Manjot Kalra News : भारताचा माजी अंडर-19 क्रिकेटपटू आणि जाफना किंग्सचा सहमालक मनजोत कालराला लंका प्रीमियर लीगदरम्यान खेळाडूला लाच देण्याचा प्रयत्न केल्याप्रकरणी श्रीलंकेत अटक करण्यात आली आहे. नेमकं काय आहे सर्व प्रकरण?
खेळाडूला लाच देण्याचा आरोप
27 वर्षीय मनजोत कालराने क्रिकेटनंतर क्रीडा व्यवसायात प्रवेश करत यावर्षी जाफना किंग्स फ्रँचायझीमध्ये सहमालक म्हणून गुंतवणूक केली होती. श्रीलंकन पोलिसांच्या माहितीनुसार, एलपीएल स्पर्धेदरम्यान एका खेळाडूला आर्थिक आमिष दाखवत त्याच्यावर प्रभाव टाकण्याचा प्रयत्न करण्यात आला. संबंधित खेळाडूने दहा दिवसांपूर्वी अधिकाऱ्यांकडे तक्रार केल्यानंतर तपास सुरू झाला आणि आज कालराला अटक करण्यात आली.
तीन खेळाडूंच्या तक्रारीनंतर कारवा
या प्रकरणात भानुका राजपक्षे, अविष्का फर्नांडो आणि दुनिथ वेलालागे या श्रीलंकेच्या खेळाडूंनी अधिकृत तक्रार नोंदवल्याची माहिती पोलिसांनी दिली आहे. हे तिघेही जाफना किंग्सकडून खेळतात. एलपीएल 2026 च्या पहिल्याच दिवशी जाफना किंग्सचा सामना गॉल गॅलंट्स संघाविरुद्ध होत असताना ही कारवाई करण्यात आली. पाच संघांच्या या स्पर्धेत एकूण 24 सामने खेळवले जाणार असून अंतिम सामना 8 ऑगस्ट रोजी होणार आहे.
एलपीएल पुन्हा वादाच्या भोवऱ्यात
लंका प्रीमियर लीगमध्ये यापूर्वीही सामना निश्चिती, लाच आणि भ्रष्टाचाराचे आरोप झाले आहेत. याच वर्षाच्या सुरुवातीला दुसऱ्या एका एलपीएल फ्रँचायझीच्या मालकाला खेळाडूला सट्टेबाजीसाठी प्रवृत्त केल्याप्रकरणी चार वर्षांच्या कारावासाची शिक्षा सुनावण्यात आली होती. दरम्यान, श्रीलंका क्रिकेटने एलपीएलचे सामने नियोजित वेळापत्रकानुसारच सुरू राहतील, असे स्पष्ट केले आहे.
मनजोत कालरावरील आरोप सिद्ध होतात की नाही, हे तपासानंतर स्पष्ट होणार आहे. मात्र एलपीएल सुरू होताच घडलेल्या या घटनेमुळे स्पर्धेच्या प्रतिमेला पुन्हा धक्का बसला असून क्रिकेटमधील भ्रष्टाचाराचा मुद्दा पुन्हा एकदा चर्चेत आला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
