Tenant vs Landlord Rights; भाडेकरू आहात? घरमालक Rent Receipt देत नसेल तर घाबरू नका! जाणून घ्या तुमचे हक्क, वादावर लागेल ब्रेक

Tenant Rights: भारतातील छोट्या-मोठ्या शहरांमध्ये आजही अनेक भाडेकरू दरमहिना भाडे कॅशमध्ये देतात, विशेषतः लहान शहरांमध्ये सामान्य आहे. रोखीने भाडे देणे बेकायदेशीर नसले तरी, घरमालकाने भाड्याची पावती देण्यास नकार दिल्यास काही समस्या निर्माण होऊ शकतात का? तुम्ही घरमालकाला भाडे दिले आहे याचा पुरावा नसल्यास तुम्ही आयटीआर दाखल करताना HRA, म्हणजे घरभाडे भत्त्याचा दावा करू शकणार नाही.

तसेच घरमालकाशी वादात तुमची बाजू सिद्ध करण्यात किंवा वेळेवर भाडे भरल्याचे प्रमाणित करण्यात अडचणी येऊ शकतात. भाडेकरूंना हक्कांची जाणीव असली पाहिजे, ज्यासाठी तुम्ही Model Tenancy Act 2021 जाणून घेतला पाहिजे.

Housing Society Rules: फ्लॅटची बाल्कनी तोडून बेडरूम वाढवणे, ग्रिल लावणे महागात पडू शकते! हायकोर्टाने सरकारला कोणते निर्देश दिले? येथे वाचा
यामध्ये भाडे भरणे, पावत्या आणि वाद यांसंबंधी अनेक नियम दिले आहेत. घरमालकाने भाड्याची पावती देण्यास नकार दिला, तर काळजी करण्याची गरज नाही. लक्षात ठेवा जो भाडेकरू वेळेवर भाडे देतो, त्याला विनाकारण डिफॉल्टर मानले जाणार नाही.

भाडे भरल्याची पावली घेणं का आवश्यक आहे?

भाड्याची पावती केवळ एक दस्तऐवज नाही, तर तुम्ही भाडे वेळेवर भरले आहे आणि घरमालकाला मिळाल्याचा पुरावा आहे. या रेंट रिसीटमध्ये सामान्यतः भाड्याची रक्कम, महिन्याचे नाव आणि पैसे भरल्याची तारीख या गोष्टी लिखित असतात.

याशिवाय भाड्याची पावती असल्याचा आणखी एक फायदा म्हणजे की, भविष्यात भाड्यासंदर्भात कोणताही वाद झाला, HRA दावा करायचा असेल, किंवा तुमचे भाडे वेळेवर भरल्यास सिद्ध करायचे असल्यास भाड्याची पावती अत्यंत महत्त्वाचा दस्तऐवज ठरू शकतो. त्यामुळे भाडे भरल्यानंतर भाड्याची पावती जपून ठेवा.

KOSPI Crash: 4 कोटींचा नफा, साडे चार कोटी नुकसान! कुणी फ्लॅट गमावला तर कुणी आयुष्यभराची कमाई, कोरियन मार्केटमध्ये 40 टक्क्यांची घसरण

घरमालक भाडे पावती देण्यास मना करू शकतो का?

काही प्रकरणात घरमालक भाडे पावती देण्यास मना करू शकतो, पण यामुळे भविष्यात वाद होऊ शकतात. घरमालक भाडे वसूल करत असल्यास दोघांसाठी भाडे पावती देणे चांगले आहे, कारण त्यामुळे पैसे भरल्याची नोंद राहते.

घरमालक भाडे पावती देण्यास मनाई करत असल्यास काय करावे?

• तुमच्या घर मालकाने भाड्याची पावती देण्यास नकार दिला तर, घाबरू नका किंवा वाद घालू नका, त्याऐवजी हुशारीने पुढचं पाऊल ठरवा.
• प्रत्येक भाडे भरल्याची नोंद ठेवा, ज्यामध्ये पैसे भरल्याच्या तारखा, रक्कम आणि घरमालकासोबत संभाषणातील संदेश किंवा ई-मेल यांचा समावेश असावा.
• व्हॉट्सॲप, ई-मेल, SMS किंवा लेखी पत्राद्वारे भाड्याच्या पावतीची मागणी करा.
• तसेच तुमचा भाडेकरार काळजीपूर्वक वाचा. यामध्ये पैसे भरण्याच्या पद्धती आणि भाड्याच्या पावतीसंबंधी नियम नमूद असू शकतात.

8th Pay Commission: फिटमेंट फॅक्टरबाबत सरकारकडून मोठी अपडेट; पगारवाढीत पत्नी, मुलांसह आई-वडिलांचाही विचार होणार? संसदेत काय सांगितले पाहा
भाडेकरू कोणत्या कॉमन चुका करतात?

बहुतेक भाडेकरू भाड्याची पावती न घेता रोखीत भाडे देतात, लेखी भाडे करार तयार करत नाहीत किंवा पेमेंटशी संबंधित मेसेज किंवा नोंदी जपत नाही. त्यामुळे, भविष्यात वाद झाल्यास लोकं पुरावे जमा करण्यास धडपड करतात. म्हणूनच सुरुवातीपासूनच सगळी आवश्यक कागदपत्रे आणि पेमेंटच्या नोंदी सुरक्षित ठेवा.

घरमालक आणि भाडेकरू यांच्यात पारदर्शकता राखण्यासाठी मॉडेल टेनन्सी ॲक्ट 2021 लेखी भाडे करार आणि योग्य कागदपत्रांना प्रोत्साहन देतो. पण, भाडेकराराचे नियम प्रत्येक राज्यात वेगवेगळे असू शकतात, म्हणून आपल्या राज्याचे नियम नक्की तपासा.