दक्षिण कोरियन टेक दिग्गज सॅमसंगने आपल्या आगामी ‘गॅलेक्सी अनपॅक्ड’ इव्हेंटपूर्वी नव्या फोल्डेबल फोन्सचा एक अतिशय रंजक टीझर रिलीज केला आहे. या टीझरमध्ये चॉकलेट तोडताना दाखवून कंपनीने एक मोठी हिंट दिली आहे. सॅमसंग या वेळी पारंपरिक डिझाईन बदलून अधिक रुंद स्क्रीन असलेला पहिला ‘वाईड फोल्डेबल स्मार्टफोन’ बाजारात उतरवण्याची दाट शक्यता आहे.
सॅमसंगने जारी केलेल्या एका व्हिडिओमध्ये चॉकलेट वरून तोडले जात आहे. या व्हिडिओंकडे पाहता असे दिसते की, कंपनी फोल्डेबल फोनच्या श्रेणीत एक नवीन पर्याय देऊ शकते, जो वाइड फोल्डेबल फोन असू शकतो. विशेष म्हणजे ऍपल यावर्षी आपला पहिला वाइड फोल्डेबल देखील बाजारात लाँच करू शकते. जर सॅमसंग आणि ऍपल दोघेही या नवीन डिझाइन श्रेणीत प्रवेश करत असतील तर फोल्डेबल फोनची बाजारपेठ एका नवीन दिशेने वळू शकते.
इंस्टाग्रामवर 6 टीझर व्हिडिओ
गॅलेक्सी अनपॅक्ड इव्हेंटच्या आधी सॅमसंगने इंस्टाग्रामवर 6 टीझर व्हिडिओ ठेवले आहेत. हे चॉकलेट, कोडी, ताजमहाल, पिझ्झा इत्यादींशी संबंधित आहेत. या सर्वांमध्ये एक गोष्ट समान आहे: व्हिडिओमध्ये दर्शविलेली वस्तू वरून कमी केली जात आहे.
फोल्डेबल कॅटेगरीमध्ये काहीतरी नवीन येणार?
सॅमसंगच्या या टीचर व्हिडिओंचा अर्थ असा आहे की, कंपनी फोल्डेबल स्मार्टफोन कॅटेगरीमध्ये काहीतरी नवीन सादर करणार आहे. आतापर्यंत कंपनीने बुक स्टाईल फोल्डेबल लाँच केले आहे. आता ते वाइड फोल्डेबल फोन बाजारात लाँच करू शकते. काही दिवसांपूर्वी, अशी बातमी आली होती की कंपनी सप्टेंबरमध्ये एका लॉन्च इव्हेंटमध्ये नवीन फोल्ड आणि फ्लिप लाँच करू शकते.
फोल्डेबल कॅटेगरीला एक नवी दिशा मिळेल
सॅमसंगचा वाइड फोल्डेबल फोन लाँच केल्याने या सेगमेंटला नवी दिशा मिळू शकते. असं बोललं जात आहे की, बुक स्टाईल फोल्डेबल्सपेक्षा वाइड फोल्डेबल फोन अधिक उपयुक्त ठरतील. हे टीझर सॅमसंग आपल्या फोल्डेबल पोर्टफोलिओमध्ये सतत कशी सुधारणा करीत आहे याचे प्रारंभिक संकेत आहेत, ज्यामुळे लोकांना वेगवेगळ्या मार्गांनी काम करण्याची, प्रतिक्रिया देण्याची, संवाद साधण्याची आणि सामग्री पाहण्याची परवानगी मिळते.
पहिल्या गॅलेक्सी फोल्डच्या लाँचिंगनंतर, सॅमसंगचा असा विश्वास आहे की ‘प्रत्येकाकडे समान पर्याय नसतात’. त्यामुळेच उत्पादकता आणि सर्जनशीलता वाढविण्यासाठी कंपनीने वेगवेगळ्या पद्धती अवलंबल्या आहेत. गॅलेक्सी झेड फोल्ड आणि फ्लिपपासून ते नवीन संकल्पनांवर सुरू असलेल्या संशोधनापर्यंत, सॅमसंगचे लक्ष लोकांना जगाशी जोडण्यासाठी नवीन आणि चांगले मार्ग शोधण्यावर आहे.
सॅमसंगने अद्याप हे स्पष्ट केले नाही की ते काय लाँच करणार आहे, परंतु हे संकेत दर्शवतात की कंपनी युजर्सना फोल्डेबल श्रेणीमध्ये अधिक पर्याय आणि नवीन अनुभव देऊ इच्छित आहे.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
