Gold-Silver Rate Today August 3, 2026: गेल्या काही महिन्यांत अमेरिकन डॉलरची वाढती ताकद आणि ट्रेझरी बाँड यील्ड्समधील वाढीमुळे सोने आणि चांदीच्या तेजीला खीळ बसली. तसेच मध्यपूर्वेत अमेरिका-इराण यांच्यातील तणावाच्या पार्श्वभूमीवर सोन्या-चांदीच्या किंमतीत प्रचंड चढउतार झाले ज्यामुळे सर्वसामान्यांची धाकधूक वाढली असून आता सणासुदीच्या दिवसांत सोनं-चांदी खरेदी करणं फायदेशीर ठरणार की नाही? असा प्रश्न लोकांना पडला आहे.
इराणवरील हल्ल्याला डोनाल्ड ट्रम्प यांचा ब्रेक
अमेरिकेचे राष्ट्राध्यक्ष डोनाल्ड ट्रम्प यांनी MCX वर सोमवारी सकाळी व्यवहार सुरू होण्याआधी इराणवरील नवीन लष्करी हल्ला सध्यापुरता स्थगित केला असून, लवकरच अणुकरार घडवून आणण्याच्या प्रयत्नांवर लक्ष केंद्रित केले. अशाप्रकारे, ट्रम्प यांच्या निर्णयानंतर सोमवारी आंतरराष्ट्रीय बाजारात सोन्याच्या दरात लक्षणीय वाढ झाली असून ट्रम्प यांनी अणुकराराबद्दल विधान करताच कच्च्या तेलाच्या दरात मोठी घसरण झाली, ज्यामुळे गुंतवणूकदारांमध्ये पुन्हा हालचाल वाढली.
सोन्या-चांदीचा आजचा दर काय
सोने आणि चांदीच्या किमतीत जानेवारीच्या शेवटच्या दिवसापासून मोठी अस्थिरता दिसून आली आहे. गेल्या सहा महिन्यांत सोन्याचा भाव उच्चांकावरून अंदाजे 40 रुपयांनी उताराला आहे तर, चांदीची चकाकीही ऑल-टाइम हायवरून तब्बल दोन लाखांनी कमी झाली आहे. अशा स्थितीत, गुंतवणूकदारांची धडधड वाढली तर खरेदीदरांमध्ये योग्य वेळेबाबत संभ्रम पाहायला मिळत आहे.
यादरम्यान, सोमवार (3 ऑगस्ट रोजी) सकाळी कच्च्या तेलाच्या किमती प्रति बॅरल 5 डॉलरपेक्षा जास्त घसरल्या आणि क्रूडचा भाव कमी झाल्यामुळे महागाईबद्दल बाजारातील चिंता कमी झाली, ज्याचा परिणाम सोन्याच्या किमतींवरही झाला. MCX वर सकाळी 9.15 वाजता सोन्याचा वायदा दर 0.13 टक्के किंचित वाढीसह 1.43 लाखांवर स्थिर राहिला तर, चांदीच्या फ्युचर्स किमती 0.42 टक्के वाढून 2.17 लाख रुपयांच्या आसपास व्यवहार करत आहे.
31 जुलैची डेडलाइन चुकली, आता इन्कम टॅक्स रिटर्न दाखल करायला 5000 रुपयांचा दंड बसणार; कोणाला मोफत भरता येणार?
दुसरीकडे आंतरराष्ट्रीय बाजारात स्पॉट गोल्डची किंमत 4,067.06 डॉलरपर्यंत वाढली. डोनाल्ड ट्रम्प यांनी इराणसोबत लवकरच करार होण्याची आशा व्यक्त केली आणि नवीन हल्ला पुढे ढकलला. यामुळे महागाई आणि उच्च व्याजदरांविषयीची चिंता काही प्रमाणात कमी झाली ज्यामुळे सोन्याच्या दरवाढीला बळ मिळाले.
सोन्यावर अजूनही दबाव का?
अमेरिका आणि इराण संघर्ष सुरू झाल्यापासून दोन्ही मौल्यवान धातूंवर दबाव राहिला आहे. युद्धामुळे महागाई वाढण्याची भीती निर्माण झाली. महागाई वाढल्यास जगातील प्रमुख मध्यवर्ती बँकांना व्याजदर वाढ करणे भाग पडेल. सोन्याला पारंपरिकरित्या महागाईच्या विरोधात सुरक्षित गुंतवणूक मानले जाते, पण व्याजदर उच्च असताना सोन्याचे आकर्षण कमी होते कारण त्यावर कोणतेही व्याज मिळत नाही.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
