फिफा वर्ल्ड कप फायनलचा आज रात्री थरार, किती वाजता सुरू होणार? स्पेनकडून अर्जेंटिनाला धोका, शेवटच्या मॅचमधील आकडेवारी

फुटबॉल फायनल सामना

अर्जेटिना वि. स्पेन हा सामना आज मध्यरात्री १२.३० पासून सुरू होणार आहे. न्यूयॉर्क/न्यूजर्सी स्टेडियम येथे हा सामना पार पडणार असून दोन्ही संघांनी आतापर्यंत एकमेकांवर प्रत्येकी सहा विजय. तर दोन लढतींत बरोबरी साधली आहे. वर्ल्ड कपची आकडेवारी पाहिली तर एकमेव लढतीत अर्जेंटिनाचा २-१ असा विजय (१९६६).
FIFA WC Final : अमेरिकेत नेमकं काय झालंय? अनेक राज्यांमध्ये धूरच धूर, FIFA वर्ल्ड कप फायनल मॅचवर परिणाम होण्याची शक्यता, जाणून घ्या कारण
स्पेनने गेल्या सहा लढती जिंकताना १३ गोल केले असून, अवघा एक गोल स्वीकारला आहे; तसेच सर्व सहा सामन्यांत पहिला गोल स्पेननेच केला आहे. स्पेनचे बहुतेक गोल (सात) पहिल्या सत्रात झाले आहे. स्पेनच्या प्रतिस्पध्र्थ्यांमध्ये एकाच संघाला पहिल्या ४५ मिनिटांत गोल करता आला आहे, यावरून त्यांच्या बचावफळीची ताकद अधोरेखित होते. अर्जेंटिनाची बाजू संपूर्ण स्पर्धेत अर्जेंटिनाने प्रतिस्पध्यांना ‘सळो की पळो’ करून सोडले आहे. मेस्सी आणि कंपनीने उपांत्य सामन्यात इंग्लंडवर २-१ अशी सरशी साधून अंतिम फेरी निश्चित केली.
FIFA WC 2026 : फुटबॉल वर्ल्ड कप विजेत्यांना मिळणार स्पेशल ‘चॅम्पियनशिप रिंग’, चाहत्यांनाही तब्बल 1996 रिंग्स भेटणार, जाणून घ्या
अर्जेटिनाने सलग १४ सामने जिंकले आहेत. या संघाचा हुकुमी एक्का असणाऱ्या मेस्सीने यंदाच्या स्पर्धेत त्याने आठ गोल केले आहेत. यात आज किती गोलची भर टाकतो, यावरही साऱ्यांचे लक्ष असेल. अर्जेटिनाने आपले मागील प्रत्येक सहा सामने जिंकले आहेत. अर्जेंटिनाने या कालावधीत १६ गोल केले असून, सात गोल स्वीकारले आहेत; तसेच सहापैकी चार सामन्यांत पहिला गोलही अर्जेंटिनाचाच आहे. त्यांनी पहिल्या सत्रात पाच गोल केले, तर त्यांच्या प्रतिस्पध्यांनी मध्यंतरापूर्वी केवळ एकदाच गोल केला आहे.
FIFA World Cup 2026 : फिफा फुटबॉल वर्ल्ड कपमध्ये तिसऱ्या नंबरसाठी आज इंग्लंड-फ्रान्समध्ये लढत, 279 कोटीचं बक्षीस कोण जिंकणार?

प्रतिस्पर्ध्यांमध्ये गेल्या लढतीत काय…

प्रतिस्पर्ध्यांची यापूर्वीची लढत मार्च २०१८ मध्ये रियाध येथे झाली होती. त्या वेळी स्पेनने अर्जेंटिनावर ६-१ अशी सरशी साधली होती. इस्कोने २७, ५२ आणि ७४व्या मिनिटाला गोल करून विजयात महत्त्वाची भूमिका बजावली होती. दिएगो कोस्ता, थियागो अल्कांतारा आणि इयागो अस्पास यांनीही गोल केले. निकोलास ओतामेंदी याने ३९व्या मिनिटाला अर्जेंटिनासाठी गोल केला.

लक्षवेधक…

• वर्ल्ड कप अंतिम फेरीत धडक मारण्याची अर्जेंटिनाची ही सातवी खेप. त्यांच्यापुढे केवळ जर्मनी (८).
• स्पेन दुसऱ्यांदा वर्ल्ड कप अंतिम फेरीत. यापूर्वी, स्पेनने २०१०मध्ये विजेतेपद पटकावले होते. सहा प्रमुख स्पर्धांच्या अंतिम फेरीत धडक मारताना स्पेनने पाच वेळा जेतेपद पटकावले आहे.
• अर्जेंटिनाने यंदाच्या वर्ल्ड कपमधील आपले सातही सामने जिंकले आहेत. याआधी अशी कामगिरी २००२मध्ये ब्राझीलने केली होती. ब्राझील विजेता ठरला होता. त्या कामगिरीची पुनरावृत्ती करण्याची अर्जेंटिनाला संधी.
• मार्च २०२४ मध्ये कोलंबियाकडून ०-१ अशा पराभवानंतर सर्व स्पर्धांमध्ये स्पेन ३७ सामन्यांत अपराजित. आजही पराभव टाळल्यास एवढा दीर्घ काळ अपराजित राहणारा स्पेन पहिला यूरोपीय संघ ठरेल.

खेळ आकड्यांचा

• वर्ल्ड कप फायनलमध्ये प्रथमच विद्यमान कोपा अमेरिका आणि युरो विजेते आमनेसामने. या स्पर्धेतील कोणत्याही सामन्यात क्रमवारीतील पहिल्या आणि दुसऱ्या क्रमांकाचा संघ प्रथमच एकत्र
• वर्ल्ड कप अंतिम फेरीत हा सहावा गतविजेता. ब्राझील (१९६२) आणि इटली (१९३८) यांनी जेतेपद राखले होते. तर अर्जेटिना (१९९०), ब्राझील (१९९८) आणि फ्रान्स (२०२२) यांना अपयश आले होते.