Ketan agrawal murder jupiter scooter seized: केतन अग्रवाल हत्या प्रकरणात आरोपी चेतन चौधरीने वापरलेली ज्युपिटर ही दुचाकी पोलिसांनी जप्त केली आहे. टोलनाका टाळण्याचा प्लॅन आणि CCTVमधून उघड झालेला तपासाचा महत्त्वाचा धागा या सगळ्या घडामोडींनी आरोपींचे खेळ उलगडत आहेत.
याच दुचाकीवर आधीही कारवाई झालेली
पोलिसांनी जप्त केलेल्या एमएच १२ बीडब्ल्यू १२४७ क्रमांकाच्या ज्युपिटर दुचाकीबाबत आणखी एक माहिती समोर आली आहे. या गुन्ह्याच्या काही काळाआधी पुणे वाहतूक पोलिसांनी मोबाईलवर बोलत वाहन चालवल्याप्रकरणी चेतनवर एक हजार रुपयांचा ऑनलाइन दंड ठोठावला होता. मात्र हा दंड त्याने भरला नव्हता, अशी माहिती तपासात समोर आली आहे.
सीसीटीव्हीमुळे उधळला आरोपींचा डाव
तपासानुसार, ठरलेल्या कटानुसार चेतन ज्युपिटरवरून लोहगडावर पोहोचला. तिथे त्याने सियासोबत मिळून केतन अग्रवालला खोल दरीत ढकलून दिले. त्यानंतर तो त्याच दुचाकीवरून पुण्याकडे परतला. टोलनाक्यांवरील नोंद टाळण्यात आरोपींना यश आले असले, तरी लोहगड परिसरातील सीसीटीव्ही कॅमेऱ्यांनी त्यांचा संपूर्ण डाव उधळून लावला आहे.
फुटेजमध्ये चेतन, सिया आणि ही दुचाकी स्पष्टपणे दिसून आली आहे. याच पुराव्याच्या आधारे पोलिसांनी तपासाची साखळी जोडत संपूर्ण कटाचा उलगडा केला आहे. दरम्यान, पोलिसांनी विशेष शोधमोहीम राबवून ही ज्युपिटर दुचाकी ताब्यात घेतली आहे. तपास आणि न्यायालयीन प्रक्रियेत हा पुरावा अत्यंत महत्त्वाचा ठरण्याची शक्यता असून, या प्रकरणाचा पुढील तपास सुरू आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा