India vs Sri Lanka, Bumrah Injury : फिटनेस चाचणी पास केल्यानंतरही जसप्रीत बुमराह श्रीलंका मालिकेतील दोन्ही कसोटी सामन्यांतून बाहेर पडल्याची माहिती समोर आली आहे. डाव्या पायाच्या त्रासामुळे बीसीसीआयने हा मोठा निर्णय घेतला आहे.
डाव्या पायाच्या त्रासामुळे घेतला निर्णय
जेव्हा मालिकेसाठी संघ घोषित झाला, तेव्हा बुमराहच्या नावापुढे ‘सब्जेक्ट टू फिटनेस’ असे लिहिलेले होते. बीसीसीआयच्या सुरुवातीच्या चाचण्यांमध्ये तो फिट असल्याचे समोर आले होते. मात्र, त्यानंतरही बुमराहने त्याच्या डाव्या पायाच्या दुखण्याबाबत माहिती दिली. त्यामुळे वैद्यकीय टीम आणि संघ व्यवस्थापनाने त्याच्याबाबतीत कोणतीही घाई न करण्याचा मोठा निर्णय घेतला असल्याचे बीसीआयच्या सूत्रांनी सांगितले आहे.
आगामी मोठ्या मालिकांमुळे घेतला रिस्क न घेण्याचा निर्णय
खेळाडूंना घाईघाईत मैदानात उतरवल्यामुळे ते पुन्हा दुखापतग्रस्त झाल्याची उदाहरणे आधी घडली आहेत. बुमराहबाबत असा कोणताही धोका पत्करायचा नाही, असे बीसीसीआयचे स्पष्ट मत आहे. या वर्षात एशियन गेम्स, न्यूझीलंड दौरा आणि पुढील वर्षाच्या सुरुवातीला होणारी बॉर्डर-गावस्कर ट्रॉफी अशा अनेक महत्त्वाच्या मालिका भारताला खेळायच्या आहेत. एशियन गेम्समध्ये सुवर्णपदक राखण्यासाठी आणि न्यूझीलंडविरुद्ध चांगल्या कामगिरीसाठी बुमराह पूर्ण १००% फिट असणे गरजेचे आहे.
बुमराहच्या जागेवर ‘आकिब नबी डार’चे नाव चर्चेत
बुमराह बाहेर पडल्यामुळे त्याच्या जागी कोणाला संधी मिळणार, याकडे सर्वांचे लक्ष लागले आहे. जम्मू-काश्मीरचा वेगवान गोलंदाज आकिब नबी डार याचे नाव सर्वात पुढे आहे. आकिबने अजून भारतासाठी कोणत्याही फॉरमॅटमध्ये डेब्यू केलेला नाही. पण रणजी ट्रॉफी २०२६ मध्ये त्याने ६० विकेट्स घेऊन सर्वाधिकचा विक्रम केला होता आणि जम्मू-काश्मीरला पहिल्यांदा रणजी चॅम्पियन बनवण्यात मोठी भूमिका बजावली होती.
सिराज आणि प्रसिध कृष्णावर नवी जबाबदारी
श्रीलंका दौऱ्यासाठी जसप्रीत बुमराह, मोहम्मद सिराज, प्रसिध कृष्णा आणि गुरनूर ब्रार या चार वेगवान गोलंदाजांची निवड झाली होती. आता बुमराह बाहेर पडल्याने मोहम्मद सिराझ आणि प्रसिध कृष्णा यांच्यावर मुख्य जबाबदारी असेल. श्रीलंकेच्या परिस्थितीत भारतीय गोलंदाजी मजबूत असणे गरजेचे होते, पण बुमराहच्या अनुपस्थितीमुळे टीम इंडियाची अडचण वाढली आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
