Eknath Shinde : शिवसेनेच्या विस्तारासाठी एकनाथ शिंदेंची रणनिती, भाजपलाही आव्हान देण्याची तयारी – shiv sena eknath shinde mission goa 2027 assembly election

महाराष्ट्रातील ‘ऑपरेशन टायगर’च्या यशस्वी टप्प्यानंतर, मुख्यमंत्री एकनाथ शिंदे यांच्या नेतृत्वाखालील शिवसेनेने आता शेजारील गोवा राज्याकडे आपले लक्ष केंद्रित केले आहे. ठाकरेंचे ६ खासदार शिंदेंनी फोडले आता १४ आमदारही त्यांच्या रडारवर आहेत. त्यातच आज सचिन अहिर यांनाही शिंदेंनी आपल्याबाजूनं वळवलं आहे. त्यामुळे एकनाथ शिंदे महाराष्ट्रात आपली ताकद एकीकडे वाढवत असताना दुसरीकडे राष्ट्रीय पातळीवरील राजकारणातही ठोस पावलं उचलण्याच्या तयारीत एकनाथ शिंदेंनी बाजूच्या गोवा राज्यातही शिवसेना वाढवण्यासाठी प्रयत्न सुरु केल्याचं दिसतंय. २०२७ मध्ये होणाऱ्या गोवा विधानसभा निवडणुकीत जी निवडणूक कदाचित २०२६ मध्येही होण्याची शक्यता नाकारता येत नाही त्या निवडणुकीत शिंदेंची शिवसेना तब्बल ३० जागांवर निवडणूक लढवण्याच्या तयारीत आहे. हा निर्णय केवळ एका राज्यापुरता मर्यादित नसून, एकनाथ शिंदे यांच्या राष्ट्रीय पातळीवर विस्तार योजनेचा आणि पक्षाची स्वतंत्र ओळख बळकट करण्याचा एक अत्यंत महत्त्वाचा भाग मानला जातोय. या संपूर्ण राजकीय हालचालींचा, शिंदेंच्या रणनीतीचा आणि गोव्याच्या राजकारणावर होणाऱ्या परिणामांबद्दल आपण या व्हिडिओच्या माध्यमातून जाणून घेऊयात,