Woman Ends Life by Jumping Into Well : महाराष्ट्रातील यवतमाळ जिल्ह्यामध्ये एक धक्कादायक घटना घडली आहे. गर्भवती महिलेने आपल्या दोन वर्षांच्या मुलीसह उडी घेत जीवनयात्रा संपवली. नेमकी कुठली घटना आहे आणि काय घडलं? जाणून घ्या.
दारव्हा तालुक्यातील ब्रम्ही गावात पूजा नेमाने ही गर्भवती महिला तिच्या दोन वर्षाच्या मुलीसह पती, सासू, सासऱ्यासह राहात होती.दि. १२ ऑगस्टला सकाळी १०.५८ वाजताच्या सुमारास पूजा हीने आपल्या दोन वर्षीय मुलीला पोटाला घट्ट बांधले. त्यानंतर दोघींनी गावालगतच्या मारुती दूधे यांच्या शेतातील विहिरीत उडी घेतली. पाण्याच्या खोलीत बुडाल्याने दोघींचा जागीच मृत्यू झाला. ग्रामस्थांनी धाव घेऊन प्रयत्न केले, मात्र तोपर्यंत उशीर झाला होता. 
Yavatmal News : शाळेच्या शौचालयात घृणास्पद कृत्य, ९ वर्षीय विद्यार्थ्याचा चिमुकलीवर अत्याचार; यवतमाळ हादरलं!
या घटनेची माहिती मिळताच लाडखेड ठाणेदार विनायक लंबे, पोलिस उपनिरीक्षक रामकिसन जायभाय यांनी घटनास्थळी धाव घेतली. दरम्यान गावकऱ्यांच्या मदतीने मृतदेह विहिरीबाहेर काढण्यात आला. त्यानंतर पंचनामा करून मृतदेह शवविच्छेदनासाठी रुग्णालयात पाठविण्यात आला. या प्रकरणी मृतक पुजा हीचे वडील गुलाब ज्योतीराम शिंदे (४८) रा. बोरजाई ता. कळंब यांनी दिलेल्या तक्रारीवरून लाडखेड पोलिसांनी पती मोहन याच्यासह सासू सासऱ्यावर विविध कलमान्वये गुन्हे नोंद केले आहे. या प्रकरणाचा पुढील तपास ठाणेदार विनायक लंबे यांच्या मार्गदर्शनाखाली पोलिस करीत आहे.
लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाइनमध्ये एक्झिक्युटिव्ह कंटेंट प्रॉड्युसर म्हणून कार्यरत आहेत. ते २०२४ पासून मटा ऑनलाइनसोबत जोडले गेले आहेत. गेली सात वर्षे ते विविध मीडिया समूहांमध्ये काम करत आहेत. त्यांना स्पोर्ट्स, क्राइम आणि राजकीय बातम्यांमध्ये विशेष रुची आहे.
पत्रकारितेमधील अनुभव
पुण्यात पत्रकारितेचे शिक्षण घेत असताना झी २४ तास आणि सकाळ या माध्यम समूहांमध्ये इंटर्नशीप केली होती. त्यानंतर मास मीडियाच्या शेवटच्या वर्षाला असताना ‘थोडक्यात’ या वेब पोर्टलमध्ये इंटर्न म्हणून काम केले आहे. त्यानंतर थोडक्यात मध्येच नोकरीची संधी मिळाली, तिथेच काही दिवसांनी शिफ्ट इंचार्ज म्हणून जबाबादारी सांभाळली. यादरम्यान लोकसभा आणि विधानसभा २०१९ निवडणुकांचे टेक्स्ट बातम्यांमधून वार्तांकन केले. मराठी चित्रपटसृष्टीतील ‘श्रीराम समर्थ’ या चित्रपटातील संत रामदासांची भूमिका साकारणारे मराठी अभिनेते शंतून मोघे यांची छोटेखानी मुलाखत घेतली. (लिंक : https://youtu.be/-wsyyekJ-DE?si=SaJ_OC9nUgLFmKXK)
‘थोडक्यात’ नंतर सकाळ डीजिटलमध्ये सोशल मीडिया एक्सेक्युटिव्ह म्हणून काम पाहिले आहे, त्यावेळी टी-२० वर्ल्ड कपचे लाईव्ह करत क्रीडाप्रेमींना माहिती दिली. त्यानंतर ‘पोलीसनामा’मध्ये काम करत असताना सीडीआर वाचून समजून घेत अनेक स्टोरी साध्या आणि सोप्या शब्दात बातमी लेखन केले. यादरम्यान कॉलेज पूर्ण झाल्यावर झी २४ तासमध्ये संधी मिळाली, मुंबईत झी २४ तासमध्ये महाराष्ट्र केसरी कु्स्ती स्पर्धेवर विशेष स्टोरी केल्या आहेत. टीव्ही९ मराठीमध्ये Sub-Editor, Social Media Executive म्हणून काम पाहिले आहे. त्यानंतर २०२४ मध्ये महाराष्ट्र टाइम्स ऑनलाइनमध्ये जॉइन झाले.
महाराष्ट्र टाइम्स ऑनलाइनमध्ये महाराष्ट्र, क्राइम आणि स्पोर्ट्स या तिन्ही सेक्शनमध्ये ट्रेंडनुसार बातमी लेखन करतात. आता पार पडलेल्या विधानसभा निवडणूक आणि निकालांचे कव्हरेज बातम्यांच्या माध्यमातून केले. महापालिका निवडणुकांमध्ये मुंबई, पुणे आणि पिंपरी चिंचवड आणि कोल्हापूर या महत्त्वाच्या जिल्ह्यांचे स्थानिक पातळीवर भागानुसार सविस्तर वार्तांकन केले आहे. महापालिका निवडणुकीमध्ये सायली वांजळे यांची मुलाखत घेतली होती. लिंक: https://youtu.be/Wejw-eMnXqI?si=jyeD36tRboIc9bpJ. त्यासोबतच आता टी-२० वर्ल्ड कप २०२६ चे कव्हरेज पाहत आहेत.
शैक्षणिक पात्रता
हरीश मालुसरे यांचे पदवीपर्यंतचे शिक्षण पुणे जिल्ह्यातील नामांकित आबासाहेब गरवारे महाविद्यालयातून झाले आहे. तिथूनच 2022 साली एम. ए. जर्नलिझम आणि मास कम्युनिकेशनचे शिक्षण पूर्ण केले. त्यांचे मराठी हिंदी आणि इंग्रजी भाषेवर प्रभुत्व असून डिजिटल पत्रकारितेतील सातहून अधिक वर्षांचा अनुभव आहे.… आणखी वाचा
