Yavatmal Crime: आई पार्वता यांच्या डोक्याला गंभीर मार लागल्याने त्यांचा जागीच मृत्यू तर वडील महादेव हे गंभीर जखमी झाले. आरडाओरड ऐकून शेजारी धावत आले.
पार्वता महादेव डेबूर (६२) असे मृत आईचे तर महादेव डेबूर (६५) असे जखमी वडिलांचे नाव आहे. त्यांच्यावर यवतमाळच्या वसंतराव नाईक शासकीय वैद्यकीय महाविद्यालयाच्या रुग्णालयात उपचार सुरू आहेत. जितेंद्र याला दारूचे व्यसन होते. व्यसनामुळे जितेंद्र हा घर विकून टाकणार ही भीती आईवडिलांना होती. यातूनच त्यांनी गावातील जुने घर मुलींच्या नावावर केले. यावरून जितेंद्र अधिकच संतापला. रोज दारू प्राशन करून आल्यानंतर घर परत आपल्या नावावर करून घेण्यासाठी शिवीगाळ करू लागला. बुधवारी रात्री साडेआठ वाजतादरम्यान परत दारू प्राशन आला आणि त्याने वाद घालण्यास सुरुवात केली. हा वाद वाढताच त्याने फावड्याने आईवडिलांवर हल्ला केला. 
शिक्षणाचा खेळखंडोबा! शिक्षक म्हणून चक्क सफाई कामगाराची नियुक्ती; शिक्षण राज्यमंत्र्याच्याच जिल्ह्यातील प्रकार
आई पार्वता यांच्या डोक्याला गंभीर मार लागल्याने त्यांचा जागीच मृत्यू तर वडील महादेव हे गंभीर जखमी झाले. आरडाओरड ऐकून शेजारी धावत आले. त्यांनी जखमी महादेव यांना बाभूळगावच्या शासकीय रुग्णालयात हलविले. प्राथमिक उपचारानंतर त्यांना यवतमाळच्या शासकीय वैद्यकीय महाविद्यालयात हलविण्यात आले. पोलिसांनीही तत्काळ घटनास्थळ गाठले. पंचनामा करून पार्वता यांचा मृतदेह शवविच्छेदनासाठी शासकीय रुग्णालयात पाठविला. घटनेवेळी जितेंद्रची पत्नी सुशीला ही हजर होती. अधिक तपास पोलिस निरीक्षक एल. डी. तावरे यांच्या मार्गदर्शनाखाली सहायक पोलिस निरीक्षक चौधरी करीत आहेत.चॉकलेटच्या बॉक्समध्ये साप, ससे अन् पोपट; पुणे विमानतळावर वन्यजीव तस्करीचा प्लॅन फसला, दोघांना अटक
महादेव डेबूर यांना तीन मुली आणि एक मुलगा आहे. मुलगा जितेंद्र हा व्यसनी असल्याने आपले वडिलोपार्जित घर विकून टाकणार ही भीती त्यांना सतावत होती. किमान आपले घर कुटुंबाकडे राहावे म्हणून त्यांनी ते मुलींच्या नावावर केले. हीच गोष्ट जितेंद्रला सतावत होती. मुलगा असताना मुलींना घर दिले म्हणून तो भांडू लागला. घरातील रोजचा हा वाद वाढला आणि आई पार्वता यांचा जीव गेला
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा
