Washim News : तर मी तुझी बदनामी करेन आणि…, अल्पवयीन मुलीचं भीतीपोटी टोकाचं पाऊल; प्रकरणाने परिसरात खळबळ – shocking case of minor girl ends life in washim case filed against accused

मुलीच्या मृत्यूनंतर तिच्या काकाची पोलीस स्थानकांत तक्रार

वाशिम जिल्ह्यातील शिरपूर पोलीस स्टेशनंतर्गत येणाऱ्या वाघळूद गावात प्रकार समोर आला आहे. मृत मुलीच्या काकाने दिलेल्या फिर्यादीवरून पोलीस ठाण्यात आरोपी विरुद्ध गुन्हा दाखल करण्यात आला आहे.
Nagpur News : बँकेत कर्ज, आर्थिक परिस्थिती बिकट; तरुण शेतकऱ्याने कीटकनाशक घेत मृत्यूला कवटाळलं, सारेच हळहळले

…तर मी तुझी बदनामी करेन

मिळालेल्या माहितीनुसार, अभिषेक विष्णू देशमुख याने एका अल्पवयीन मुलीच्या घरामध्ये घुसून वाईट हेतूने तिला मिठीत कवटाळलं. त्यानंतर त्याने मुलीला तु माझ्या सोबत पळून चल, जर तु माझ्या सोबत पळून आली नाही, तर मी तुझी बदनामी करेन आणि जीवे मारेन, अशी धमकी आरोपीने अल्पवयीने तरुणीला दिली. आपली बदनामी होईल, तसंच आरोपीने दिलेल्या धमकीच्या भीतीपोटी, त्याच्या जाचाला कंटाळून अल्पवयीन मुलीने विष प्राशन केलं.
Ahilyanagar News : मित्राला संपवलं, नंतर अपघाताचा बनाव रचला; गोव्याला पळून जाताना पोलिसांकडून सिनेस्टाईल उलगडा

परिसरात नराधमाविरोधात संताप

उपचारासाठी तिला तात्काळ दवाखान्यात दाखल करण्यात आलं. मुलीला वाशिम येथील खाजगी हॉस्पिटलमध्ये दाखल केलं मात्र डॉक्टरांनी तपासून तिला मृत घोषित केलं. या घटनेमुळे वाघळूद गावात शोककळा पसरली असून आरोपी नराधमाविरुद्ध संताप व्यक्त केला जात आहे. त्याच्यावर कारवाई करण्याची मागणी परिसरात जोर धरत आहे.

आरोपी पोलिसांच्या ताब्यात

घटनेनंतर मृत मुलीच्या काकाने शिरपूर पोलीस स्टेशनला फिर्याद दिली. फिर्यादीवरुन शिरपूर पोलीसांनी आरोपी अभिषेक विष्णू देशमुख, वय २५ रा. वाघळूद या नराधमाला ताब्यात घेतल्याची माहिती मिळत आहे. तसंच त्याच्या विरुद्ध विविध कलमांनुसार गुन्हा दाखल केला आहे. पुढील तपास ठाणेदार केशव वाघ यांच्या मार्गदर्शनात पोलीस उपनिरीक्षक इमरान पठाण हे करत आहेत.