Viral Protest Video: नीट पेपरफुटी प्रकरणाविरोधातील पुण्यातील आंदोलनादरम्यान एका तरुणाचा विनोदी व्हिडिओ सोशल मीडियावर व्हायरल झाला आहे. कुटुंबीयांसोबत केलेल्या मार खाल्ला तर चहा पाजेन या डीलमुळे नेटकऱ्यांमध्ये हास्याची लाट पसरली आहे.
मात्र, पुण्यातील हा व्हायरल व्हिडिओ सर्वांच्याच भुवया उंचावणारा ठरत आहे. कारण या व्हिडिओतील एक तरुण आंदोलनात सहभागी होण्यापूर्वी कुटुंबीयांसोबत झालेल्या एका अनोख्या ‘डील’विषयी सांगत आहे. तो म्हणतो, “पोलिसांचा मार खाल्ला नाही तर घरी येईन आणि जो मार खाईल, त्याला मी चहा पाजेन.” या व्हायरल व्हिडिओवर नेटकरी एकापेक्षा एक भन्नाट प्रतिक्रिया देत आहेत.
नेमकं काय म्हणाला तरुण?
हे आंदोलन Gen Z पिढीचं असल्याचं म्हटलं जात आहे. ही तरुणाई आंदोलनातही आपली सर्जनशीलता दाखवत असल्याचं दिसत आहे. कुठे कोणी सुपरहिरोंचे कॉस्च्युम घालून येत आहे, तर कुठे कोणी योगा करून आंदोलनात सहभाग नोंदवत आहे. याच पार्श्वभूमीवर पुण्यातील या तरुणाचा गंमतीशीर व्हिडिओ व्हायरल होत आहे.
तो म्हणतो, “इथे लाठीचार्ज होईल अशी अपेक्षा होती. त्यामुळे कुटुंबीयांसोबत डील करून आलो होतो. मार नाही खाल्ला तर घरी जाणार आणि जो मार खाणार त्याला मी चहा पाजणार.” शेवटी तो म्हणतो, “हे आंदोलन खूप चांगल्या प्रकारे झालं. पोलिसांनीही आम्हाला खूप चांगलं सहकार्य केलं.”
नेटकरी काय म्हणताहेत
हा व्हिडिओ ३२ हजारांहून अधिक वेळा पाहिला गेला आहे. तसेच अनेकांनी त्यावर एकापेक्षा एक गंमतीशीर प्रतिक्रिया दिल्या आहेत. कोणी म्हणत आहे, “मार दिला नाही, त्याबद्दल पुणे पोलिसांचे आभार माना.” तर कोणी गंमतीने म्हणत आहे, “तरीसुद्धा आता चहा द्यावाच लागेल.”
असो, हे आंदोलन अत्यंत गंभीर विषयाशी संबंधित आहे. विद्यार्थी आणि त्यांचे पालक देशातील शैक्षणिक व्यवस्थेवर गंभीर प्रश्न उपस्थित करत आहेत. मात्र, आंदोलनातील तणाव काहीसा कमी व्हावा यासाठी काही जण हलकी-फुलकी मजा-मस्ती करतानाही दिसत आहेत.
(महत्वाची टीप – या बातमीमध्ये नमूद करण्यात आलेली माहिती ही पूर्णपणे सोशल मीडियावरील पोस्टवर आधारित आहे. त्यामध्ये करण्यात आलेल्या दाव्यांची सत्यता maharashtratimes.com ने स्वतंत्रपणे पडताळून पाहिलेली नाही.)
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा
