माहेश्वरी महिला संघटनेतर्फे जिल्ह्यातील सर्व तालुक्यांमध्ये महेश नवमी उत्साहात साजरी करण्यात आली . अकोला तालुक्यात भगवान महेशची स्थापना करून आरती करण्यात आली. या उपक्रमात जिल्हा स्त्री रुग्णालयात २५० रुग्णांना फळांचे वाटप करण्यात आले. त्याचप्रमाणे “स
.
सांस्कृतिक कार्यक्रमात ७५ कलाकारांनी सादरीकरण केले. योग दिनानिमित्त १५० लोकांनी सहभाग नोंदवला. “हॅप्पी स्ट्रीट’चा आनंद घेतला. खेळ, वृक्षारोपण, मुलांनी स्तोत्र पठण, युवकांसाठी भजन जॅमिंग, पारितोषिक वितरण, डिजिटल रावण, प्रश्नोत्तरी आणि “मिले सुर मेरा तुम्हारा’ आदी कार्यक्रम आयोजित करण्यात आले. सर्व तालुक्यांनी “तुटते नाते व वाढते घटस्फोट’ या विषयावर नाटिका सादर केली. अकोट तालुक्यात वृक्षारोपण व रक्तदान शिबिराचे आयोजन करण्यात आले. रक्तदान करणाऱ्यांना सर्टिफिकेट व बाटली देऊन सन्मानित करण्यात आले. सात आदर्श माता-पित्यांचा सन्मान करण्यात आला. “माझं गाव माझा अभिमान’ अंतर्गत मोठ्या शहरांहून ग्रामस्थत्व स्वीकारून स्थायी राहिलेल्या ५ जणांना सन्मानित केले. क्रिकेट व रस्सी काढणे स्पर्धाही झाल्या. तेल्हारा तालुका, दानापूर येथे वृक्षारोपण करण्यात आले. आंतरराष्ट्रीय योग दिनानिमित्त ऑनलाइन योग वर्ग आयोजित करण्यात आला. फॅन्सी ड्रेसेस व गीत गायन स्पर्धा पार पडली. ३३ कलाकारांनी नृत्यनाटिका सादर केली. तसेच अकोला मातोश्री वृद्धाश्रमात २०० किलो धान्य देण्यात आले. गायत्री बालिका आश्रमातील ६० मुलींसाठी सुहागवस्त्रे भेटवस्तू देण्यात आल्या.
अशी निघाली शोभायात्रा “ॐ’च्या उच्चाराचे आध्यात्मिक व वैज्ञानिक फायदे याबद्दल माहिती देण्यात आली. महेश नवमीच्या दिवशी “जय महेश’च्या जयघोषांसह शोभायात्रा काढण्यात आली. भगवान शिवाचा जलाभिषेक करण्यात आला. मुलांना शिवमंत्र, श्लोक व स्तुती म्हणण्यात आली. उत्तीर्ण विद्यार्थ्यांना बक्षिसे देण्यात आली. नवनिर्वाचित महिला मंडळाची जाहीर घोषणा करण्यात आली. महेश वंदना व आरतीनंतर प्रसाद वितरण झाले. “तुटते नाते, वाढते घटस्फोट’ या विषयावर नाटक सादर करण्यात आले.
