Corporator Ramesh Mhatre Arrested : डोंबिवलीतील शास्त्रीनगर रुग्णालयात डॉक्टरांना मारहाण केल्याप्रकरणी शिंदे सेनेचे नगरसेवक रमेश म्हात्रे यांना अखेर अटक करण्यात आली. या प्रकरणात आतापर्यंत चार आरोपींना अटक झाली आहे.
विष्णुनगर पोलिसांनी ताब्यात घेतलं
या प्रकरणात म्हात्रे यांचे समर्थक रमेश पवार, प्रकाश निकम आणि अक्षय कारंडे यांना पोलिसांनी आधीच अटक केली होती. मात्र मुख्य आरोपी असलेले रमेश म्हात्रे मोकाट असल्याने डॉक्टर संघटना आणि नागरिकांनी संताप व्यक्त केला होता. अखेर बुधवारी दुपारी विष्णुनगर पोलिसांनी त्यांना ताब्यात घेतलं.
कठोर कारवाईची मागणी
घटनेनंतर कल्याण-डोंबिवली महापालिकेच्या आरोग्य कर्मचाऱ्यांनी काम बंद आंदोलन सुरू केलं. राज्यभरातील डॉक्टर संघटनांनीही या घटनेचा निषेध करत कठोर कारवाईची मागणी केली. डॉक्टरांवर हात उगारणाऱ्याला कोणतीही सवलत देऊ नये, अशी भूमिका विविध संघटनांनी घेतली होती.
रोहित पवार- विनायक राऊतांनी दिला होता इशाारा
दरम्यान, राष्ट्रवादी काँग्रेस (शरदचंद्र पवार) पक्षाचे आमदार रोहित पवार आणि ठाकरे गटाचे नेते विनायक राऊत यांनी शास्त्रीनगर रुग्णालयाला भेट देत डॉक्टरांची भेट घेतली. बुधवारी संध्याकाळपर्यंत अटक झाली नाही, तर महाविकास आघाडीकडून आंदोलन करण्यात येईल, असा इशाराही त्यांनी दिला होता.
श्रीकांत शिंदेंची भूमिका अन् अटकेची कारवाई
या प्रकरणानंतर शिंदे शिवसेनेचे खासदार डॉ. श्रीकांत शिंदे यांनीही स्पष्ट भूमिका घेतली. डॉक्टरांवरील हल्ल्याचं कोणत्याही परिस्थितीत समर्थन केलं जाणार नाही. रमेश म्हात्रे यांच्यावर पक्षाकडून कठोर शिस्तभंगाची कारवाई केली जाईल, असं त्यांनी जाहीर केलं. त्यानंतर पक्षाने म्हात्रे यांना शिस्तभंगाची नोटीसही बजावली. राज्यभरातून वाढलेल्या दबावानंतर अखेर पोलिसांनी मुख्य आरोपी रमेश म्हात्रे यांना अटक केली. आता या प्रकरणाचा पुढील तपास सुरू असून, न्यायालयात त्यांना हजर केल्यानंतर पुढील कायदेशीर प्रक्रिया पार पडणार आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
