तुमच्या आधार कार्डवर खूप जुना किंवा खराब फोटो आहे आणि तो तुम्हाला बदलायचा आहे का? आता काळजी करण्याची गरज नाही. भारतीय विशिष्ट ओळख प्राधिकरणाने (UIDAI) आधारमधील फोटो बदलण्याची प्रक्रिया अत्यंत सोपी केली असून, नागरिक घरबसल्या अवघ्या 10 मिनिटांत यासाठी ऑनलाईन अर्ज करू शकतात. चला तर मग याविषयीची माहिती पुढे जाणून घेऊया.
घरबसल्या ऑनलाईन अर्ज कसा करावा?
आधार कार्डवरील फोटो बदलण्याची थेट ऑनलाईन पद्धत सुरक्षिततेच्या कारणास्तव उपलब्ध नसली, तरी तुम्ही घरबसल्या अपॉइंटमेंट बुक करून आधार केंद्रावरील तुमचा वेळ वाचवू शकता. यासाठी खालील सोप्या स्टेप्स फॉलो कराव्या लागतील.
फोटो बदलण्याची प्रोसेस
- सर्वप्रथम UIDAI च्या अधिकृत संकेतस्थळाला म्हणजेच myaadhaar.uidai.gov.in ला भेट द्या.
- होम पेजवर गेल्यानंतर ‘Book an Appointment’ या पर्यायावर क्लिक करा.
- तुमचे शहर किंवा जवळचे आधार केंद्र निवडून ‘Proceed to Book Appointment’ वर क्लिक करा.
- तुमचा मोबाईल नंबर आणि कॅप्चा कोड टाकून OTP जनरेट करा आणि तो सबमिट करा.
- यानंतर ‘Aadhaar Update’ हा पर्याय निवडून तुमची वैयक्तिक माहिती भरा आणि फोटो बदलण्यासाठी योग्य ती तारीख आणि वेळ (Time Slot) निवडा. (REF.)
आधार केंद्रावर 10 मिनिटांत होईल काम
ऑनलाईन स्लॉट बुक केल्यानंतर, तुम्हाला मिळालेल्या ठराविक वेळेत तुमच्या जवळच्या ‘आधार सेवा केंद्रावर’ (Aadhaar Seva Kendra) जावे लागेल. तुम्ही आधीच ऑनलाईन फॉर्म भरल्यामुळे आणि वेळ निश्चित केल्यामुळे तुम्हाला तिथे तासनतास रांगेत उभे राहावे लागणार नाही. तिथे उपस्थित असलेले अधिकारी बायोमेट्रिक उपकरणाच्या सहाय्याने तुमचा नवीन फोटो लाइव्ह वेबकॅमद्वारे क्लिक करतील. या संपूर्ण प्रक्रियेसाठी केवळ 5 ते 10 मिनिटांचा वेळ लागतो.
महत्वाचे नियम आणि फी
आधार कार्डवर फोटो बदलण्यासाठी कोणत्याही अतिरिक्त कागदपत्रांची गरज भासत नाही, कारण तुमचा फोटो थेट आधार केंद्रावर लाइव्ह घेतला जातो. या सुविधेसाठी UIDAI कडून केवळ 100 रुपये (GST सह) अधिकृत शुल्क आकारले जाते. फोटो बदलण्याची प्रक्रिया पूर्ण झाल्यानंतर तुम्हाला एक ‘अपडेट रिक्वेस्ट नंबर’ (URN) मिळेल. या नंबरच्या मदतीने तुम्ही तुमच्या अर्जाची स्थिती ऑनलाईन ट्रॅक करू शकता. साधारणपणे 15 ते 30 दिवसांच्या आत तुमचा नवीन फोटो आधार डेटाबेसमध्ये अपडेट होतो, ज्याची डिजिटल कॉपी तुम्ही ऑनलाईन डाऊनलोड करू शकता.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
