आगामी गणेशोत्सवासाठी मुंबई आणि पुणे येथून कोकणात जाणाऱ्या चाकरमान्यांसाठी मध्य रेल्वे आणि कोकण रेल्वेने 246 हून अधिक विशेष गाड्यांची घोषणा केली आहे. या विशेष गाड्यांचे वेळापत्रक जाहीर करण्यात आले असून प्रवाशांना घरबसल्या आयआरसीटीसीच्या अधिकृत वेबसाईट किंवा मोबाईल ॲपद्वारे अवघ्या काही मिनिटांत आपले तिकीट बुक करता येईल. चला तर मग याविषयीची माहिती पुढे जाणून घेऊया.
मध्य रेल्वे आणि कोकण रेल्वे प्रशासनाने मुंबई, ठाणे, दिवा आणि पुणे येथून कोकणातील रत्नागिरी, सिंधुदुर्ग, सावंतवाडी आणि गोव्यातील मडगावसाठी या गाड्या सोडण्याचा निर्णय घेतला आहे. या विशेष गाड्या 11 सप्टेंबर ते 27 सप्टेंबर 2026 या कालावधीत धावणार असून, ऐन सणाच्या गर्दीत यामुळे प्रवाशांना मोठा दिलासा मिळणार आहे. (REF.)
या विशेष गाड्यांचे रेल्वेने केलेले नियोजन आणि घरबसल्या ऑनलाईन तिकीट बुक करण्याची सोपी पद्धत खालीलप्रमाणे आहे.
रेल्वेचे विशेष नियोजन आणि प्रमुख मार्ग
- यंदा जाहीर झालेल्या 246 विशेष गाड्यांमध्ये राखीव आणि अनारक्षित अशा दोन्ही प्रकारच्या ट्रेनचा समावेश आहे.
- 184 राखीव विशेष गाड्या: यामध्ये AC, Sleeper आणि सामान्य द्वितीय श्रेणीचे डबे असतील. या गाड्या प्रामुख्याने मुंबई CSMT, लोकमान्य टिळक टर्मिनस (LTT) आणि पुणे येथून सुटतील.
- 62 अनारक्षित मेमू (MEMU) गाड्या: कमी अंतराच्या आणि प्रादेशिक प्रवासासाठी दिवा ते खेड आणि दिवा ते चिपळूण दरम्यान या विशेष मेमू सेवा चालवल्या जातील.
- मुंबई-मडगाव विशेष ट्रेन: नुकतीच रेल्वेने मुंबई सीएसएमटी ते मडगाव दरम्यान 4 अतिरिक्त विशेष गाड्यांची घोषणा केली असून, याचे बुकिंग 29 ऑगस्ट 2026 पासून सुरू करण्यात आले आहे.
घरबसल्या ऑनलाईन तिकीट बुक करण्याची सोपी पद्धत
रेल्वे स्थानकावरील आरक्षण खिडकीवर तासनतास रांगेत उभे राहण्याऐवजी तुम्ही आयआरसीटीसीच्या माध्यमातून अवघ्या 5 मिनिटांत तिकीट बुक करू शकता.
1. IRCTC अकाउंट लॉगइन करा
सर्वप्रथम आयआरसीटीसीच्या अधिकृत वेबसाईटवर (http://www.irctc.co.in) किंवा ‘IRCTC Rail Connect’ ॲपवर जा. तुमचे अकाउंट नसेल तर मोबाईल नंबर आणि ईमेल आयडी वापरून नवीन आयडी तयार करा.
2. प्रवासाचा तपशील भरा
लॉगइन केल्यानंतर ‘Book Ticket’ विभागात जा. तिथे ‘From’ मध्ये तुमचे सुरुवातीचे स्टेशन (उदा. CSMT किंवा LTT) आणि ‘To’ मध्ये पोहोचायचे ठिकाण (उदा. रत्नागिरी, सावंतवाडी रोड) टाका. ‘Journey Date’ मध्ये प्रवासाची तारीख निवडून ‘Search Trains’ वर क्लिक करा.
3. ट्रेन आणि क्लास निवडा:
तुमच्या समोर त्या मार्गावरील उपलब्ध विशेष गाड्यांची (Special Trains) यादी येईल. गाडीच्या नावापुढे ‘0’ ने सुरू होणारा विशेष क्रमांक असेल. स्लीपर किंवा एसी क्लास निवडून ‘Book Now’ वर क्लिक करा.
4. प्रवाशांची माहिती आणि पेमेंट
प्रवाशांचे नाव, वय आणि बर्थची पसंती अचूक भरा. यानंतर पेमेंट करण्यासाठी ‘UPI (BHIM/Google Pay/PhonePe)’ चा पर्याय निवडा, कारण यामुळे बँक चार्जेस कमी लागतात. पेमेंट यशस्वी होताच तुमच्या रजिस्टर मोबाईल नंबरवर कन्फर्म तिकीटचा मेसेज आणि ई-तिकीट प्राप्त होईल.
व्हर्च्युअल तिकीट वैध
ऑनलाईन बुक केलेल्या तिकीटची प्रिंट काढण्याची गरज नाही. प्रवासादरम्यान मोबाईलमधील SMS किंवा ई-तिकीट दाखवून प्रवास करता येतो, मात्र सोबत मूळ आधार कार्ड किंवा ओळखपत्र असणे अनिवार्य आहे. विशेष गाड्यांचे सविस्तर वेळापत्रक आणि थांबे राष्ट्रीय ट्रेन चौकशी प्रणाली (NTES) आणि IRCTC च्या अधिकृत पोर्टलवर उपलब्ध करून देण्यात आले आहे.
लेखकाबद्दलशुभम कुलकर्णीशुभम कुलकर्णी हे गेल्या नऊ वर्षांहून अधिक काळ मुख्य प्रवाहातील माध्यम क्षेत्रात सक्रिय असलेले एक व्यासंगी पत्रकार आहेत. सध्या ते ‘महाराष्ट्र टाईम्स’च्या ‘टेक आणि सायन्स’ विभागात कन्सल्टंट म्हणून आपली जबाबदारी सांभाळत आहेत. तंत्रज्ञान विश्वातील वेगाने बदलणारे आर्टिफिशियल इंटेलिजन्स (AI) चे प्रगत तंत्रज्ञान, नवनवीन गॅझेट्स, टेक ट्रेंड्स, स्मार्टफोन रिव्ह्यूज आणि सायन्स क्षेत्रातील क्लिष्ट वैज्ञानिक घडामोडी अतिशय सोप्या, सर्वसामान्यांना समजेल अशा रंजक भाषेत मांडण्यात त्यांचा विशेष हातखंडा आहे. डिजिटल मीडियातील अचूक SEO आणि Google Discover च्या बदलत्या अल्गोरिदमचा वापर करून लाखो वाचकांपर्यंत तांत्रिक माहिती पोहोचवण्यात त्यांचा मोलाचा वाटा आहे.
छत्रपती संभाजीनगर येथील नामांकित ‘MGM’ संस्थेतून ‘एम.ए. पत्रकारिता आणि जनसंवाद’ ही मास्टर पदवी संपादन केल्यानंतर, त्यांनी आपल्या कारकिर्दीची सुरुवात ‘आकाशवाणी’ या प्रतिष्ठित संस्थेतून केली. 2017 मध्ये त्यांनी ‘दैनिक सामना’ या अग्रगण्य मुखपत्रात प्रवेश करत वृत्तपत्र पत्रकारितेचा भक्कम पाया रचला. त्यानंतर मुंबईतील ABP माझा, TV9 मराठी, साम TV, पुढारी न्यूज चॅनेल आणि लोकशाही न्यूज या महाराष्ट्रातील आघाडीच्या वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली आहे. राजधानी दिल्ली येथे ‘News Nation Marathi’ साठी राष्ट्रीय आणि आंतरराष्ट्रीय स्तरावरील वेगवेगळ्या न्यूज बुलेटिन्सचा दांडगा अनुभव त्यांच्या पाठीशी आहे.
प्रिंट, इलेक्ट्रॉनिक आणि डिजिटल मीडियाच्या सखोल अनुभवामुळे राजकारण, व्यापार-उद्योग, विज्ञान, तंत्रज्ञान, ऑटोमोबाईल, सायबर सुरक्षा आणि लाइफस्टाईल क्षेत्रातील गुंतागुंतीच्या विषयांचे अचूक विश्लेषण करणे ही त्यांची प्रमुख ओळख आहे. पत्रकारितेच्या या व्यस्त प्रवासातून वेळ काढत, निसर्गाच्या सानिध्यात वेळ घालवणे हा त्यांचा छंद आहे.… आणखी वाचा
