LIC Smart Pension Plan; रिटायरमेंटची चिंता सोडा! एलआयसी योजनेत एकदा गुंतवणूक करा अन् दरमहा 20000 मिळवण्याची हमी;‘स्मार्ट’ पॉलिसी आहे तरी काय?

एलआयसीच्या या पेन्शन योजनेचे वैशिष्ट्य काय

‘इमिजिएट ॲन्युइटी’ मॉडेल एलआयसी स्मार्ट पेन्शन योजनेचे सर्वात मोठे वैशिष्ट्य आहे. म्हणजे, तुम्हाला पेन्शनसाठी रिटायरमेंटपर्यंत वाट पाहावी लागणार नाही. या योजनेत तुम्ही एकरकमी रक्कम जमा करताच पुढच्याच महिन्यात तुमची पेन्शन तुमच्या बँक खात्यात जमा होणे सुरू होईल. दरमहिन्याला उत्पन्न हवं आहे अशा लोकांसाठी ही योजना फायदेशीर ठरू शकते.

Property Rules: रीसेल फ्लॅट घेताच 80 हजाराचे बिल आले; जुन्या मालकाचे थकीत मेंटेनन्स नव्या मालकाकडून वसूल करता येते का? खरेदीच्या वेळी 5 कागदपत्रे तपासा

गुंतवणूक करताच पेन्शन सुरू

एलआयसीने 2025 मध्ये ही पेन्शन योजना सुरू केलेली, ज्यामध्ये लोकांना गुंतवणूक आणि पेन्शन या दोन्हीचे फायदे मिळतात. म्हणजे, सेवानिवृत्तीनंतर नियमित उत्पन्नासाठी सर्वोत्तम पर्याय ठरू शकतो. एलआयसी स्मार्ट पेन्शन योजना एक तात्काळ ॲन्युइटी योजना आहे, जी पॉलिसीधारकांना एकच प्रीमियम भरल्यानंतर लगेचच पेन्शन मिळवण्यास सुरुवात करण्याची सुविधा देते आणि आयुष्यभर सुरू राहते.

एलआयसी स्मार्ट पेन्शन योजनेत एकरकमी गुंतवणूक अनिवार्य असून ही योजना पूर्णपणे नॉन-लिंक्ड आणि नॉन-पार्टिसिपेटिंग आहे. म्हणजे, शेअर बाजारातील तेजी किंवा घसरणीचा तुमच्या पेन्शनवर किंचितही परिणाम होणार नाही तर, पॉलिसी खरेदीच्या वेळी एकदा पेन्शनचा दर निश्चित झाल्यावर कंपनी तुम्हाला आयुष्यभर तितकेच पैसे पेन्शन म्हणून देत राहील.

Crorepati Stock: शेअर कसला हा तर अस्सल सोनं! 12 पैशांचा स्टॉक पोहोचला 48 रुपयांवर, लाखभर रूपये गुंतवणारे झाले करोडपती

या LIC पेन्शन योजनेची प्रमुख वैशिष्ट्ये

• पती-पत्नी सिंगल किंवा संयुक्त या योजनेत गुंतवणूक करू शकतात
• मासिक, तिमाही, सहामाही किंवा वार्षिक पेन्शनचे पर्याय
• दरवर्षी पेन्शनमध्ये 3% किंवा 6% वाढ करण्याचा पर्याय मिळतो
• NPS अंतर्गत सेवानिवृत्त होणाऱ्यांना विशेष लाभ मिळतात
• मृत्यूनंतर गुंतवणुकीची रक्कम परत मिळवण्याचा पर्याय.

स्मार्ट पेन्शन योजनेअंतर्गत किमान ॲन्युइटी खरेदीची रक्कम 1 लाख रुपये असून कमाल मर्यादा निश्चित नाही, म्हणजे जितकी गुंतवणूक जास्त तितकंच तुम्हाला जास्त पेन्शनचा फायदा मिळेल. लक्षात घ्या की एलआयसीची ही पेन्शन योजना विशेषतः सेवानिवृत्त कर्मचारी, खाजगी कर्मचारी आणि नियमित दरमहिना उत्पन्न मिळवू इच्छिणाऱ्या ज्येष्ठ नागरिकांसाठी फायदेशीर आहे.

याशिवाय प्रत्येक पॉलिसीधारकाच्या मनात प्रश्न असतो की आपल्या पश्चात आपल्या पैशांचे काय होईल? एलआयसीने ही भीती पूर्णपणे दूर केली आहे, कारण पॉलिसीधारकाच्या मृत्यूनंतर संपूर्ण मूळ रक्कम (ॲन्युइटी किंमत) नॉमिनीला परत केली जाते.

Market Crash Alert: AI मुळे शेअर बाजार संकटात, डॉट कॉम क्रॅशपेक्षा धोकादायक ठरू शकतो? चीन खेळतोय मोठी खेळी, लाखो कोटींचे होऊ शकते नुकसान

दर महिन्याला 20000 रुपये पेन्शन काढी मिळेल?

तुम्हाला आता दरमहिन्याला 20,000 रुपये पेन्शन हवी असेल तर, किमान या योजनेत किमान 35 लाखांची गुंतवणूक अनिवार्य आहे. या गुंतवणुकीवर तुम्हाला वार्षिक 2.87 लाख परतावा आणि 23,940 रुपये मासिक पेन्शन मिळेल. वरील कॅलक्युलेशन आहे आणि तुमच्या वय व पर्यायानुसार प्रत्यक्ष रकमेत किंचित फरक असू शकतो.