Shiv Sena BJP Mumbai Mayor : सध्या भाजपकडे मुंबईचे महापौरपद असल्याबाबत उपमुख्यमंत्री एकनाथ शिंदे यांना विचारले असता, भाजप व आमच्यात यापूर्वीच चर्चा झाल्याचे त्यांनी सांगितले.
उपमुख्यमंत्री शिंदे यांनी नंदनवन निवासस्थानी गुरुवारी मुंबई महापालिका पत्रकारांशी विविध मुद्द्यांवर संवाद साधला. या वेळी त्यांनी महापौरपदाबाबत माहिती दिली. सध्या भाजपकडे मुंबईचे महापौरपद असल्याबाबत उपमुख्यमंत्र्यांना विचारले असता, भाजप व आमच्यात यापूर्वीच चर्चा झाल्याचे त्यांनी सांगितले.
अडीच वर्षांनंतर पुढील सव्वा वर्ष शिवसेनेचा महापौर असेल, असे त्यांनी स्पष्ट केले. सध्या महापौरपद अडीच वर्ष भाजपकडे असून, पुढील अडीच वर्षापैकी सव्वा वर्ष महापौरपद शिवसेनेला आणि त्यानंतरचे सव्वा वर्ष पद भाजपकडे असणार आहे.
खड्डे बुजवण्यासाठी ४० ते ४२ कोटी
मुंबईतील विविध नागरी प्रश्न सोडवण्यासाठी मुंबई महापालिका आणि सत्ताधारी कटिबद्ध असल्याचे उपमुख्यमंत्री शिंदे यांनी सांगितले. मुंबईतील रस्ते काँक्रीटीकरणाची कामे वेगाने पूर्ण होत असून, त्यामुळे खड्ड्यांचे प्रमाण आणि त्यावरील खर्चही कमी झाल्याचा दावा शिंदे यांनी केला. ‘पूर्वी दरवर्षी ४०० कोटी रुपयांपेक्षा जास्त खर्च खड्डे बुजवण्यासाठी व्हायचा. आता हाच खर्च ४० ते ४२ कोटी रुपयांवर आला आहे’, असे शिंदे यांनी सांगितले. पुढील वर्षात मुंबईतील सर्व रस्ते काँक्रीटीकरण होऊन खड्डेमुक्त होतील, असेही त्यांनी सांगितले.
गिरणी कामगारांनाही मुंबईत मोठ्या प्रमाणात घरे
मुंबईतील जुन्या इमारती व झोपड्यांच्या पुनर्विकासावर आम्ही लक्ष केंद्रीत केले आहे. गिरणी कामगारांनाही मुंबईत मोठ्या प्रमाणात घरे उपलब्ध होणार असल्याचे शिंदे यांनी सांगितले. मुंबईत सांडपाण्यावर प्रक्रिया करून अन्य वापरासाठी पाणी वापरण्याचा प्रकल्पही गतीने होत असल्याचे ते म्हणाले. यावेळी खासदार श्रीकांत शिंदे, मुंबई महापालिका गटनेते अमेय घोले उपस्थित होते.
रेसकोर्सच्या भागाला ‘किनारा’लगत जोडणी
महालक्ष्मी रेसकोर्सचा काही भाग मुंबई सागरी किनारा मार्गाच्या मोकळ्या जागांशी जोडण्याचा निर्णय सरकारने घेतला असल्याचे शिंदे यांनी सांगितले. नेव्हिल डिसोझा फुटबॉल मैदानाच्या वापराबद्दल त्यांना प्रश्न विचारण्यात आला होता. या मैदानाचे क्रिडांगण आरक्षण असून, ते बदलण्याच्या प्रस्तावाला नुकतीच स्थायी समितीच्या बैठकीत आणि नंतर महापालिका सभागृहात मंजुरी देण्यात आली होती. तेथे प्रदर्शन केंद्र उभारण्याचा प्रस्ताव आहे.
वांद्रेतील विविध फुटबॉल क्लब, स्थानिकांसह राजकीय पक्षांनी विरोध केला आहे. हा प्रस्ताव रद्द करावा, यासाठी शिवसेना उबाठाचे आमदार आदित्य ठाकरे यांनी आणि काँग्रेसने आंदोलनही केले. या प्रस्तावाबाबत विचारले असता, हा प्रस्ताव जरी मंजूर झाला असला तरीही नागरिकांकडून हरकती व सूचना मागविण्याची प्रक्रिया अद्याप बाकी आहे, असे शिंदे यांनी सांगितले.
‘फुटबॉल मैदानावर बांधकाम नाही’
वांद्रे पश्चिममधील रिक्लेमेशन येथे ८४५० चौरस मीटर क्षेत्राचे नेव्हिल डिसोझा फुटबॉल मैदानाचा वापरबदलाचा प्रस्ताव मंजूर झाला असला तरी या मैदानावर कोणतेही बांधकाम केले जाणार नसल्याचे उपमुख्यमंत्री एकनाथ शिंदे यांनी स्पष्ट केले. शहरातील मोकळ्या जागा वाढवण्याचे नियोजन आहे. त्यासाठी सरकार प्रयत्नशील असल्याचे ते म्हणाले.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
