Hardik Pandya Trade News : आयपीएलच्या आगामी हंगामापूर्वी हार्दिक पंड्या मुंबई इंडियन्स सोडणार असल्याच्या चर्चांना उधाण आले आहे. यादरम्यान एका चॅम्पियन संघाने त्याला संघात घेण्याची तयारी दर्शवली होती, मात्र हार्दिकच्या एका अटीमुळे ही डील रद्द झाल्याचे समोर आले आहे.
कर्णधारपदाच्या अटीमुळे फिस्कटले गणित
हार्दिक पंड्या सुरुवातीला मुंबई इंडियन्सचा भाग होता. त्यानंतर तो गुजरात टायटन्समध्ये गेला आणि तिथे कर्णधार म्हणून त्याने पहिल्याच हंगामात संघाला विजेतेपद मिळवून दिले. दुसऱ्या हंगामात संघ उपविजेता ठरला. मात्र, त्यानंतर त्याने पुन्हा मुंबई इंडियन्समध्ये प्रवेश केला. मुंबईतील त्याची ही ‘घरवापसी’ फारशी यशस्वी ठरली नाही. फॉर्म खराब झाला आणि त्याच्यावर बरीच टीकाही झाली. इंडियन एक्सप्रेसने दिलेल्या रिपोर्ट्सनुसार, हार्दिकने गुजरात टायटन्समध्ये पुन्हा एकदा सहभागी होण्यासाठी संपर्क साधला होता.
जेव्हा हार्दिकने गुजरात टायटन्सशी चर्चा केली, तेव्हा फ्रँचायझीच्या सर्व सदस्यांनी त्याला संघात पुन्हा घेण्यास होकार दिला. शुभमन गिल आणि फ्रँचायझी यांच्यातही याबाबत चर्चा झाली होती आणि सर्वांची सहमती होती. सर्व काही सुरळीत सुरू होते, पण हार्दिकने एक मोठी अट ठेवली. त्याला केवळ खेळाडू म्हणून नव्हे, तर ‘कर्णधार’ म्हणून संघात परतायचे होते.
मुंबई इंडियन्ससारखी चूक करण्यास गुजरातचा नकार
हार्दिकची ही अट ऐकताच गुजरात टायटन्सने त्याला स्पष्ट नकार दिला. फ्रँचायझीने त्याला सांगितले की, “खेळाडू म्हणून तुझे नेहमीच स्वागत आहे, पण कर्णधार म्हणून नाही.” गुजरातकडे सध्या शुभमनगिलच्या रूपाने एक सक्षम कर्णधार आहे. दुसऱ्या एखाद्या खेळाडूला अचानक कर्णधार बनवून फॅन बेस कमी करण्याची किंवा मुंबई इंडियन्सने जी चूक केली, तीच चूक पुन्हा करण्याची गुजरात टायटन्सची कोणतीही इच्छा नव्हती. त्यामुळे ही जवळपास पक्की झालेली डील रद्द झाली.
हार्दिकच्या प्रवक्त्यांचे स्पष्टीकरण
दुसरीकडे, काही सूत्रांनी दिलेल्या माहितीनुसार, हार्दिक पंड्याच्या प्रवक्त्याने या सर्व घडामोडी फेटाळून लावल्या आहेत. त्यांनी स्पष्ट केले आहे की, हार्दिकने अद्याप कोणत्याही फ्रँचायझीशी ट्रेडबाबत थेट चर्चा केलेली नाही आणि कोणत्याही फ्रँचायझीने त्याच्याशी संपर्क साधलेला नाही. जर कोणत्याही संघाला हार्दिकबाबत चर्चा करायची असेल, तर त्यांनी थेट मुंबईइंडियन्सच्या व्यवस्थापनाशी बोलणे आवश्यक आहे. आता हार्दिक पंड्या खरोखरच ट्रेड होणार की मुंबई इंडियन्समध्येच राहणार, हे पाहणे उत्सुकतेचे ठरणार आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
