R Ashwin on Vaibhav sooryavanshi debut; सचिनच्या विक्रमाशी बरोबरी कशाला, त्याला सध्या सिनियर्सना पाणी पाजू द्या! आर अश्विन वैभव सूर्यवंशीच्या डेब्यूबद्दल असं का म्हणाला?

अश्विन नेमकं काय म्हणाला?

अश्विनच्या मते सध्यातरी वैभवच्या पदार्पणाची आवश्यकता नाही. त्याला बेंचवरच बसवावे, अशी सूचना त्याने केली आहे. त्याने यामागिल त्याचे कारणही सांगितले आहे. एका यूट्यूब वाहिनीला दिलेल्या मुलाखतीत तो म्हणाला की, केवळ एका विक्रमासाठी दुसऱ्या खेळाडूवर अन्याय कसा करायचा, अश्विनने सलामीवीर संजू आणि अभिषेक यांची बाजू घेतली.

वैभवला झिम्बाब्वे दौऱ्यावर पाठवा

पुढे बोलताना अश्विन म्हणाला की, सध्या भारतीय संघात वैभवला स्थान नाही, जर त्यासा संधी द्यायची असेल तर निवड समितीने त्याला झिम्बाब्वे दौऱ्यावर पाठवावे, जिथे सध्याच्या सिनियर सलामीवरांनाही विश्रांती मिळेल. संजू आणि अभिषेक हे वनडे आणि कसोटी संघात नाहीत. हे वर्षही वर्ल्डकपच्या तयारीचे आहे. त्यामुळे त्यांना हे टी-२० खेळता नाही आले तर त्यांचा सराव कुठे होणार, म्हणून त्यांच्या जागी वैभवला खेळवणे हे अन्यायकारक आहे.

Shoaib Akhtar : शोएब अख्तरच्या भावाचं निधन, अंत्यविधीला 26/11 आणि पहलगाम हल्ल्यातील दहशतवादी उपस्थित, Video समोर

वैभव हा एक उत्कृष्ट खेळाडू आहे, पण क्रिकेट हा एक टीमचा खेळ आहे, हे आपण समजून घेतले पाहिजे. कोणताही संघ हा एका व्यक्तीसाठी बनलेला नसतो. कोच गौतम गंभीर यांनी नेहमी संघाला पहिलं प्राधान्य दिलेलं आहे. सुपरस्टार संस्कृतीला त्यांचाही विरोध आहे. संजू- अभिषेकने वर्ल्डकपमध्येही चांगली कामगिरी केली. वैभवसाठी त्यांना संधी न देणे हे खेळ भावनेच्या विरोधात असेल, असंही अश्विन म्हणाला आहे.

डगआऊटमध्ये बसला तर काय होईल?

सचिनने १९८९ मध्ये १६ व्या वर्षी पाकिस्तानविरुद्ध भारतीय संघात पदार्पण केले होते. वैभव सध्या १५ वर्षांचा आहे, पुढील वर्षी तो १६ वर्षांचा होणार आहे. त्यामुळे सध्यातरी त्याने कोणते विक्रम बनतायत याकडे न पाहता सिनियर खेळाडूंकडून काय शिकता येईल ते पाहावे, असे रोखठोक मत अश्विनने व्यक्त केले आहे. शुभमन गिल आणि साई सुदर्शन यांनीही आयपीएलमध्ये धावा केल्या आहेत. पण मग आपण रोटेशननुसार पाच सलामीवीर खेळवले पाहिजेत का? तर असं नाही होतं, आपल्याला थोडं समजूतीने घ्यावं लागेल. डगआऊटमध्ये बसल्याने कोणी लहान होत नाही, सिनियर्सला पाणी दिल्याने काही बिघडतं का? त्याचेही एक महत्व आहे. तिथे बसूनही वैभव खूप काही शिकेल. कोणताच खेळाडू हा एका रात्रीत महान होत नाही. एकदा का त्याची संघात एन्ट्री झाली की त्याला बाहेर कोण काढणार? त्याचीही कारकीर्द ही सचिनसारखीच मोठी असणार आहे, असं अश्विननं म्हटले आहे.