस आता त्या ठिकाणाची पाहणी करणार आहेत.
VIDEO | महाराष्ट्र-कर्नाटक सीमाप्रश्नावरून भाई जगताप थेटच बोलले
लोहगड बंद नाही
वीकेंडला लोहगडावर पर्यटकांची गर्दी वाढली होती. केतन अग्रवालला कड्यावरून ढकलले ते ठिकाण पाहण्यासाठी ही गर्दी होत असल्याचे बोलले जात आहे. मात्र, अचानक गर्दी वाढल्याने ग्रामीण पोलिसांनी लोहगड पर्यटकांसाठी बंद केला, अशी अफवा पसरली होती. वास्तविक, लोहगड पर्यटकांसाठी खुला असणार आहे, अशी माहिती उपविभागीय अधिकारी गजानन टोम्पे यांनी दिली.Vihan Shrivastav : घरच्या ओढीने निघालेल्या चिमुरड्यावर काळाचा घाला, स्कूलबसवर झाड कोसळून करुण अंत, ऑफिसमध्येच आईवर दुःखाचा डोंगर
सिया पॉईंट नावाला आक्षेप
दरम्यान, या ठिकाणाला ‘सिया पॉइंट’ असे संबोधण्यावर इतिहासकार आणि स्थानिक नागरिकांनी आक्षेप घेतला आहे. अशा प्रकारे एखाद्या ऐतिहासिक स्थळाला नवीन नाव देणे म्हणजे त्याच्या अस्मितेशी आणि इतिहासाशी छेडछाड करण्यासारखे आहे, असे त्यांचे म्हणणे आहे. अशा नावांच्या वापरास प्रशासनाने बंदी घालावी, अशी मागणी त्यांनी केली आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
