तुम्हीपण EPFO सदस्य असाल आणि घर खरेदी, बांधकाम किंवा होम लोनचा ईएमआय हप्ता भरण्यासाठी पीएफ खात्यातील निधी वापरण्याचा विचार करत असाल, तर ही माहिती अत्यंत उपयुक्त ठरू शकते.
Gold Rate Today: सोन्याचा दर पुन्हा बदलला, चांदी 3000 रुपयांनी स्वस्त; भविष्यातही भाव असाच कमी होणार का? अमेरिकेतल्या हालचालींकडे नजरEPF आंशिक विड्रॉलची सुविधा
ईपीएफओ आपल्या सदस्यांना घर खरेदीसाठी अंशतः पैसे काढण्याची परवानगी देते, पण हा एक शहाणपणाचा आर्थिक निर्णय आहे का? असं करण्याआधी तुम्ही हुशारपणे विचार करणे गरजेचे आहे, असे आर्थिक तज्ज्ञ म्हणतात. सोप्या भाषेत बोलायचे तर, घर खरेदीसाठी EPF निधी वापरणे तुमच्या भविष्यासाठी हानिकारक ठरू शकते आणि कोणते चांगले पर्याय उपलब्ध आहेत पाहूया.
ईपीएफओच्या 2026 नियमांनुसार घरा-संबंधित PF काढण्यासाठी काही महत्त्वाच्या अटी नमूद केल्या आहेत, ज्याचे पालन न केल्यास तुमच्या दाव्यावर परिणाम होऊ शकतो.
घरासाठी किती पीएफ काढता येतो?
EPFO नियमांनुसार तुम्ही हाऊसिंग योजनेअंतर्गत अर्ज केला असेल आणि किमान 3 वर्षांची पात्र सेवा कालावधी पूर्ण केला असल्यास तुम्ही काही अटींच्या अधीन एकूण ईपीएफ निधीच्या 90% पर्यंत रक्कम विड्रॉ करू शकतात, पण यासाठी तुमच्या खात्यात किमान 20000 रुपये शिल्लक असणे आवश्यक आहे.
सर्वसाधारण गृहनिर्माण आगाऊ रकमेअंतर्गत किमान 5 वर्षांची सेवा पूर्ण केल्यानंतर EPFO सदस्य कर्मचारी मूळ वेतन आणि महागाई भत्त्याच्या 36 महिन्यांपर्यंत रक्कम, प्रत्यक्ष मालमत्तेचे मूल्य, किंवा उपलब्ध पीएफ शिल्लक, यापैकी जी रक्कम कमी असेल काढू शकतात.
कोणत्या अटींचे पालन करावे लागेल
घर खरेदी किंवा बांधकामासाठी PF निधी विड्रॉ करण्यासाठी काही अटी लागू केल्या गेल्या आहेत. त्यापैकी पहिली अट म्हणजे की विड्रॉ केली रक्कम मिळाल्यापासून 6 महिन्यांच्या आत मालमत्तेचा व्यवहार पूर्ण झाला पाहिजे तसेच, घराचे बांधकाम सुरू असेल, तर अंतिम हप्ता मिळाल्यापासून सहा महिन्यांच्या आत बांधकाम सुरू होऊन 12 महिन्यांच्या आत पूर्ण झाले पाहिजे.
याव्यतिरिक्त, ज्या मालमत्तेसाठी पीएफ काढला जात आहे, केवळ तुमच्या नावावर किंवा तुमच्या आणि तुमच्या जोडीदाराच्या संयुक्त नावावरच असली पाहिजे. पालक, भावंड किंवा इतर कोणत्याही नातेवाईकाच्या नावावर खरेदी केलेल्या मालमत्तेसाठी पीएफ काढण्याची परवानगी नाही.
होम लोनची परतफेड करण्यासाठीही PF काढता येतो का?
एखाद्याने आधीच गृहकर्ज काढला असेल तर EPFO तुम्हाला कर्जाची परतफेड करण्यासाठी पीएफ विड्रॉलची परवानगी देतो, पण काही अटी लागू आहेत. यानुसार कर्मचाऱ्याचे 3-10 ईपीएफओ सदस्यत्व असले पाहिजे आणि तुमच्या एकूण पीएफ शिल्लकच्या 90% पर्यंत रक्कम काढू शकतो, पण रक्कम प्रत्यक्ष थकीत कर्जाच्या रकमेपेक्षा जास्त असू शकत नाही. बऱ्याच प्रकरणांमध्ये पैसे थेट बँकेला किंवा गृह वित्त कंपनीला दिले जातात.
4 रिस्क लक्षात घ्या
शिथिल नियम : किमान 5 वर्षे सेवा पूर्ण केल्यानंतर घर/प्लॉट खरेदी किंवा बांधकामासाठी ईपीएफओ EPF शिल्लक विड्रॉ केली जाऊ शकते
चक्रवाढीचा मोठा तोटा: ईपीएफवर सुरक्षित आणि करमुक्त व्याजामुळे तुमच्या रिटायरमेंटपर्यंत पैशांत अनेक पटीने वाढ होते, जे काढल्यास वाया जाय शकतात.
निवृत्तीच्या वेळीचा धोका: पीएफ निधी काढल्याने वृद्धापकाळातील आर्थिक सुरक्षितता आणि निवृत्ती निधीला मोठा धक्का बसतो.
कर लाभांचे गणित: गृहकर्ज घेतल्यास दुहेरी कर लाभ मिळतो, तर ईपीएफ निधी काढल्याने हा लाभ मर्यादित होतो.
