Tukaram Mundhe : ‘माधुरी दीक्षितचं लग्न झालं अन् माझा मित्र रडायला लागला’, तुकाराम मुंढेंनी सांगितला मजेदार किस्सा

तुकाराम मुढेंनी सांगितला किस्सा

तुकाराम मुंढे म्हणाले की, ‘आता मला कोण आवडत होतं…? हे सांगायची हिंमत मी सध्या करणार नाही. माझा व्यवस्थित संसार सुरू आहे.’ पुढे यूपीएससीच्या अभ्यासाच्या दिवसांतील एका मित्राचा किस्सा सांगताना तुकाराम मुंढे म्हणाले, ‘मला वर्ष नीट आठवत नाही, साधारण १९९८-९९ चा काळ असेल. मी मेन्सचा अभ्यास करत होतो. तेव्हा आमची एक सवय होती, प्रत्येकाचं अभ्यास करायला बसायचं एक ठिकाण ठरलेलं असायचं. माझा एक मित्र होता, आता त्याचं नाव सांगू की नको, असाही प्रश्न आहेच. कारण ते वहिनींनी ऐकलं तर अडचण व्हायची. पंकज म्हणून माझा मित्र आहे, तो आता कस्टममध्ये कमिशनर आहे.’

‘आम्ही दोघंही उशिरापर्यंत अभ्यास करायचो, मी रात्रीचे दोन तीन वाजेपर्यंत झोपायचो. तो साधारण तीन-चार वाजता झोपायचा आणि थोडं उशिरा उठायचा. मी सकाळी उठल्यावर पुन्हा अभ्यासाला बसायचो. मी रुम आणि लायब्ररीच्या कॉरीडॉरमध्ये अभ्यास करायचो. तेव्हा साधारण, दहा साडेदहा वाजले असतील, तेव्हा पंकज पाठीमागून आला, त्यानं माझ्या गळ्यात हात घातला आणि रडायला लागला. त्याला रडताना पाहून मला शॉक बसला, मी त्याला विचारलं काय झालं? पण तो रडत होता, तेव्हा त्याच्या डोळ्यात अश्रू होतं की नाही माहीत नाही, पण तो तसा रडण्याचा आवाज काढत होता.’

Actress Shakeela : मोबाईलवर रील्स पाहणं, गेम खेळणं अभिनेत्रीला पडलं महागात, सर्जरीवर झाला ३ लाखांचा खर्च
‘मी त्याला विचारलं काय झालं, मला भीती वाटायला लागली की, याला काय झालं? मी अभ्यासात गुंग असताना, अचानक तो काहीतरी सांगत होता. मग तो मला म्हणाला, ‘पेपर वाचला का?’ मग मी वाचला, तेव्हा मला त्यात काही दिसलं नाही, त्यामुळे मी त्याला पुन्हा विचारलं काय झालं? का रडतो? तेव्हा तो म्हणाला, ‘अरे माधुरीचं लग्न झालं’. मग मी म्हटलं मग काय झालं? मग तो म्हणाला, ‘माधुरी दीक्षित’ असे प्रसंग आमच्यात घडलेत.’ असं तुकाराम मुंढे यांनी शेवटी सांगितलं.