nandurbar crime son killed drunk father; वडिलांकडून आईला सतत मारहाण, मुलाने रागात थेट बापाला संपवलं; नंतर पुरावा नष्ट करण्यासाठी… भयंकर घटनेने खळबळ

मुलाकडून वडिलांची हत्या झाल्यानंतर, हत्येचा पुरावा नष्ट करण्यासाठी मुलाने वडिलांचा मृतदेह गावापासून जवळच असलेल्या खोल दरीत फेकून दिल्याची धक्कादायक घटना धडगाव तालुक्यातील वेलखेडीचा खेडीबारपाडा येथे घडली. याप्रकरणी दोन जणांविरुद्ध म्हसावद पोलीस ठाण्यात गुन्हा दाखल करण्यात आला आहे.
Beed News : भररस्त्यात गोळीबार करत तरुणाला संपवलं, अनैतिक संबंधातून हत्येचा थरार? भयंकर घटनेने बीड हादरलं
धडगाव तालुक्यातील वेलखेडीचा खेडीबारपाडा येथील किसन वेस्ता वळवी (35) हा नेहमीच दारू पिऊन त्याच्या पत्नीला त्रास देत होता. तसंच पत्नीला सतत मारहाण करणं, शिवीगाळ करणं असे प्रकार दररोजचे झाले होते. त्यामुळे किसन वाडी याचा मुलगा दिनेश आणि शेजारीच राहणारा त्याचा भाऊ सायसिंग हैराण झाले होते. वेळोवेळी त्यांनी किसन वळवी यांना समज दिली. पत्नीला त्रास न देण्याचं सतत सांगितलं जात होतं. मात्र त्याचा काहीच उपयोग झाला नाही. किसन वळवी हत्येच्या रात्रीही पुन्हा दारू पिऊन त्याच्या पत्नीला मारहाण करत होता. याचा राग आल्याने त्यांचा मुलगा दिनेश याने काका सायसिंग यांच्या साहाय्याने किसन वळवी यांना लाथाबुक्क्यांनी बेदम मारहाण केली.

लाथाबुक्क्यांनंतर दोघांनी लाकडी दांडका त्याच्या डोक्यात मारून त्याला गंभीर जखमी केलं. लाडकी दांड्याचा जबर मार बसल्याने वडील किसन यांचा या मारहाणीत मृत्यू झाला. वडिलांचा मृत्यू झाल्याची घटना बाहेर कळू नये, पुरावा कोणाला मिळू नये यासाठी त्यांचा मृतदेह गावालगतच असलेल्या पिंपळबार टेकडीवर नेऊन तेथून खोल दरीत फेकून दिला.

त्यानंतर वडिलांच्या हत्येची बाब समजल्यानंतर मृताचा मोठा भाऊ खेत्या वेस्ता वळवी याच्या फिर्यादीवरून म्हसावद पोलीस ठाण्यात सायसिंग वेस्ता वळवी आणि दिनेश किसन वळवी, रा. वेलखेडीचा खेडीबारपाडा, ता. धडगाव यांच्याविरुद्ध गुन्हा दाखल करण्यात आला आहे. या प्रकरणी पुढील तपास सहायक पोलीस निरीक्षक नितीन कामे करत आहे.