Chhatrapati Sambhajinagar News:महिला नवजात शिशू रुग्णालयाला मुहूर्त ? सर्वस्तरीय कामाला गती

दोन्ही रुग्णालयांची कामे ही नोव्हेंबरपर्यंत पूर्ण होण्याचे संकेत

दूध डेअरी परिसरातील २०० खाटांचे महिला आणि नवजात शिशू रुग्णालय तसेच २०० खाटांच्या एमसीएच विंगच्या कामाने गती घेतली असून, दोन्ही रुग्णालयांची कामे ही नोव्हेंबरपर्यंत पूर्ण होण्याचे संकेतआहेत. विशेष म्हणजे दोन्ही रुग्णालये सुरू होण्याच्या दृष्टीने महत्त्वाची कामे आधी पूर्ण केली जात आहेत. त्यानंतर उर्वरित कामांना प्राधान्य दिले जाणार असल्याचे समोर येत आहे.

बांधकाम पूर्ण करण्यावर भर दिला जात आहे.

सद्यस्थितीत दोन्ही रुग्णालयांचे मूळ बांधकाम पूर्ण होऊन किमान दोन वर्षे लोटली आहेत. त्याच वेळी विस्तारित कामांच्या १७४ कोटींच्या निधीलाही नऊ जून रोजी प्रशासकीय मान्यता मिळाली; परंतु अद्याप निधी प्राप्त झालेला नाही. याच विस्तारित कामांमध्ये ओटी कॉम्प्लेक्स, आरसीसी पार्किंग, ऑक्सिजन प्लॅन्ट आदींचा समावेश आहे. साहजिकच निधी प्राप्त झाल्यानंतर या कामांना प्राधान्य दिले जाईल, असे समजते. तोपर्यंत तरी दोन्ही रुग्णालये सुरू होण्याच्या दृष्टीने विद्युत कामे व विद्युत कामांशी संबंधित बांधकाम पूर्ण करण्यावर भर दिला जात आहे.

Missing Link Accident Video : भरधाव फॉर्च्युनरची टेम्पोला जोरदार धडक, मुंबई-पुणे मिसिंग लिंकवर धडकी भरवणारा अपघात; पुण्याच्या तुषार भुमकरचा मृत्यू

कामे पूर्ण होण्यासाठी तीन ते चार महिन्यांचा कालावधी

या दृष्टीने फॉल सीलिंग, फायर टँक, तसेच फर्निचर व इतर कामे केली जात आहेत. ही सर्व कामे पूर्ण होण्यासाठी तीन ते चार महिन्यांचा कालावधी लागणारआहे. या पार्श्वभूमीवर बांधकाम विभागाच्या वतीने उर्वरित कामे पूर्ण होण्याच्या दृष्टीने २६ नोव्हेंबरची तारीख देण्यात आल्याचेही समजते.

Chhatrapati Sambhajinagar News: गुन्हे प्रकटीकरणाचे प्रमाण वाढवा ; पोलिस महासंचालक सदानंद दाते यांच्या बैठकीत सूचना

रुग्णालय सुरू होण्याच्या दृष्टीने सर्व कामे केली जात आहेत.

सद्यस्थितीत तरी रुग्णालय सुरू होण्याच्या दृष्टीने सर्व कामे केली जात आहेत. मात्र, निधीअभावी ओटी कॉम्प्लेक्स, ऑक्सिजन प्लँटचा विषय बाजूला पडण्याची चिन्हे आहेत आणि त्यामुळे महिला रुग्णालय ओटीविनाच सुरू होते की काय, अशीही शंका घेतली जात आहे. अशीच स्थिती राहिली तर शस्त्रक्रिया होणार कशा, असाही प्रश्न उपस्थित झाल्याशिवाय राहत नाही.