गोंदावलेकर महाराजांच्या लुकमधील अभिनेत्याला ओळखलं का? शॉर्ट फिल्ममध्ये साकारणार भूमिका

सोशल मीडिया स्टार अथर्व सुदामेच्या आगामी शॉर्टफिल्ममध्ये सुबोध भावे गोंदावलेकर महाराजांची भूमिका साकारताना दिसणार आहे. याचा फर्स्ट लुक देखील आता समोर आलाय. अर्थवनं एक खास पोस्ट शेअर करत याबद्दल सांगितलंय.

Ankush Choudhary: पूर्णपणे नवीन आणि लक्षात राहील असा नवीन विनोद निर्माण करणं मोठं आव्हान, ‘मामा’च्या भूमिकेबद्दल स्पष्टच बोलला अंकुश चौधरीकाय आहे अथर्व सुदामेची पोस्ट?
गोंदवलेकर महाराजांवर एक शॉर्ट फिल्म करायची… हा विचार माझ्या मनात खूप दिवसांपासून होता.ज्या महाराजांना मी मनापासून मानतो, ज्यांच्यावर माझी नितांत श्रद्धा आहे, त्यांचं कार्य एका छोट्याशा प्रयत्नातून लोकांसमोर मांडावं, अशी मनापासून इच्छा होती.आणखी एक इच्छा होती… महाराजांची भूमिका अशा व्यक्तीने साकारावी, ज्यांना मी स्वतः तितकाच मानतो. ते नाव म्हणजे सुबोध भावे सर.मी त्यांना स्क्रिप्ट पाठवली. ती त्यांना आवडली आणि त्यांनी क्षणाचाही विलंब न लावता होकार दिला.

सरांच्या अभिनयाबद्दल काय बोलणार… ते फक्त अनुभवायचं असतं.शूट अतिशय सुंदर पार पडलं.सुबोध सरांचा मला फोन आला. त्यांनी पहिलाच प्रश्न विचारला,“झालं ना सगळं तुझ्या मनासारखं? जे डोक्यात होतं, तसं झालं ना?”मी म्हणालो,“हो सर… अगदी मनासारखं झालं.”मग मी सहज त्यांना मानधनाबद्दल विचारलं. त्यावर ते हसले आणि म्हणाले,ह्या गोष्टीचा काही संबंध नाही.“अरे, तू काहीतरी चांगलं काम करतोयस… कर. मी आहे.”हे वाक्य ऐकल्यावर काही क्षण मी निःशब्द झालो.कारण आयुष्यात जेव्हा जेव्हा मी एखादं चांगलं काम करण्यासाठी पाऊल टाकतो, तेव्हा मनाच्या कुठल्यातरी कोपऱ्यातून मला नेहमी असंच वाटतं…“तू काहीतरी चांगलं काम करतोयस… कर. मी आहे.”
Samir Choughule: ‘किती पैसे मिळाले या पोस्टसाठी? तुम्हाला मिळतात त्या पेक्षा थोडे जास्त’, आंदोलन आणि समाजातील असंवेदनशीलतेवर समीर चौघुलेंची जळजळीत पोस्ट

त्या दिवशी ते शब्द सुबोध सरांच्या तोंडून ऐकले… पण मला त्यात गोंदवलेकर महाराजांचाच आशीर्वाद ऐकू आला.या शॉर्ट फिल्ममुळे माझ्यासाठी दोन व्यक्ती एकत्र आल्या.एक माझे आराध्य गोंदवलेकर महाराज… आणि दुसरे सुबोध भावे सर.या दोघांप्रती मनापासून कृतज्ञ.

दरम्यान, पूर्णब्रम्ह असं या शॉर्ट फिल्मचं नाव असून याचा एक टीझर व्हिडिओ देखील अथर्वनं सोशल मीडियावर शेअर केला आहे.

सुबोधच्या कामाबद्दल बोलायचं झालं तर ‘वीन दोघांतली ही तुटेना’ मालिकेतून टेलिव्हिजनवर पुनरागमन करत सुबोध झी मराठीवरील ‘वीन दोघांतली ही तुटेना’ या कौटुंबिक आणि संवेदनशील मालिकेत ‘समर राजवाडे’ ही मध्यवर्ती भूमिका साकारत आहे. तसंच त्याचा बोल बोल राणी सिनेमाही नुकताच प्रदर्शित झालाय.