26,600 रुपयांच्या डिव्हिडंटवर 26,300 रुपये टॅक्स-व्याज, महिला म्हणते- ‘आता 300 रुपयांचं काय करू?’ -

Dividend Income Tax Rule: शेअर बाजारातील गुंतवणुकीतून तुम्हाला वर्षभरात लाभांश आणि व्याजातून अतिरिक्त 26,600 रुपये मिळाले आणि मग तुम्ही आयकर विवरणपत्र भरायला बसला, तेव्हा तुमच्या लक्षात येते की तुम्हाला अतिरिक्त कर आणि व्याजापोटी एकूण 26,300 रुपये द्यावे लागतील. म्हणजे तुमच्याकडे फक्त 300 रुपये शिल्लक राहतील.

Delhi Women Viral Income Tax Story — 26,600 रुपयांच्या डिव्हिडंटवर 26,300 रुपये टॅक्स-व्याज

दिल्लीतील एका महिलेच्या इंस्टाग्राम व्हिडिओमुळे आयकरांबद्दल नवीन चर्चा सुरू झाली आहे. इंस्टाग्राम वापरकर्ती प्रियाल पालने पगाराव्यतिरिक्त लाभांश आणि व्याजातून अतिरिक्त 26,600 रुपयांची कमाई केली. मात्र, रिटर्न भरताना या उत्पन्नावर अंदाजे 26,300 रुपये कर आणि व्याज म्हणून भरावे लागणार असे लक्षात आले.

प्रियाल पालनी ‘लगान’ चित्रपटातील संवादाचा संदर्भ देत ही गोष्ट विनोदी पद्धतीने शेअर केली आणि हा व्हिडिओ व्हायरल झाल्यानंतर अनेक नोकरदार करदात्यांनीही करांसंबंधी समस्या आणि अनुभव शेअर केले.

Gold-Silver Rate: सोन्याने पुन्हा वाढवली धडधड, चांदीही महागली; सलग दुसऱ्या दिवशी गुंतवणूकदारांच्या चेहऱ्यावर हास्य फुलले

पगाराव्यतिरिक्त अतिरिक्त उत्पन्न मिळाले

प्रियालने सांगितले की, एचआरने वर्षभर पगारातून आधीच कर कापला होता. याव्यतिरिक्त शेअर्सवरील लाभांश आणि मुदत ठेवींवरील (एफडी) व्याजातून अंदाजे 26,600 रुपये मिळालेले. नंतर आयकर विवरणपत्र भरताना आपली एक्स्ट्रा कमाई ‘Income from Other Sources’ यामध्ये जोडल्यास लक्षात आले, ज्यामुळे एकूण करपात्र उत्पन्न वाढले.

प्रियलने आपल्या पोस्टला ‘Story of a salaried employee’ असे नाव दिले आणि ‘लगान’ या लोकप्रिय चित्रपटातील ‘3 गुना लगान देना पड़ेगा’ हा संवाद वापरून सांगितले की, तिच्या अतिरिक्त उत्पन्नाचा मोठा भाग कर आणि व्याजावर खर्च झाला.

12 वर्ष जुना पीएफचा मोठा नियम बदलला; आता 25 हजारांपर्यंत ‘बेसिक’ असणाऱ्यांनाही पेन्शन, कर्मचाऱ्यांच्या पगारावर काय होणार परिणाम?

₹26,600 च्या अतिरिक्त कमाईवर किती टॅक्सचा बोजा?

अशाप्रकारे, प्रियलने सांगितले की या अतिरिक्त उत्पन्नावर अंदाजे 24,000 रुपयांचे कर दायित्व निर्माण झाले. याशिवाय आयकर विवरणपत्र दाखल करण्यास विलंब झाल्यामुळे सुमारे 2,000 रुपये व्याज भरावे लागले. म्हणजे एकूण सुमारे 26,300 रुपये खर्च झाला आणि कर भरल्यावर अतिरिक्त कमाईतून फक्त सुमारे 300 रुपये शिल्लक राहिले.

“माझ्याकडे 300 रुपये उरले आहेत आणि कुठे खर्च करायचे मला कळत नाही. या पैशांनी मी एक पिझ्झासुद्धा विकत घेऊ शकत नाही,” असे प्रियल व्हिडिओमध्ये म्हणाली.

New Labour Code: पगारवाढ होऊनही CTC च्या तुलनेत हातात कमी पगार का? लेबर कोडमुळे तुमच्या टेक-होम सॅलरीपासून ते ग्रॅच्युइटीपर्यंत काय-काय बदललं