भारतीय मोबाईल निर्माता कंपनी ‘लावा इंटरनॅशनल’ने देशातील बजेट सेगमेंट मजबूत करण्यासाठी आपला नवीन स्मार्टफोन Lava Bold N4 Lite अधिकृतपणे लाँच केला आहे. हा एक 4G स्मार्टफोन असून कंपनीने याची किंमत फक्त 8,099 रुपये ठेवली आहे. स्वस्त दरात दमदार फीचर्स शोधणाऱ्या ग्राहकांसाठी हा फोन एक उत्तम पर्याय ठरेल. चला तर मग याविषयीची माहिती पुढे जाणून घेऊया.
भारतीय मोबाईल निर्माता कंपनी ‘लावा इंटरनॅशनल’ने देशांतर्गत बजेट स्मार्टफोन बाजारपेठेत आपली पकड अधिक मजबूत करण्यासाठी नवीन स्मार्टफोन Lava Bold N4 Lite अधिकृतपणे लाँच केला आहे. कंपनीने आपल्या लोकप्रिय ‘बोल्ड’ सीरिजचा विस्तार करत हा स्वस्त 4G स्मार्टफोन अवघ्या 8,099 रुपयांच्या सुरुवातीच्या किमतीत बाजारात उतरवला आहे. यावर लॉन्चिंग ऑफर ही 100 रुपये मिळत आहेत, म्हणजे 7,999 रुपयांत खरेदी करता येईल.
कमी बजेटमध्ये शक्तिशाली रॅम आणि बॅटरी शोधणाऱ्या भारतीय ग्राहकांसाठी हाफोन एक उत्कृष्ट पर्याय म्हणून समोर आला आहे.
6GB रॅमची ताकद आणि एक्सपेंडेबल तंत्रज्ञान
Lava Bold N4 Lite या स्मार्टफोनचे सर्वात मोठे फीचर म्हणजे यातील रॅम मॅनेजमेंट. या बजेट फोनमध्ये कंपनीने आधुनिक ‘एक्सपेंडेबल रॅम टेक्नॉलॉजी’ दिली आहे. यामध्ये 3GB चा मुख्य रॅम देण्यात आला आहे, ज्याला अंतर्गत स्टोरेजच्या मदतीने अतिरिक्त 3GB व्हर्च्युअल रॅमची जोड देता येते.
या तंत्रज्ञानामुळे युजर्सना एकूण 6GB रॅमची ताकद मिळते, ज्यामुळे फोन हँग न होता मल्टिटास्किंग आणि दैनंदिन कामे अत्यंत गुळगुळीत पद्धतीने पार पडतात. या सेगमेंटमध्ये एवढ्या कमी किमतीत 6GB रॅमची क्षमता देणे हे लावाचे मोठे पाऊल मानले जात आहे.
दमदार डिस्प्ले आणि प्रोसेसर
या स्मार्टफोनमध्ये 6.56 इंचाचा एचडी प्लस (HD+) एलसीडी डिस्प्ले देण्यात आला आहे, जो 90Hz च्या हाय रिफ्रेश रेटला सपोर्ट करतो. बजेट फोन असूनही 90Hz रिफ्रेश रेट असल्यामुळे स्क्रोलिंग आणि व्हिडिओ पाहण्याचा अनुभव अतिशय उत्तम मिळतो. या डिव्हाइसला ताकद देण्यासाठी यामध्ये ऑक्टा-कोर मीडियाटेक हेलिओ प्रोसेसरचा वापर करण्यात आला आहे, जो सोशल मीडिया ब्राउझिंग, यूट्यूब आणि सामान्य गेमिंगसाठी सक्षम आहे. फोनमध्ये 64GB चे अंतर्गत स्टोरेज असून ते मायक्रो एसडी कार्डच्या मदतीने वाढवण्याची सुविधाही ग्राहकांना देण्यात आली आहे.
5000mAh बॅटरी आणि उत्कृष्ट कॅमेरा
बॅटरी बॅकअपच्या बाबतीत लावाने यात कोणतीही तडजोड केलेली नाही. Lava Bold N4 Lite मध्ये 5000mAh क्षमतेची बॅटरी देण्यात आली आहे, जी साध्या वापरामध्ये सहज दीड ते दोन दिवस टिकू शकते. सोबतीला यामध्ये 10W चा चार्जिंग सपोर्ट मिळतो. फोटोग्राफीसाठी फोनच्या मागील बाजूस एलईडी फ्लॅशसह 13 मेगापिक्सलचा मुख्य कॅमेरा आणि एक AI लेन्स देण्यात आली आहे. सेल्फी आणि व्हिडिओ कॉलिंगसाठी समोर 5 मेगापिक्सलचा फ्रंट कॅमेरा मिळतो. सुरक्षेसाठी फोनमध्ये साईड-माउंटेड फिंगरप्रिंट स्कॅनर आणि फेस अनलॉक सारखे फीचर्सही समाविष्ट आहेत.
भारतीय बाजारपेठेत सध्या रियलमी, रेडमी आणि पोको यांसारख्या चिनी कंपन्यांचा बजेट सेगमेंटमध्ये मोठा दबदबा आहे. अशा परिस्थितीत लावाने अवघ्या 8,099 रुपयांत 6GB रॅम आणि 5000mAh बॅटरी देऊन या चिनी ब्रँड्सना थेट आव्हान दिले आहे. ‘मेक इन इंडिया’ अंतर्गत तयार झालेला हा फोन भारतीय ग्राहकांच्या पसंतीस उतरण्याची दाट शक्यता आहे.
लेखकाबद्दलशुभम कुलकर्णीशुभम कुलकर्णी हे गेल्या नऊ वर्षांहून अधिक काळ मुख्य प्रवाहातील माध्यम क्षेत्रात सक्रिय असलेले एक व्यासंगी पत्रकार आहेत. सध्या ते ‘महाराष्ट्र टाईम्स’च्या ‘टेक आणि सायन्स’ विभागात कन्सल्टंट म्हणून आपली जबाबदारी सांभाळत आहेत. तंत्रज्ञान विश्वातील वेगाने बदलणारे आर्टिफिशियल इंटेलिजन्स (AI) चे प्रगत तंत्रज्ञान, नवनवीन गॅझेट्स, टेक ट्रेंड्स, स्मार्टफोन रिव्ह्यूज आणि सायन्स क्षेत्रातील क्लिष्ट वैज्ञानिक घडामोडी अतिशय सोप्या, सर्वसामान्यांना समजेल अशा रंजक भाषेत मांडण्यात त्यांचा विशेष हातखंडा आहे. डिजिटल मीडियातील अचूक SEO आणि Google Discover च्या बदलत्या अल्गोरिदमचा वापर करून लाखो वाचकांपर्यंत तांत्रिक माहिती पोहोचवण्यात त्यांचा मोलाचा वाटा आहे.
छत्रपती संभाजीनगर येथील नामांकित ‘MGM’ संस्थेतून ‘एम.ए. पत्रकारिता आणि जनसंवाद’ ही मास्टर पदवी संपादन केल्यानंतर, त्यांनी आपल्या कारकिर्दीची सुरुवात ‘आकाशवाणी’ या प्रतिष्ठित संस्थेतून केली. 2017 मध्ये त्यांनी ‘दैनिक सामना’ या अग्रगण्य मुखपत्रात प्रवेश करत वृत्तपत्र पत्रकारितेचा भक्कम पाया रचला. त्यानंतर मुंबईतील ABP माझा, TV9 मराठी, साम TV, पुढारी न्यूज चॅनेल आणि लोकशाही न्यूज या महाराष्ट्रातील आघाडीच्या वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली आहे. राजधानी दिल्ली येथे ‘News Nation Marathi’ साठी राष्ट्रीय आणि आंतरराष्ट्रीय स्तरावरील वेगवेगळ्या न्यूज बुलेटिन्सचा दांडगा अनुभव त्यांच्या पाठीशी आहे.
प्रिंट, इलेक्ट्रॉनिक आणि डिजिटल मीडियाच्या सखोल अनुभवामुळे राजकारण, व्यापार-उद्योग, विज्ञान, तंत्रज्ञान, ऑटोमोबाईल, सायबर सुरक्षा आणि लाइफस्टाईल क्षेत्रातील गुंतागुंतीच्या विषयांचे अचूक विश्लेषण करणे ही त्यांची प्रमुख ओळख आहे. पत्रकारितेच्या या व्यस्त प्रवासातून वेळ काढत, निसर्गाच्या सानिध्यात वेळ घालवणे हा त्यांचा छंद आहे.… आणखी वाचा
