Pune Moshi Building Collapse : पिंपरी-चिंचवडमधील मोशी इमारत दुर्घटनाप्रकरणी अखेर कारवाईला वेग आलाय. या दर्घटनेमध्ये ९ जणांचा करुण अंत झाला आहे. कुणी आपले वडील गमावलेत, तर कुणी आपला भाऊ गमावला आहे.
लग्नाची हळद उतरायच्या आत काळाने घातला घाला
मोशीतील आदर्शनगर येथे वास्तव्यास असलेले आणि मूळचे छत्रपती संभाजीनगर जिल्ह्यातील महेश सुरेश कुंभार (वय ३३) सव्वा वर्षांपासून ‘वेस्ट-टू-एनर्जी’ प्रकल्पात एचआर विभागात कार्यरत होते. कार्यालयीन इमारतीवर कचऱ्याचा डोंगर कोसळल्याने त्यांचा मृत्यू झाला. २२ जून २०२६ रोजीच त्यांचा विवाह झाला होता. नव्या संसाराची स्वप्ने रंगवत असतानाचा नियतीने त्यांच्यावर घाला घातला. पत्नी शिवानी, आई-वडील आणि कुटुंबीयांच्या आनंदावर एका क्षणात विरजण पडले. लग्नाची हळदही उतरली नव्हती, तोच कुटुंबावर दु:खाचा डोंगर कोसळला.
Pune News: पुण्यात ३६ किमी लांब ‘उच्च क्षमता वर्तुळाकार मार्ग’, उन्नत मार्गावरून टोल-मुक्त प्रवास; कसा असेल प्रकल्प?
राहुलच्या जाण्याने कुटुंबावर आर्थिक संकट
राहुल धोंडिबा गायकवाड (वय ३३) हे त्यांच्या कुटुंबाचा एकमेव कमावत आधार होते. राहुल तीन वर्षे कचरा डेपोत प्रयोगशाला सहायक म्हणून काम करीत होते. वृद्ध वडील धोंडीबा आणि आई संपदा यांचा औषधोपचार, घरखर्च तसेच सहा वर्षांचा आरव आणि दोन वर्षांचा स्वराज यांच्या शिक्षणाची जबाबदारी राहुल यांच्यावरच होती. पत्नी अश्विनी यांच्यावर दोन लहान मुलांचे संगोपन, सासू-सासऱ्यांची जबाबदारी आणि भविष्यातील आर्थिक नियोजनाचे मोठे ओझे आले आहे. मुलांच्या शिक्षणापासून दैनंदिन खर्चापर्यंत प्रत्येक गोष्टीची चिंता कुटुंबाला सतावत असून, राहुल यांच्या निधनाने गायकवाड कुटुंबाचा आर्थिक कणा अक्षरश: मोडला आहे.
पालिकेचे आयुक्त विजय सूर्यवंशी खडबडून जागे
संपूर्ण महाराष्ट्राला हादरवून सोडणाऱ्या पिंपरी चिंचवड परिसरातील मोशी येथील महापालिकेच्या वेस्ट-टू-एनर्जी प्रकल्पात घडलेली भीषण दुर्घटनेप्रकरणी एक मोठी बातमी समोर आली आहे. जवळपास ८३ तास मदत व बचावकार्य सुरू राहिलेल्या पिंपरी-चिंचवडमधील मोशी इमारत दुर्घटनाप्रकरणी अखेर कारवाईला वेग आलाय. पालिकेचे आयुक्त विजय सूर्यवंशी खडबडून जागे झालेत. त्यांनी या दुर्घटनेप्रकरणी अँटोनी लारा रिन्युएबल एनर्जी कंपनीच्या दोन अधिकाऱ्यांवर गुन्हे दाखल केलेत. प्रकल्प प्रमुख अशोककुमार गुप्ता आणि सेफ्टी अधिकारी विजय सपकाळ यांच्याविरोधात पालिकेने सदोष मनुष्यवधाचा गुन्हा नोंदवला आहे. यातील गुप्तांना पोलिसांनी रात्रीच चौकशीसाठी ताब्यात घेतल्याची माहिती आहे.Pune News : लग्नाच्या दहा वर्षांनी पाळणा हलला, पण मोशी दुर्घटनेत 25 दिवसांच्या बाळाचं पितृछत्र हरपलं; लेकराने कष्टाळू वडील गमावले
नोटिशीला २४ तासांच्या आत उत्तर दिल्यानंतर संजय कुलकर्णी आणि योगेश आल्हाट यांच्यावरही सदोष मनुष्यवधाचा गुन्हा दाखल होण्याची शक्यता व्यक्त केली जात आहे. दुसरीकडे, राज्याच्या नगरविकास विभागाने विभागीय आयुक्त शीतल तेली यांच्या अध्यक्षतेखाली उच्चस्तरीय चौकशी समिती नेमली असून, या दुर्घटनेतील जबाबदारी निश्चित करण्याचं काम सुरू आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
