Oracle Layoffs 2026; पुन्हा मोठा लेऑफ? रात्रीतून 21000 कर्मचारी काढले, आता नव्या कपातीची लाट; लाखोंना ‘सकाळी 6 च्या ईमेलची धास्ती’

Tech Layoffs: कृत्रिम बुद्धिमत्ता म्हणजे AI क्षेत्रातील वाढत्या स्पर्धेमुळे जगभरातील कंपन्या पाण्यासारखा कोट्यवधी-अब्जावधींचा पैसा खर्च करत आहेत, तर या खर्चाचे पडसाद कर्मचाऱ्यांच्या नोकऱ्यांवर दिसू लागले आहेत. यावर्षी सुमारे 21000 कर्मचाऱ्यांना घरी बसवल्यावर अमेरिकन टेक क्षेत्रातील दिग्गज कंपनी ओरॅकल आणखी एका मोठ्या कर्मचारी कपातीसाठी सज्ज होत आहे. बिझनेस इनसायडरच्या अहवालानुसार, कंपनी या महिन्यात आपल्या कर्मचाऱ्यांची संख्या कमी करण्याची नावे निश्चित करू शकते.

ओरॅकलमध्ये नव्याने कर्मचारी कपातीचे संकट

या महिन्यात ओरॅकल पुन्हा कर्मचारी कपात करणार असून 1 सप्टेंबर रोजी सुरू होणाऱ्या दुसऱ्या आर्थिक तिमाहीपूर्वी ज्या कर्मचाऱ्यांची हकालपट्टी केली जाईल, त्यांची ओळख पटवण्याची जबाबदारी व्यवस्थापकांना दिली गेली आहे.काही विभागांमध्ये कर्मचाऱ्यांच्या संख्येत दुहेरी अंकीइतकी कपात होण्याची शक्यता वर्तवली जात असून ओरॅकलने गेल्या वर्षभरात 21000 नोकऱ्या कमी केल्या, पुनर्रचनेवर 1.8 अब्ज डॉलर्स खर्च केले आणि AI डेटा सेंटर्समध्ये 55.7 अब्ज डॉलर्सची गुंतवणूक केल्यावर आता हे पाऊल उचलले जात आहे.

Lakhpati Scheme: सरकारी हमी असलेली RD योजना; दरमहा फक्त 600 रुपये जमा करून 1 लाखांहून अधिक कमवा, 8 टक्केपर्यंत व्याजदर

याच वर्षी 21000 कर्मचाऱ्यांना नारळ

आयटी क्षेत्रासाठी ही हालचाल खूप महत्त्वाची आहे. यावर्षी कंपनीने आधीच मोठ्या प्रमाणावर नोकरकपात केली असून आर्थिक वर्ष 2026 दरम्यान अंदाजे 21000 कर्मचाऱ्यांची संख्या कमी झाली, जी एकूण मनुष्यबळाच्या अंदाजे 13% आहे. अशाप्रकारे, यावर्षीच्या सुरुवातीला केलेल्या कपातीनंतर कंपनीतील कर्मचाऱ्यांची संख्या 1.41 लाख राहिली आहे आणि नव्या कपातीनंतर ओरॅकलच्या कर्मचाऱ्यांची संख्या आणखी कमी होऊ शकते.

बँक खात्यात होती 54 लाखांची रक्कम जमा! आयटीआर भरणे टाळले, नोटीशी केल्या दुर्लक्षित; शेवटी काय घडलं? ते पहाचAI वरील खर्चामुळे कर्मचाऱ्यांवर ताण

• एआय-संबंधित पायाभूत सुविधांवर मोठ्या प्रमाणातील खर्चामुळे ओरॅकलला कर्मचाऱ्यांचा खर्च भागवणे कठीण होत आहे. आर्थिक वर्ष 2026 मध्ये कंपनीने एआय पायाभूत सुविधांवर अंदाजे 55.7 अब्ज डॉलर्स खर्च केले.
• हीच मोठ्या प्रमाणातील गुंतवणूक सुरू ठेवण्यासाठी ओरॅकलने अंदाज 43 अब्ज डॉलर्सचे कर्जही घेतले असून चालू आर्थिक वर्षात कर्ज आणि इक्विटीच्या माध्यमातून अंदाजे आणखी 40 अब्ज डॉलर्स उभारण्याचा कंपनीचा उद्देश आहे.
• म्हणजे कंपनी AI आणि क्लाउड व्यवसायाच्या क्षमतांचा विस्तार करण्यासाठी मोठी गुंतवणूक करत असतानाच कर्मचाऱ्यांवरील खर्च कमी करण्याच्या दिशेने पावले उचलत आहे.

त्याचवेळी, ओरॅकल किंवा कंपनीच्या अधिकाऱ्यांनी नव्या कर्मचारी कपातीबाबत वृत्तांवर कोणतीही सार्वजनिक पुष्टी केली नाही त्यामुळे, यावेळी नेमकी किती छोट्या-मोठ्या प्रमाणात कर्मचाऱ्यांना नारळ दिला जाईलयाबाबत अजूनही स्थिती अस्पष्ट आहे.

Gold Rate: 1947 पासून सोने 1726 पट महागले; 80 वर्षांत 1.53 लाखांच्या पुढे, 10 हजारांच्या सोन्याचे आज किती झाले असते?

क्लाउड व्यवसायाची मोठी मागणी

ओरॅकलच्या क्लाउड सेवांची मागणी वेगाने वाढत असून AI संगणकीय शक्तीची गरज व्यवसायाला चालना देत आहे. पण, एआयच्या पायाभूत सुविधांवर मोठ्या खर्चामुळे गुंतवणूकदारांमध्ये चिंता वाढली, ज्याचा परिणाम कंपनीच्या शेअरवर आणि यावर्षी ओरॅकलच्या शेअर्समध्ये लक्षणीय घसरण नोंदवली गेली.

पहाटे 6 वाजता ई-मेल आला अन् 10000 हून अधिक कर्मचाऱ्यांना नारळ

याआधी 31 मार्च रोजी सकाळी भल्यापहाटे ओरॅकलने कर्मचाऱ्यांना नोकर कपातीची माहिती देणारे ई-मेल पाठवलेले. ओरॅकल लीडरशिपने पाठवलेल्या मेसेजमध्ये कर्मचाऱ्यांना कळवण्यात आलेले की, संस्थेतील व्यापक बदलांचा एक भाग म्हणून त्यांना लेऑफ केले जात आहे आणि आज त्यांचा कामावर शेवटचा दिवस आहे. या निर्णयाचा अमेरिका आणि भारत या दोन्ही देशांतील कर्मचाऱ्यांना फटका बसला.

नोकर कपातीची झळ सहन करणाऱ्या कर्मचाऱ्यांच्या लिंक्डइन पोस्ट्समध्ये ओरॅकल हेल्थ, सेल्स, क्लाउड, कस्टमर सक्सेस आणि NetSuite या विभागांचा उल्लेख होता. ओरॅकलने अत्यंत मोजक्या शब्दांत ई-मेल लिहिलेला ज्यामुळे एका झटक्यात 10000 कर्मचारी बेरोजगार झाले.

लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.

मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.

पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.

2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.

शैक्षणिक पात्रता
​प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा