Akola Crime News : राज्यात दिवसेंदिवस गुन्हेगारीचं प्रमाण वाढत चाललं आहे. अशातच अकोला जिल्ह्यात एक मोठी घटना समोर आली आहे. या घटनेनं संपूर्ण जिल्ह्यात भितीचं वातावरण पसरलं आहे.
काय आहे नेमकी घटना?
२६ मार्च रोजी सकाळी वाई (माना) येथील तक्रारदार गोपाल रामकृष्ण भटकर यांना त्यांचा पुतण्या स्वप्नील याने फोन करून माहिती दिली की, त्यांचे भाऊ संजय रामकृष्ण भटकर (वय ५०) यांचा मृत्यू झाला आहे. स्वप्नीलने सुरुवातीला बनाव रचत सांगितलं की, संजय हे रात्री जेवण करून गोठ्यात झोपले होते आणि सकाळी ते मृतावस्थेत आढळले.
Ashok Kharat : कोंबडीचोरीमुळे बापाने घराबाहेर काढला, नानांनी 50 रुपये टेकवताच पळाला, बारा वर्षांनी हाँगकाँगहून पत्र, खरातचे प्रताप
संशय आणि पोलीस तपास
याप्रकरणी माना पोलीस स्टेशनमध्ये मर्ग दाखल करण्यात आला होता. ठाणेदार गणेश नावकार यांनी तातडीने घटनेचं गांभीर्य ओळखून पार्थिव शवविच्छेदनासाठी लक्ष्मीबाई देशमुख रुग्णालय, मूर्तिजापूर येथे पाठवला. शवविच्छेदन अहवालात धक्कादायक बाब समोर आली; संजय भटकर यांचा मृत्यू नैसर्गिक नसून गळा आवळल्यामुळे श्वास गुदमरून झाल्याचे वैद्यकीय अधिकाऱ्यांनी स्पष्ट केले.
आरोपींची कबुली आणि अटक
वैद्यकीय अहवालानंतर अज्ञात इसमाविरुद्ध हत्येचा गुन्हा दाखल करून पोलिसांनी तपास वेगवान केला. गोपनीय माहिती आणि संशयावरून पोलिसांनी मृतक संजय यांची वहिनी संगीता विनोद भटकर (वय ४८) आणि पुतण्या स्वप्नील विनोद भटकर (वय २५) यांना ताब्यात घेऊन विचारपूस केली. सुरुवातीला उडवाउडवीची उत्तरे देणाऱ्या या दोघांनीही पोलिसी खाक्या दाखवताच घरगुती वादातून मारहाण करून गळा आवळून हत्या केल्याची कबुली दिली.Rupali Thombare: भोंदूबाबा खरातच्या ‘रॅकेट’मागे चाकणकर! राष्ट्रवादीच्याच रुपाली ठोंबरे-पाटील यांचा गंभीर आरोप
सदर कारवाई अकोला पोलीस अधीक्षक अर्चित चांडक, अप्पर पोलीस अधीक्षक बी. चंद्रकांत रेड्डी, उपविभागीय पोलीस अधिकारी सौ. वैशाली मुळे आणि पोलीस निरीक्षक शंकर शेळके यांच्या मार्गदर्शनाखाली माना पोलीस स्टेशनचे ठाणेदार गणेश नावकार व त्यांच्या पथकाने यशस्वीरीत्या पार पाडली. दोन्ही आरोपींना न्यायालयात हजर करण्याची प्रक्रिया सुरू असून पोलीस अधिक तपास करत आहेत.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
