Wardha Self Immolation Attempts: वर्धा जिल्ह्यात स्वातंत्र्यदिनी दोन वेगवेगळ्या घटनांमध्ये आत्मदहनाचे प्रयत्न झाले. सार्वजनिक बांधकाम विभागात कंत्राटदाराने देयके प्रलंबित असल्याने, तर उपजिल्हा निबंधक कार्यालयासमोर दोन कर्मचाऱ्यांनी थकित वेतनासाठी हे पाऊल उचलले. पोलिसांनी वेळीच हस्तक्षेप करत तिघांनाही ताब्यात घेतले, ज्यामुळे अनर्थ टळला.
वर्ध्यात स्वातंत्र्यदिनी सार्वजनिक बांधकाम विभाग कार्यालयाच्या आवारात कंत्राटदार बाबा जाकीर यांनी कार्यकारी अभियंता सतीश अंभोरे यांच्या त्रासाला कंटाळून आत्मदहनाचा प्रयत्न केला. बाबा जाकीर यांची दीड कोटी रुपयांच्या देयकांची फाइल गेल्या महिनाभरापासून प्रलंबित आहे. या फाइलला मंजुरी देण्यास कार्यकारी अभियंता अंभोरे यांच्याकडून सातत्याने टाळाटाळ केली जात असल्याचा त्यांचा आरोप आहे. सार्वजनिक बांधकाम विभागात राजकीय हस्तक्षेप होत असल्याचादेखील आरोप आहे. या जाचाला कंटाळून बाबा जाकीर यांनी स्वातंत्र्यदिनी शुक्रवारी सकाळी बांधकाम विभागाच्या आवारात आपल्या अंगावर डिझेल ओतून स्वतःला पेटवून घेण्याचा प्रयत्न केला.
Niphad Sugar Factory: ठेवी परत न केल्यास आत्मदहन करू… ‘निसाका’ विक्रीविरोधात कामगारांचे निदर्शन
दुसऱ्या घटनेत स्थानिक उपजिल्हा निबंधक कार्यालयासमोर दोन कर्मचाऱ्यांनी आत्मदहनाचा प्रयत्न केला. गेल्या कित्येक वर्षांपासून थकलेल्या वेतनासाठी व शासनाच्या निष्क्रियतेकडे लक्ष वेधण्यासाठी गटसचिव असलेल्या कर्मचाऱ्यांनी आत्मदहनाचे टोकाचे पाऊल उचलले. गटसचिव जितेंद्र केशवराव तरासे आणि महेंद्र ठाकूर असे या गटसचिवांची नावे आहेत. या दोघांनी आत्मदहन करण्याचा इशारा दिला होता. बंदोबस्तातील पोलिसांना हुलकावणी देत अंगावर डिझेल ओतून आत्मदहनाचा प्रयत्न करण्यात आला. पोलिसांनी त्यांना ताब्यात घेतले.Chhatrpati Sambhajinagar: आम्हाला बेघर केलं तर आम्हीही संपवू स्वतःला… हर्सूलकरांचा प्रशासनाला इशारा!
गटसचिवांनी अंगावर ओतले डिझेल
दुसऱ्या घटनेत स्थानिक उपजिल्हा निबंधक कार्यालयासमोर दोन कर्मचाऱ्यांनी आत्मदहनाचा प्रयत्न केला. गेल्या कित्येक वर्षांपासून थकलेल्या वेतनासाठी व शासनाच्या निष्क्रियतेकडे लक्ष वेधण्यासाठी गटसचिव असलेल्या कर्मचाऱ्यांनी आत्मदहनाचे टोकाचे पाऊल उचलले. गटसचिव जितेंद्र केशवराव तरासे आणि महेंद्र ठाकूर असे या गटसचिवांची नावे आहेत. या दोघांनी आत्मदहन करण्याचा इशारा दिला होता. त्यामुळे १५ ऑगस्ट रोजी सकाळपासून आरती चौकातील उपजिल्हा निबंधक कार्यालयाजवळ पोलिस बंदोबस्त लावण्यात आला होता. पण, पोलिसांना हुलकावणी देत अंगावर डिझेल ओतून आत्मदहनाचा प्रयत्न करण्यात आला. अखेर पोलिसांनी हस्तक्षेप करून त्यांना ताब्यात घेतले.
