आजच्या काळात स्मार्टफोन हा प्रत्येकाच्या जीवनाचा अविभाज्य भाग बनला आहे. ऑनलाइन बँकिंग, ऑफिसचे काम, सोशल मीडिया, फोटो, व्हिडिओ, महत्त्वाचे संपर्क आणि वैयक्तिक माहिती यासाठी आपण मोबाईलवरच अवलंबून असतो. त्यामुळे मोबाईल चुकून पाण्यात पडला किंवा पावसात पूर्ण भिजला तर अनेकजण घाबरून जातात. अशा वेळी घाईघाईने घेतलेला चुकीचा निर्णय मोबाईलचे नुकसान अधिक वाढवू शकतो.मात्र योग्य पद्धतीने आणि शांतपणे काही उपाय केल्यास फोनमधील ओलावा कमी होण्यास मदत होऊ शकते.
पाणी फोनच्या चार्जिंग पोर्ट, स्पीकर, मायक्रोफोन किंवा मदरबोर्डपर्यंत पोहोचल्यास त्याचा परिणाम त्वरित दिसून येईलच असे नाही. अनेकदा फोन सुरुवातीला व्यवस्थित चालू राहतो, परंतु काही तासांनी किंवा काही दिवसांनी स्क्रीनमध्ये बिघाड, चार्जिंगची समस्या, स्पीकरचा आवाज कमी होणे किंवा फोन अचानक बंद पडणे यांसारख्या अडचणी निर्माण होऊ शकतात. त्यामुळे फोन बाहेरून कोरडा दिसत असला तरी आतमध्ये ओलावा शिल्लक असण्याची शक्यता असते.
अनेकजण इंटरनेटवर पाहिलेल्या प्रत्येक उपायावर लगेच विश्वास ठेवतात. कोणी फोन तांदळात ठेवण्याचा सल्ला देतो, तर कोणी हेअर ड्रायरने गरम हवा देण्याचा. मात्र असे सर्व उपाय प्रत्येक वेळी सुरक्षित किंवा प्रभावी असतीलच असे नाही. काही चुकीचे उपाय केल्यास फोनचे नुकसान आणखी वाढू शकते आणि दुरुस्तीसाठी हजारो रुपयांचा खर्च येऊ शकतो.(फोटो सौजन्य :- @Thravayun, iStock)
फोन खाऱ्या पाण्यात पडला असेल तर?
तांदळात फोन ठेवणे योग्य आहे का?फोन पाण्यात पडल्यावर तो तांदळात ठेवण्याचा सल्ला अनेकदा दिला जातो. मात्र तज्ज्ञांच्या मते हा उपाय फारसा प्रभावी नाही.तांदूळ ओलावा हळूहळू शोषतो आणि त्यातील बारीक धूळ चार्जिंग पोर्ट किंवा स्पीकरमध्ये अडकण्याची शक्यता असते. त्यामुळे शक्य असल्यास सिलिका जेल वापरणे अधिक योग्य ठरते.
समुद्राचे पाणी, शीतपेये, चहा, कॉफी किंवा ज्यूस यामध्ये फोन पडल्यास परिस्थिती अधिक गंभीर असू शकते. अशा द्रवांमधील मीठ किंवा साखर फोनच्या आतील भागावर गंज निर्माण करू शकते.अशा वेळी फोन बंद ठेवा, बाहेरील भाग स्वच्छ पाण्याने हलकेच पुसा आणि शक्य तितक्या लवकर अधिकृत सर्व्हिस सेंटरमध्ये तपासणी करून घ्या.
मायक्रोफायबर कापडाने पुसून हवेशीर ठिकाणी ठेवा
सर्वप्रथम फोनच्या बाहेरील भागावरील पाणी मऊ कापडाने पूर्णपणे पुसून घ्या.त्यानंतर फोन उभा ठेवून स्वच्छ, कोरड्या आणि हवेशीर जागेत २४ ते ४८ तास ठेवा. नैसर्गिक हवेमुळे फोनमधील ओलावा हळूहळू कमी होण्यास मदत होऊ शकते.
सिलिका जेल पॅकेट्सचा वापर करा
शूज, इलेक्ट्रॉनिक वस्तू किंवा औषधांच्या डब्यांमध्ये मिळणारी सिलिका जेल पॅकेट्स ओलावा शोषून घेण्यासाठी अधिक प्रभावी मानली जातात.फोन एका हवाबंद डब्यात ठेवून त्यासोबत काही सिलिका जेल पॅकेट्स ठेवा आणि २४ ते ४८ तास तसेच राहू द्या. यामुळे फोनमधील ओलावा कमी होण्यास मदत मिळू शकते.
पंख्याची हवा वापरा
हेअर ड्रायरऐवजी साध्या पंख्याची हवा वापरणे अधिक सुरक्षित ठरू शकते. फोन थेट उन्हात न ठेवता पंख्याच्या सौम्य हवेत ठेवा. यामुळे ओलावा नैसर्गिकरीत्या वाफ होण्यास मदत होऊ शकते.
भविष्यात फोन पाण्यापासून कसा वाचवाल?
- दर्जेदार वॉटर-रेझिस्टंट कव्हर वापरा.
- पावसात फोन सुरक्षित ठेवा.
- बाथरूम, सिंक किंवा स्विमिंग पूलजवळ फोन वापरताना काळजी घ्या.
- पाण्याजवळ फोन मागच्या खिशात ठेवू नका.
- फोनची IP रेटिंग तपासा, पण तो पूर्णपणे वॉटरप्रूफ आहे असे गृहीत धरू नका.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
