Gold Silver Price Hike 2026; सराफा बाजारात दरवाढीचा धडाका; सोन्याचा भाव 1.50 लाखांच्या पार, तर चांदीतही मोठी वाढ! सणासुदीत खरेदीदारांच्या खिशाला कात्री

सोन्याच्या दरवाढीला कारणीभूत घटक

अमेरिकेत व्याजदर वाढण्याची भीती कमी झाल्यामुळे बिनव्याजी गुंतवणूक मानल्या जाणाऱ्या सोन्यात खरेदी वाढली, ज्याचा परिणाम किंमतीवर झाला. याशिवाय अमेरिका आणि इराण यांच्यात पश्चिम आशियाई संकटावर तोडगा निघण्याच्या वाढत्या आशेमुळे सोन्याच्या किमतींनाही फायदा होताना दिसत असून या दरम्यान देशांतर्गत बाजारात सोन्याच्या किमती सलग चौथ्या दिवशी वाढल्या.

Post Office Scheme: पोस्टाच्या योजनेत एकदा 10 लाख जमा करा आणि तरुण-वयस्क सगळेच कमवू शकतात दरमहा 6000 रुपये, टेंशन फ्री जाईल रिटायर्मेंट

अमेरिकेतील हालचालींनी बदलला गुंतवणूकदारांचा मूड

त्याचवेळी, अपेक्षेच्या विरुद्ध, जुलै महिन्यात अर्थव्यवस्थेतील रोजगारात घट झाल्याचे अमेरिकी कामगार विभागाच्या आकडेवारीवरून समोर आले. तसेच मागील 2 महिन्यांच्या बिगर-शेती रोजगार आकडेवारीतही घट आली असून बेरोजगारीचा दर 4.2% वरून 4.1% पर्यंत कमी झाला तरी, मोठ्या संख्येने लोकांनी श्रमशक्तीतून बाहेर पडणे याचे मुख्य कारण होते. यामुळे Labour Force Participation Rate कमी होऊन 61.4% वर आला, जो जवळपास साडेपाच वर्षांतील नीचांक आहे.

अशाप्रकारे, अलीकडच्या आकडेवारीनंतर वित्तीय बाजारांनी सप्टेंबरमध्ये फेडकडून व्याजदर वाढवण्याचा अंदाज कमी झाला. म्हणजे व्याजदर वाढीची शक्यता कमी झाल्यामुळे डॉलरवर दबाव वाढला आणि सोन्याची मागणी मजबूत झाली, ज्यामुळे आंतरराष्ट्रीय बाजारातील किमती वाढल्या.

SEBI चा कल टेक क्षेत्राकडे; 9 नव्या IPO ला मिळाली मंजुरी, गेमिंग आयपीओचीही बाजारात होणार एंट्री

सोने-चांदीचा आजचा दर काय

भारतीय सराफा बाजारात सोन्याच्या किमतीत तेजीचा कल कायम राहिला असून 8 ऑगस्टच्या सकाळी मुंबईत 24 कॅरेट सोन्याचा भाव 10 ग्रॅम 1,49,900 रुपयांवर पोहोचला तर, 22 कॅरेट 10 ग्रॅम सोन्याचा भाव 1,37,410 रुपये नोंदवला गेला. याशिवाय दिल्लीतील सराफा बाजारात सोन्याचा दर 1.50 लाखांवर उसळला आहे. त्याचप्रमाणे, MCX वर सोन्याचा वायदा 2.10% वाढीसह 1,51,985 रुपयांवर उसळला तर, चांदीचे फ्युचर्स 2.64 टक्क्यांनी वाढून 2,31,804 रुपये किलोवर पोहोचले आहेत.

गेल्या सत्रात कमजोर अमेरिकन डॉलर आणि कच्च्या तेलाच्या कमी किमतींनी देखील सत्रादरम्यान सोन्या-चांदीच्या मागणीला आधार दिला. अमेरिकन डॉलरमधील कमजोरी आणि आंतरराष्ट्रीय बाजारातील वाढत्या किमती ही सोन्याच्या दरातील या वाढीमागे मुख्य कारणे मानली जात असून मजबूत जागतिक मागणीचाही देशांतर्गत बाजारातील किमतींवर परिणाम होत आहे.